17:14 01 հոկտեմբերի 2020
Ուղիղ եթեր
  • USD488.58
  • GBP627.73
  • EUR573.93
  • RUB6.32
Մշակույթ
Ստանալ կարճ հղումը
17320

Երգչուհին ասաց, որ անհամբեր սպասում է հայ հանդիսատեսի հետ հանդիպմանը։

ԵՐԵՎԱՆ, 22 մայիսի — Sputnik. Ամեն բանի չես կարող հասնել ու ինչքան էլ ապրես, մեկ է, միշտ էլ անկատար երազանքներ են մնում։ Լրագրողների հետ հանդիպման ժամանակ ասաց ֆրանսիահայ երգչուհի Ռոզի Արմենը, ով մենահամերգով Հայաստան է ժամանել։

Մայիսի 25–ին Արամ Խաչատրյան համերգասրահում տեղի կունենա «60 տարի բեմում» խորագրով մենահամերգ` Հանրային ռադիոյի էստրադային-սիմֆոնիկ նվագախմբի մասնակցությամբ (գեղարվեստական ղեկավար` Երվանդ Երզնկյան)։

«Վերջին անգամ 28 տարի առաջ` 1991–ին էի Հայաստանում եղել։ Այն ժամանակ պատերազմական տարիներ էին` մութ, ցուրտ։ Մարդիկ ոտքով էին եկել համերգասրահ` համալիր, և ես գիտեի, որ ոտքով էլ տուն են գնալու` դրա համար էլ ուզում էի քիչ երգել։ Հիմա բոլորովին այլ իրավիճակ է, դրա համար էլ շուրջ 20 երգ կհնչի համերգին»,–ժպիտով ասաց երգչուհին։

Նա հայտնեց, որ համերգին հնչելու են հին ու սիրված երգեր, և երկու նոր երգ` մեկը Միշել Լեգրանի ստեղծագործությունը, մյուսը կլինի դուետ Սևակ Ամրոյանի հետ։

Пресс-конференция Рози Армен и Ерванда Ерзнкяна (22 мая 2019). Еревaн
© Sputnik / Karine Harutyunyan
Ռոզի Արմենը Երևանում

Երգչուհու խոսքով` չնայած տասնյակ տարիների փորձին, մեկ է, ամեն անգամ բեմ դուրս գալիս հուզվում է։ Ըստ նրա` տարեցտարի հանդիսատեսն ավելի խստապահանջ է դառնում ու դու էլ պետք է ավելի պատասխանատվությամբ մոտենաս գործիդ։ Ռոզի Արմենը, սակայն, իր կյանքի մի մեծ շրջան դադարել է երգել, քանի որ պետք է տղաների խնամքով զբաղվեր։ «Մի անգամ գնացի մենահամերգի ու Պարսկաստանից մի հայ կնոջ խնդրեցի, որ զավակներիս խնամքով զբաղվի։ Երբ համերգից հետո տուն վերադարձա, տղաս` Րաֆֆին, ինձ մոտ չէր գալիս, քանի որ չէր ճանաչում ինձ։ Այդ օրվանից որոշեցի, որ պետք է ինձ ընտանիքիս նվիրեմ»,–ասաց նա։

Ռոզի Արմենը հայտնեց, որ իր մեծ տղան կոմպոզիտոր է` երաժշտարվեստն է ընտրել։

Երգչուհին իր խոսքն ամփոփեց` ասելով, որ անհամբեր սպասում է հայ հանդիսատեսի հետ հանդիպմանը։

Ըստ թեմայի

Շառլ Ազնավուրի հիշատակին նվիրված համերգին Փարիզում ներկա է եղել ՀՀ նախագահը
«La Mamma». Սամի Նասերին երգել է Շառլ Ազնավուրի իր սիրած երգը. տեսանյութ
Երևանյան մետրոյում Շառլ Ազնավուրի երգերն են հնչելու
թեգերը:
երաժշտություն, Ռոզի Արմեն, Ֆրանսիա, Հայաստան

Գլխավոր թեմաներ