17:58 21 մայիսի 2019
Ուղիղ եթեր
  • USD479.60
  • GBP608.80
  • EUR534.80
  • RUB7.44
Շառլ Ազնավուրի համերգը

Մեծն Ազնավուրին շնորհվել է BraVo մրցանակը համաշխարհային մշակույթում ունեցած ավանդի համար

© Sputnik / Владимир Астапкович
Մշակույթ
Ստանալ կարճ հղումը
6701

Միջազգային պրոֆեսիոնալ երաժշտական մրցանակաբաշխության հանդիսավոր արարողությունը տեղի է ունեցել Կրեմլյան Պետական պալատում։

ԵՐԵՎԱՆ, 21 մարտի — Sputnik. Աշխարհահռչակ շանսոնյե Շառլ Ազնավուրին հետմահու շնորհվել է BraVo մրցանակը` համաշխարհային մշակույթում ունեցած ավանդի համար։

Միջազգային պրոֆեսիոնալ երաժշտական մրցանակաբաշխության հանդիսավոր արարողությունը տեղի է ունեցել Մոսկվայի Կրեմլյան Պետական պալատում մարտի 21-ին։

«Արձանը կհանձնվի Շառլ Ազնավուրի ընտանիքին», – ասաց մրցանակաբաշխությունը վարող երգիչ Ֆիլիպ Կիրկորովը։

Նա նշել է, որ այս մրցանակը հարգանքի տուրք է անզուգական մաեստրոյի լուսավոր հիշատակին։

Դրանից հետո բեմ դուրս եկավ հայտնի երգչուհի Թամարա Գվերդծիթելին և մեծ շանսոնյեի երգացանկից երգ կատարեց։

Միջոցառմանը ներկա էին ռուսական էստրադայի աստղեր, մասնավորապես` Նիկոլայ Բասկովը և Դիմա Բիլանը։ Միջոցառմանը ներկա էին նաև հրավիրված հյուրեր` արտասահմանյան աստղեր` Մայքլ Բոլթոնն ու Քրիս դե Բուրգը։

Ներկա պահին հայտնի է, որ տարվա երգչուհի է հայտարարվել Պոլինա Գագարինան։

Նշենք, որ Գագարինան մրցանակաբաշխությանը ներկա չէր։

Լեգենդար շանսոնյե Շառլ Ազնավուրը մահացել է 2018 թվականի հոկտեմբերի 1-ին 94 տարեկանում Ֆրանսիայի հարավում գտնվող իր առանձնատանը։

Ազնավուրը (Շահնուր Վաղինակ Ազնավուրյանը) ծնվել է 1924 թվականի մայիսի 22-ին Փարիզում, արտիստների ընտանիքում, նրա ծնողները կարողացել էին փրկվել 1915 թվականի Օսմանյան կայսրությունում տեղի ունեցած Հայոց ցեղասպանությունից։

Ընտանիքը, այդ թվում ավագ քուրը` Աիդան, մտադիր էր ԱՄՆ մեկնել, սակայն նրանց այդպես էլ վիզա չտրամադրեցին, արդյունքում նրանք մնացին Ֆրանսիայում։ Շառլ Ազնավուրը երեք անգամ ամուսնացած է եղել, ունի 6 երեխա։

«Ռոսիա սեգոդնյա» ՄՏԳ–ն BraVo մրցանակաբաշխության պաշտոնական տեղեկատվական հովանավորն է, իսկ Sputnik լրատվական գործակալությունը միջազգային տեղեկատվական գործընկերը։

Ըստ թեմայի

Չեն կախի և չեն հեռացնի. ուղղակի ցավալի է, որ «կիքսը» հենց Ազնավուրին էր վերաբերում
Ազնավուրի հրաժեշտի արարողության ժամանակ հայերեն երգած Ժերեմի Դելվերը Հայաստանում է
Վրաստանում արդեն Շառլ Ազնավուրի անվան հրապարակ ու փողոց կա
Շառլ Ազնավուրին կարող են հարգանքի տուրք մատուցել իր երգերի հավաքածուով. ԶԼՄ

Գլխավոր թեմաներ