17:58 21 մայիսի 2019
Ուղիղ եթեր
  • USD479.60
  • GBP608.80
  • EUR534.80
  • RUB7.44
Կոնստանտին Օրբելյան

Օրբելյանն ու Մակունցը գժտվա՞ծ են.Օպերային թատրոնի գեղարվեստական ղեկավարը բացել է փակագծերը

© Sputnik / Asatur Yesayants
Մշակույթ
Ստանալ կարճ հղումը
210 0 0

Կոնստանտին Օրբելյանը ներկայացրել է Օպերային թատրոնի բոլոր խնդիրներն ու ծրագրերը, ինչպես նաև հայտնել, որ մտադիր չէ լքել գեղարվեստական ղեկավարի պաշտոնը։

ԵՐԵՎԱՆ, 30 օգոստոսի — Sputnik. Անկախ մի շարք խնդիրներից և միջոցների պակասից, Ալեքսանդր Սպենդիարյանի անվան Հայաստանի Ազգային Օպերայի և Բալետի թատրոնը պարբերաբար հյուրախաղեր է ունենում և նոր բեմադրություններ ներկայացնում։ Այս մասին հինգշաբթի հրավիրված մամուլի ասուլիսին ասաց թատրոնի գեղարվեստական ղեկավար Կոնստանտին Օրբելյանը։

«Թատրոնի տանիքից կաթում է, նոր գործիքներ են անհրաժեշտ, մի շարք ֆինանսական խնդիրներ կան, սակայն փորձում ենք մեր ջանքերով լուծել դրանք և շարունակում ենք հյուրախաղեր ունենալ։ Սեպտեմբերի 6-10-ը Դուբայում կներկայացնենք Ժորժ Բիզեի «Կարմեն» և Վոլֆգանգ Մոցարտի «Կախարդական սրինգը» օպերաները», – ընդգծեց նա։

Օրբելյանին չի վշտացնում այն փաստը, որ թատրոնին ու անձամբ իրեն մշտապես քննադատում են։ Նրա խոսքով` ինքն արդեն սովորել է նման վերաբերմունքին, քանի որ իր ամբողջ գործունեության ընթացքում ժամանակ առ ժամանակ բախվել է ամբիցիաների և դժգոհությունների, սակայն շարունակել է կատարել իր աշխատանքը։

Այս համատեքստում Օրբելյանը նշեց, որ առաջիկա երկու ամիսները թատրոնի համար լարված կլինեն։ Օպերային ներկայացումների և բալետների մի շարք պրեմիերաներ են սպասվում։

Բացի այդ, Օրբելյանը հայտնեց, որ թատերախումբը 2020 թվականին ԱՄՆ է հրավիրված։

«25-30 ելույթ է նախատեսված։ Բավական լայնածավալ ծրագիր է։ Մեր թատրոնը երբեք նման մեծ նախագծով ԱՄՆ–ում հանդես չի եկել, փորձելու ենք ամեն ինչ անել ամենաբարձր մակարդակով», – ընդգծեց Օրբելյանը։

Թատրոնի գեղարվեստական ղեկավարը կրկին հերքել է ՀՀ մշակույթի նախարար Լիլիթ Մակունցի հետ լարված փոխհարաբերությունների մասին տեղեկությունը։ Նա նաև անդրադարձել է նախարարի վերջին հայտարարությանն այն մասին, որ Օրբելյանը պետք է թատրոնի առողջացման ծրագիր ներկայացնի և մնա միայն մեկ պաշտոնում (այժմ նա զբաղեցնում է թատրոնի գեղարվեստական ղեկավարի և տնօրենի պաշտոնները, երբեմն էլ հանդես է գալիս որպես դիրիժոր)։

«Պայմանագիր եմ ստորագրել որոշակի ժամկետով, և եթե աշխատանքս չհավանեն, ապա թող այն չերկարացնեն», – ընդգծեց Օրբելյանը։

Հիշեցնենք, որ Օրբելյանին Հայաստան էր հրավիրել նախկին նախագահ Սերժ Սարգսյանը։ 2015 թվականին Սարգսյանի հրամանով նա պարգևատրվել էր բարեկամության շքանշանով` հայ-ռուսական մշակութային կապերի ամրապնդման գործում ունեցած ներդրումի համար։ Իշխանափոխությունից և 85 մլն դրամի չափով թատրոնի բյուջեի կրճատումից հետո ԶԼՄ–ներում պարբերաբար տեղեկություն է հայտնվում, որ Օրբելյանն ուզում է լքել պաշտոնը։

Ըստ թեմայի

Օրբելյանի խոստովանությունը. ինչ է արել Խվորաստովսկին կյանքի վերջին ժամերին
Օրբելյանը հերքում է. «Ես հրաժարական չեմ տվել»
Կոնստանտին Օրբելյանը «Գրեմմի 2018»–ի հավակնորդ է
Լիլիթ Մակունցը բացահայտում է Գյումրին. շարժական գրադարանից մինչև Մինասի որմնանկարներ
«Որպեսզի ոչ ոք չկարողանա քանդել». Մակունցը դեմ է օպերայի շենքում զվարճանքի օբյեկտներին
«Նա մեր նախագիծը հավանեց, մենք էլ` նրան». Մակունցը Թբիլիսիում հանդիպել է դերասաններին
թեգերը:
Լիլիթ Մակունց, Հայաստան

Գլխավոր թեմաներ