14:56 26 ապրիլի 2019
Ուղիղ եթեր
  • USD481.57
  • GBP620.02
  • EUR536.23
  • RUB7.42
Երուսաղեմ

Երուսաղէմի Սուրբ Յարութեան Տաճարին մԷջ առաջին անգամ հայկական տուտուկ հնչած է. տեսանիւթ

© Sputnik / Lusine Adamyan
Մշակույթ
Ստանալ կարճ հղումը
Sputnik Արմենիան` արևմտահայերենով (114)
22710

«Սուրբ Յարութեան տաճարին մէջ ըլլալն աննկարագրելի, հոգեպարար զգացողութիւններ կ’առաջացնէ, բառերով չես կրնար նկարագրել», Գէորգ Տապաղեան:

ԵՐԵՒԱՆ, 26 մարտի-Sputnik. Երուսաղէմի մէջ մարտ 4-21 կայացած «Հայերն Երուսաղէմի մէջ» խորագիրով փառատօնի ծիրէն ներս ՀՀ ժողովրդական արուեստագէտ, տուտուկահար Գէորգ Տապաղեան եւ երաժշտահան Վաչէ Շարաֆեան հանդէս  եկած են տուտուկի եւ դաշնամուրի կատարումներով:Երուսաղէմի մէջ գտնուելու պատեհ առիթը չկորսնցնելով` Գէորգ Տապաղեան յաճախակի այցելած է Սուրբ Յարութեան տաճար եւ գիշերն անցուցած այնտեղ:

Այդ այցելութիւններուն ընթացքին ալ  տուտուկահարին մօտ միտք ծագած է տուտուկի միջոցով իր աղօթքն առ Աստուած բարձրացնել:

Երուսաղեմի Սուրբ Հարության տաճարում առաջին անգամ հայկական դուդուկ է հնչել
Երուսաղէմի Սուրբ Յարութեան Տաճարին մԷջ առաջին անգամ հայկական տուտուկ հնչած է

«Եկեղեցւոյ տարբեր հատուածներու մէջ տարբեր կատարումներ հնչեցին` Տէր Ողորմեան, Գրիգոր Նարեկացիի տաղերէն, իսկ Հաւուն Հաւունը կատարեցի Յիսուս Քրիստոսի գերեզմանի մուտքին առջեւ: Սուրբ  Յարութեան տաճարին մէջ ըլլալն աննկարագրելի, հոգեպարար զգացողութիւններ կ’առաջացնէ, բառերով չես կրնար նկարագրել»,-«Հայերն այսօր»-ի հետ զրոյցին ըսած է Գէորգ Տապաղեան եւ աւելցուցած, որ այդ գիշեր Սուրբ Յարութեան տաճարին մէջ գտնուող այլազգի ուխտաւորները կլանուած եւ հիացած լսած են կատարումները, որ անոնց համար  իսկական բացայայտում մը եղած է:  Առհասարակ, Սուրբ Յարութեան Տաճարին մէջ առաջին անգամ կը լսուէին  տուտուկի հնչիւնները, եւ, ընդհանրապէս, որեւէ գործիք, բացի երգեհոնէն, Տաճարին մէջ առ այսօր չէ հնչած: Այն Մեծ Պահքին ընդառաջ աւելի տպաւորիչ, ազդու  եղած է եւ իրենց աւելի  մօտեցուցած է Տիրոջ:

Երուսաղեմի Սուրբ Հարության տաճարում առաջին անգամ հայկական դուդուկ է հնչել
Երուսաղէմի Սուրբ Յարութեան Տաճարին մԷջ առաջին անգամ հայկական տուտուկ հնչած է

Գէորգ Տապաղեանի կարծիքով իւրաքանչիւր հայ պէտք է այցելէ Երուսաղէմ, զգայ Սուրբ Յարութեան տաճարի խաղաղեցնող մթնոլորտը, որ հնարաւորութիւն կու տայ բացայայտելու ինքզինքդ եւ վերարժեւորելու ապրած կեանքդ:

Երուսաղեմի Սուրբ Հարության տաճարում առաջին անգամ հայկական դուդուկ է հնչել
Երուսաղէմի Սուրբ Յարութեան Տաճարին մԷջ առաջին անգամ հայկական տուտուկ հնչած է

«Տպաւորուած եմ Երուսաղէմի Հայոց պատրիարքութեան հայր սուրբերու եւ սարկաւագներու ընդունելութենէն, անոնց կատարած աշխատանքէն, որոնք ամէն ջանք կը գործադրեն` Երուսաղէմի մէջ  քրիստոնէական արժէքները եւ հայկական ներկայութիւնը  պահպանելու ուղղութեամբ:  Անոնք հայ եկեղեցւոյ նուիրեալ ծառայողներ են»,-իր խօսքն ամփոփած է տուտուկահարը:

Երուսաղեմի Սուրբ Հարության տաճարում առաջին անգամ հայկական դուդուկ է հնչել
Երուսաղէմի Սուրբ Յարութեան Տաճարին մԷջ առաջին անգամ հայկական տուտուկ հնչած է

Աւելցնենք, որ երկրորդ անգամ տեղի ունեցող փառատօնը կազմակերպուած էր Երուսաղէմի «Բնութեան թանգարանի», Երուսաղէմի քաղաքապետարանի եւ Երուսաղէմի Հայոց Պատրիարքարանի համագործակցութեամբ:

Գէորգ Չիչեան

թեմա:
Sputnik Արմենիան` արևմտահայերենով (114)

Ըստ թեմայի

Ատրպէյճանական դիրքապահներու աչքին առջեւ հայր ու որդի կախարդական արքայանարինջ կ’աճեցնեն
«Ինչի՞ կը սպասէք, նոր ցեղասպանութեա՞ն». Սերժ Թանքեան Թուրքիա չայցելելու կոչ ըրած է
Փաշինեան նուէր ստացած է Հենրիխ Մխիթարեանէն. լուսանկարներ
Կլատիս Պերեճիքլեան՝ Նոր Հարաւային Ուէյլզի Առաջին Կին Վարչապետը
թեգերը:
Իսրայել

Գլխավոր թեմաներ