ԵՐԵՎԱՆ, 17 մայիսի — Sputnik. Ռոբերտ Պատինսոնը պայմանագիր կնքել է ռեժիսոր Մեթ Ռիվզի նոր ֆիլմում Բեթմենի դերը մարմնավորելու համար։ Այս մասին գրում է Variety–ն։
8 մայիսի 2019, 09:26
Պատինսոնը փոխարինելու է Բեն Աֆլեքին, որն ի սկզբանե պատրաստվում էր և՛ նկարահանել, և՛ գրել ֆիլմը, և՛ հանդես գալ գլխավոր հերոսի դերում:
Ամենայն հավանականությամբ ֆիլմը պատմելու է Բեթմենի գործունեության սկզբնական տարիների մասին (մինչ աշխարհի լավագույն խուզարկու դառնալը)։ Ռոբերտն ամենաերիտասարդ դերասանն է, որ կմարմնավորի հայտնի սուպերհերոսին. նա ընդամենը 32 տարեկան է:
Նկարահանումների մեկնարկի վերաբերյալ հստակ տեղեկություններ չկան, բայց ֆիլմը նախատեսում են կինոթատրոններում ցուցադրել 2021 թվականի հունիսի 25-ին:
