18:32 13 նոյեմբերի 2019
Ուղիղ եթեր
  • USD477.46
  • GBP613.63
  • EUR526.02
  • RUB7.42
Տիգրան Մանսուրեան

ԱՄՆ–ի մէջ Մանսուրեանի անուան մրցանակ կու տան` հայկական թեմայով ստեղծագործութեան համար

© Sputnik / Asatur Yesayants
Մշակույթ
Ստանալ կարճ հղումը
Sputnik Արմենիան` արևմտահայերենով (229)
147 0 0

Հանդիսատեսը կը վայելէ Չարենցի եւ Իսահակեանի գործերու հիման վրայ Մանսուրեանի գրած ստեղծագործութիւնները:

ԵՐԵՒԱՆ, 18 մարտի – Sputnik. Անուանի երաժշտահան Տիգրան Մանսուրեանի 80–ամեայ յոբելեանին առթիւ ողջ տարուան ընթացքին տեղի պիտի ունենան շարք մը համերգներ: Յառաջիկային նախատեսուած է երկու հայաստանեան համերգ` մարտ 21–ին եւ 26–ին, Կոմիտասի անուան կամերային երաժշտութեան տան մէջ: Sputnik Արմենիա մալթիմետիա մամուլի կեդրոնին մէջ կայացած մամլոյ ասուլիսի ժամանակ ներկայացուեցան համերգներու մանրամասնութիւնները:

Հայաստանի պետական կամերային երգչախումբի տնօրէն Արմէն Արաբեան նշեց, որ համերգները կազմակերպած են իրենք: «Առաջին համերգին պիտի հնչեն Չարենցի, իսկ յաջորդին Իսահակեանի բանաստեղծութիւններու հիման վրայ մայեստրոյի գրած ստեղծագործութիւնները: Այս համերգներով սկիզբ կը դրուի մեր երգչախումբի` Մանսուրեանի յոբելեանին նուիրուած համերգներուն. տարուան ընթացքին համերգներ կ’ունենանք ինչպէս Ռուսաստանի, այնպէս ալ` եւրոպական երկիրներու մէջ»,–ըսաւ Արաբեան:

Հայաստանի պետական կամերային երգչախումբի գեղարուեստական ղեկավար եւ խմբավար Ռոպերթ Մլքէեանի խօսքով , երջանկութիւն է ունենալ նման երգչախումբ եւ նման երաժշտահան, որուն ստեղծագործութիւններու գերակշիռ մասը հէնց երգչախումբի համար  գրուած է: Ըստ անոր` Մանսուրեան վաղուց կ’ուզէր Չարենցի եւ Իսահակեանի գործերուն նուիրուած համերգ ունենալ: «Կը կարծեմ` ամբողջ  կեանք մը պէտք է ապրիս, որպէսզի կարենաս այդ ամէնը քու միջոցով իրականացնել ու ստեղծագործութիւն դարձնել»,–ըսաւ Մլքէեան:

Пресс-конференция, приуроченная к старту юбилейных концертов, посвященных 80-летию композитора Тиграна Мансуряна (18 марта 2019). Еревaн
© Sputnik / Asatur Yesayants
Տիգրան Մանսուրեան

Ինք` մայեստրօ Մանսուրեան, խօսելով յառաջիկային կայանալիք երկու համերգներուն մասին, նշեց, որ քանի տարի է` կը պատրաստուէր այս համերգներուն: Մայեստրոյի խօսքով` իրեն համար շատ թանկ է Չարենցին եւ Իսահակեանին նուիրուած համերգ ունենալը: «Հայ երգահանութեան արուեստը մեծ մասամբ բանաստեղծութեան հետ  կապուած է: Սակայն տարիներուն ընթացքին մենք ունեցած ենք ստեղծագործութիւններ, որոնց երաժշտութիւնը մեծ մասամբ գործիքային  եղած է` Ալեքսանդր Սպենդարեան, Արամ Խաչատրեան, յետոյ եկան հանրային, քաղաքային երգերը: Բանաստեղծութեան հետ կապը բաց կը մնար, եւ այդ բացը պէտք է  լրացուէր, եւ ես ալ որոշեցի անդրադարձ կատարել մեր գրողներու գործերուն»,–ըսաւ Մանսուրեան:

