01:58 20 հունիսի 2019
Ուղիղ եթեր
  • USD478.04
  • GBP601.18
  • EUR535.55
  • RUB7.47
Տեր Ասողիկը

Ֆրանսիացի գեղանկարիչ Նիկոլա դե Լարժիյերի հայտնի կտավը նվիրաբերվել է Մայր Աթոռին

© Sputnik / Aram Nersesyan
Մշակույթ
Ստանալ կարճ հղումը
28720

Վերանորոգվել է թանգարաններից մեկը, որպեսզի պատշաճ կերպով ընդունի աբստրակտ էքսպրեսիոնիզմի հիմնադիրներից մեկի` Արշիլ Գորկու կտավները, որոնք նրա քույրը ընծայաբերել է եկեղեցուն։ Կտավներն այժմ ԱՄՆ–ում են, և որոշակի ընթացակարգերից հետո Հայաստան կբերվեն։

ԵՐԵՎԱՆ, 12 ապրիլի — Sputnik. Մայր Աթոռ Սուրբ Էջմիածնում ցուցադրել է երիտասարդ կնոջ դիմանկարը, որը հեղինակել է ֆրանսիացի գեղանկարիչ Նիկոլա դե Լարժիյերը։ Հայ առաքելական եկեղեցուն այն ընծայաբերել է բարերար տիկին Մարի Մնդիկյան–Հյուսիսյանը։

Կտավը նվիրվել է Ն.Ս.Օ.Տ.Տ. Գարեգին Բ Ամենայն Հայոց Հայրապետին` իր Միլան կատարած հովվապետական այցի ժամանակ և կպահվի Վեհարանում։ Սակայն քաղաքացիները երբեմն այն կկարողանան տեսնել Մայր Աթոռ Սուրբ Էջմիածնի թանգարաններում։

Портрет молодой женщины  французского живописца Никола де Ларжильера
© Sputnik / Aram Nersesyan
Նիկոլա դե Լարժիյերի նկարը

Հայաստանի Ազգային պատկերասրահի աշխատակից Սաթենիկ Չուգասզյանը հայտնեց, որ կտավը թանկ նվեր է եկեղեցուն,  այսօր դրա գինն աճում է։ Բացի այդ աճում է նաև կտավի հոգևոր արժեքը։ Հետևաբար, դրա առկայությունը Հայաստանի կրոնական կենտրոնում այն առանձնահատուկ է դարձնում և էլ ավելի կարևոր` համաշխարհային արվեստի համար։

«Դատելով կեցվածքից, ռակուրսից և կտավի այլ առանձնահատկություններից` կարելի է ենթադրել, որ այդ անծանոթուհին ազնվական ծագում ունի, սակայն միանշանակ թագավորական ընտանիքից չէ, նրանց լրիվ այլ կերպ էին նկարում», – պատմեց նա։

Сотрудник Национальной галереи Армении Сатеник Чугасзян
© Sputnik / Aram Nersesyan
Սաթենիկ Չուգասզյան

Մայր Աթոռի Թանգարանների և Արխիվի տնօրեն Տ. Ասողիկ քահանա Կարապետյանն իր հերթին նշեց, որ երկար դարերի ընթացքում Էջմիածինը շարունակում է ոչ միայն հոգևոր, այլև մշակութային կենտրոն մնալ։

«Մեզ մոտ են հավաքվում ոչ միայն եկեղեցական, այլև աշխարհիկ արվեստի ցուցանմուշներ։ Նման կտավների առկայությունն ուրախացնում է մեզ, քանի որ արվեստը ոչ միայն ազգային, այլև համամարդկային արժեք է», – նշեց նա։

Портрет молодой женщины  французского живописца Никола де Ларжильера
© Sputnik / Aram Nersesyan
Նիկոլա դե Լարժիյերի նկարը

Էջմիածնում է պահպանվում նաև իտալացի նկարիչ Կարավաջոյի կտավներից մեկը, որը բազմիցս ցուցադրվել է Հայ Առաքելական եկեղեցու թանգարաններում։ Ավելին, ամբողջությամբ վերանորոգվել է թանգարաններից մեկը, որպեսզի պատշաճ կերպով ընդունի աբստրակտ էքսպրեսիոնիզմի հիմնադիրներից մեկի` Արշիլ Գորկու կտավները, որոնք նրա քույրը ընծայաբերել է եկեղեցուն։ Կտավներն այժմ ԱՄՆ–ում են, և որոշակի ընթացակարգերից հետո Հայաստան կբերվեն ։

Ըստ թեմայի

«Ցավոտ դաս». լեգենդար Ջոն Մալկովիչը գրառում թողեց Ցեղասպանության թանգարանում
Armenia խորագրով ցուցադրություն՝ Նյու Յորքի «Մետրոպոլիտեն» թանգարանում
«Մայր Հայաստանի» աշխատակիցներն այցելուին «մոռացել են» թանգարանում ու գնացել
թեգերը:
Հայաստան, Հայ Առաքելական Եկեղեցի

Գլխավոր թեմաներ