10:20 24 հոկտեմբերի 2019
Ուղիղ եթեր
  • USD475.99
  • GBP611.79
  • EUR528.92
  • RUB7.45
Նիկոլ Փաշինյան

Նիկոլ Փաշինյանը բացատրել է օպտիմալացված նախարարության նպատակը

© Sputnik /
Մշակույթ
Ստանալ կարճ հղումը
ՀՀ վարչապետ Նիկոլ Փաշինյան (846)
25220

Ի՞նչ խնդիր պետք է լուծի Կրթության, գիտության և մշակույթի նախարարությունը: Նիկոլ Փաշինյանը կոնկրետ օրինակով է պարզաբանել ապագա նախարարության անելիքները։

ԵՐԵՎԱՆ, 30 հունվարի — Sputnik. Կոմիտասի 150-ամյակ, Ազգային ակադեմիական երգչախումբ, դիրիժոր՝ Հայաստանի ազգային հերոս Հովհաննես Չեքիջյան, հզորագույն համերգ և կիսադատարկ դահլիճ: Ֆեյսբուքյան էջում Հայաստանի ազգային ակադեմիական երգչախմբի համերգից իր տպավորությունն է թողել ՀՀ վարչապետ Նիկոլ Փաշինյանը։

«Սա մեր մշակութային կյանքի եւ քաղաքականության իրական երեսն է. ում հարցնես՝ կասեն, որ Կոմիտասը, Չեքիջյանը, Ակադեմիական երգչախումբը մեզ համար ազգային արժեքներ են: Բայց համակարգը կառուցված է այնպես, որ այդ ազգային արժեքի հետ հնարավորինս քիչ մարդ շփվի, քիչ մարդ հարաբերվի։Որովհետև՝ չէ՞ որ դա բարձր ազգային արժեք է, «ամեն մարդու խելքի բան չէ», կերպարվեստի գլուխգործոցները պետք է պահվեն թանգարանների «պադվալներում» (պահարաններում պահվող ռոկոկո բաժակների նման), որովհետև դրանք արժեք են և ոչ թե ամենօրյա կիրառման և յուրացման բովանդակություն: Թանգարաններ պետք է հնարավորինս քիչ մարդիկ գնան, կամ ընդհանրապես չգնան»,– գրում է նա:

Փաշինյանը նաև հայտնում է, որ ՀՀ իշխանության մշակութային քաղաքականության նպատակը այս համակարգը վերացնելն է։ Ըստ նրա` «նոր Հայաստանում մարդը արվեստի, մշակույթի հետ պետք է իրական ու մշտական հարաբերությունների մեջ լինի, ազգային արժեքները պետք է մոտ լինեն մարդուն՝ ծնողի, հարազատի, յուրայինի նման»:

Իսկ այս ընկալումը վարչապետի համոզմամբ, պետք է սերմանվի դպրոցից, իսկ բարձրացված խնդիրները պետք է լուծի կրթության, գիտության և մշակույթի նախարարությունը:

Հիշեցնենք, որ այս տարի լրանում է հայ երգահան, երգիչ, երաժշտական էթնոլոգ, երաժշտագետ, վարդապետ և ուսուցիչ, բանահավաք, խմբավար, մանկավարժ, հայկական ազգային կոմպոզիտորական դպրոցի հիմնադիր Կոմիտասի  (Սողոմոն Գևորգի Սողոմոնյան) 150 ամյակը։

Հունվարի 29–ին վարչապետ Նիկոլ Փաշինյանը և տիկին Աննա Հակոբյանն Արամ Խաչատրյան համերգասրահում ներկա են գտնվել Կոմիտասի 150-ամյակի հոբելյանական տարվա միջոցառումների մեկնարկն ազդարարող համերգին:Միջոցառման ընթացքում համերգային ծրագրով հանդես է եկել Հայաստանի պետական ազգային ակադեմիական երգչախումբը` դիրիժոր Հովհաննես Չեքիջյանի գլխավորությամբ:

 

թեմա:
ՀՀ վարչապետ Նիկոլ Փաշինյան (846)

Ըստ թեմայի

Փարիզում ցուցադրվել են Sputnik Արմենիայի լուսանկարիչ Ասատուր Եսայանցի աշխատանքները
Ի՞նչ վիճակում կլիներ Թումանյանի ընտանիքը, եթե չլիներ Օլգան. թոռնուհին պատմել է պապի մասին
թեգերը:
Նիկոլ Փաշինյան

Գլխավոր թեմաներ