Пресс-конференция, приуроченная к старту юбилейных концертов, посвященных 80-летию композитора Тиграна Мансуряна (18 марта 2019). Еревaн
© Sputnik / Andranik Ghazaryan
Ռոպերթ Մլքէեան

Մայեստրոն տեղեկացուց, որ մարտ 21–ին կայանալիք համերգին ժամանակ պիտի հնչեն Չարենցի այն ստեղծագործութիւնները, որոնք, ըստ անոր, կ’ամփոփեն բանաստեղծի ապրած կեանքի ընթացքը, ողջ ուղին` «Աշնան երգ», «Քամին», «Գիշերը», «Անքնութիւն»: Իսկ մարտ 26–ին նախատեսուած համերգին մայեստրոն 7 խմբերգներ  ստեղծած է` Իսահակեանի «Ծով», «Արեւելքի հաւքը», «Ալագեազի լանջերում» եւ այլ ստեղծագործութիւններու հիման վրայ: «Իսահակեանի բանաստեղծութիւններն առաջինը ժողովրդական երգիչները երգած են եւ կը թուէր` այդ գործերու համարժէքը հէնց ժողովրդական երգերն են, բայց ես այնտեղ ուրիշ բան ալ տեսայ ու խմբերգներ ստեղծեցի: Իսահակեանի եւ Չարենցի քերթուածներուն մէջ կան շերտեր, որոնք մեծ հորիզոններ կը բանան կարդացողին առջեւ»,–ըսաւ մայեստրոն:

Пресс-конференция, приуроченная к старту юбилейных концертов, посвященных 80-летию композитора Тиграна Мансуряна (18 марта 2019). Еревaн
© Sputnik / Asatur Yesayants
Արմէն Արաբեան

Ան տեղեկացուց նաեւ, որ համերգներուն պիտի մասնակցին նաեւ դերասան–ասմունքողներ Սամուէլ Թօփալեան եւ Բաբգէն Չօբանեան, ինչպէս նաեւ դաշնակահարներ Արթուր Աւանեսով, Լուսինէ Յակոբեան, երգչուհիներ Իրինա Զաքեան, Տաթեւիկ Մովսէսեան, Քրիստինէ Սահակեան, ալտահարուհի Եանա Դարեան եւ պարիտոն Գուրգէն Բաւէեան:

Ի դէպ, վերջերս Քալիֆորնիոյ մէջ Մանսուրեան ներկայ  գտնուած է իր ստեղծագործութիւններուն նուիրուած գիտական  երեկոյի մը, որուն ժամանակ նաեւ որոշուած է մրցոյթ կազմակերպել` սահմանելով Մանսուրեանի անուան մրցանակ: Մրցոյթին մասնակցութեան պարտադիր պայմանը հայկական թեմայով ստեղծագործութիւն ներկայացնելն է:

թեմա:
Sputnik Արմենիան` արևմտահայերենով (229)

Ըստ թեմայի

Ինչպէս սովետական հին հանրակառքը կը դառնայ հիւրանոց. հայաստանեան հանգիստի նորաձեւութիւնը
Փոքրիկ Ռոպերթը երգեց Show Must Go On–ն եւ «ձայնը» «պայթեցուց» դահլիճը. տեսանիւթ
Կեղծ էին, թէ ոչ Նոր Զելանտիոյ ահաբեկիչներու զէնքերու հայերէն ու վրացերէն գրառումները
Հայուհին ԱՄՆ–ի մէջ դարձած է առաջինը. ինչպէս Տէր–Վարդանեանը նուաճած է ամերիկեան նաւատորմը
Հայ բժիշկը Սուրիոյ մէջ ընդգրկուած է ականազերծում կատարող սակրաւորներու խումբին մէջ
թեգերը:
Տիգրան Մանսուրյան, Ամերիկայի Միացյալ Նահանգներ, Հայաստան

Գլխավոր թեմաներ