ԵՐԵՎԱՆ, 11 փետրվարի — Sputnik. Ջենիֆեր Լոպեսի զգեստը, որով նա ներկա է գտնվել «Գրեմմի» երաժշտական մրցանակի հանձնման արարողությանը, ճանաչվել է երեկոյի վատագույն զգեստ, գրում է Daily Mail–ը։
Փետրվարի 10–ի լույսի 11–ի գիշերը կայացած արարողությանը Լոպեսը ներկա է գտնվել Ralph & Russo բրիտանական նորաձևության տան երկար զգեստով` փայլուն ասեղնագործ դետալներով։
Ջենիֆեր Լոպեսի զգեստը` «Գրեմմի» երաժշտական մրցանակի հանձնման արարողությանը
© REUTERS / LUCY NICHOLSON
Նորաձևության փորձագետները երգչուհու զգեստը համարել են երեկոյի վատագույնը։
Անցած տարվա նոյեմբերին Լոպեսը բաց զգեստով նկարվել է InStyle ամսագրի դեկտեմբերյան համարի շապիկի համար։ Ֆոտոշարքի ժամանակ նրա կրել է Valentino Haute Coutur–ի կանաչ զգեստը։
