05:36 15 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Լեդի Գագա

Հայտնի են 2018-ի 10 լավագույն ֆիլմերի անունները. դրանց թվում է Լեդի Գագայի ֆիլմը

© REUTERS / Mario Anzuoni
Մշակույթ
Ստանալ կարճ հղումը
43 0 0

Կինոարվեստի ամերիկյան ինստիտուտը (American Film Institute, AFI) նշել է այս տարվա 10 լավագույն ֆիլմերի անունները։ Ֆավորիտների շարքում է երգչուհի Լեդի Գագայի մասնակցությամբ ֆիլմը։

ԵՐԵՎԱՆ, 5 դեկտեմբերի — Sputnik. Կինոարվեստի ամերիկյան ինստիտուտը (American Film Institute, AFI) հրապարակել է 2018 թվականի տասը լավագույն ֆիլմերի ցանկը։

AFI–ի վարկածով կինեմատոգրաֆի լավագույն ստեղծագործությունների տասնյակում են Բրեդլի Կուպերի «Աստղը ծնվել է» դրաման` Լեդի Գագան գլխավոր դերում, «Սև հովազ» ֆանտաստիկ մարտաֆիլմը և «Խաղաղ տեղ» սարսափ ֆիլմը։

Ինստիտուտը տասնյակում ներառել է նաև Բո Բերնեմի «8-րդ դասարան», Ռոբ Մարշալի «Մերի Փոփինսը վերադառնում է», պատմական թեմաներով Սփայք Լիի «Կլանի սև անդամը», Բարի Ջենքինսի «Եթե Բիլ սթրիթը կարողանար խոսել», Յորգոս Լանթիմոսի «Ֆավորիտուհի» և Փոլ Շրեդերի «Քահանայի օրագիրը» ֆիլմերը։

Ցանկում ընդգրկվել է նաև ռեժիսոր Փիթեր Ֆարելիի «Կանաչ գիրքը» ֆիլմը, որը սեպտեմբերին Տորոնտոյում 43-րդ Միջազգային կինոփառատոնին գրան պրի է նվաճել։ Կինոքննադատները նշել են նաև Ալֆոնսո Կուարոնի «Հռոմ» սև–սպիտակ ֆիլմը, որտեղ պատմվում է 1970-ականներին մեքսիկացի ապահով ընտանիքի կյանքի մասին։

Հարկ է նշել, որ նոյեմբերի վերջին «Կանաչ գիրքը» ԱՄՆ կինոքննադատների ազգային խորհրդի վարկածով լավագույն ֆիլմ գնահատվեց։ Ավելի վաղ Time ամսագիրը «Հռոմ» ֆիլմը 2018 թվականի լավագույն ֆիլմ էր ճանաչել։

թեգերը:
Ամերիկայի Միացյալ Նահանգներ

Գլխավոր թեմաներ