01:33 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
«Արթ Շաբաթ» Գյումրիում

Պարզապես «պտիչկա» չէ. ինչպես են Գյումրիում հանրահռչակում դասական երաժշտությունը

© Photo : press office of Gyumri municipality
Մշակույթ
Ստանալ կարճ հղումը
228 0 0

Այսուհետ ամեն տարի հունիսի վերջին 7 օրերին «Արթ Շաբաթը» դասական արվեստի սիրահարներին ամեն օր կսպասի քաղաքի տարբեր դահլիճներում՝ ներկայացնելով դասական արվեստ ստեղծող իր բացառիկ ներուժը։

ԵՐԵՎԱՆ, 26 հունիսի – Sputnik, Արմենուհի Մխոյան. Գյումրիում որոշել են լուծել դասական երաժշտության փառատոն չունենալու հարցը, և քաղաքում առաջին անգամ «Արթ Շաբաթ» խորագրով փառատոն է անցկացվում։ Գյումրին նաև դասական երաժշտության քաղաք է, ու մշակութային մայրաքաղաքում նման փառատոնի բացը կար։ Sputnik Արմենիայի հետ զրույցում այս մասին ասաց Գյումրու քաղաքապետարանի մշակույթի և երիտասարդության հարցերի բաժնի ղեկավար Լիլիթ Թովմասյանը։

  • «Արթ Շաբաթ» Գյումրիում
    «Արթ Շաբաթ» Գյումրիում
    © Photo : press office of Gyumri municipality
  • «Արթ Շաբաթ» Գյումրիում
    «Արթ Շաբաթ» Գյումրիում
    © Photo : press office of Gyumri municipality
  • «Արթ Շաբաթ» Գյումրիում
    «Արթ Շաբաթ» Գյումրիում
    © Photo : press office of Gyumri municipality
  • «Արթ Շաբաթ» Գյումրիում
    «Արթ Շաբաթ» Գյումրիում
    © Photo : press office of Gyumri municipality
  • «Արթ Շաբաթ» Գյումրիում
    «Արթ Շաբաթ» Գյումրիում
    © Photo : press office of Gyumri municipality
1 / 5
© Photo : press office of Gyumri municipality
«Արթ Շաբաթ» Գյումրիում

Միջոցառումն իր շուրջ է համախմբել քաղաքի 8 երաժշտական ու արվեստի դպրոցների, Հայորդաց տան, երաժշտական ուսումնարանի ու ԵՊԿ Գյումրու մասնաճյուղի երաժիշտ կատարողներին ու խմբերին։

««Արթ Շաբաթը» համագործակցության յուրատեսակ ձևաչափ է, որը դասական արվեստի նոր անուններ բացահայտելու ու նրանց տրամադրել ինքնաներկայացման ևս մեկ հարթակ տրամադրելու, ինչպես նաև դասական երաժշտության հանրահռչակմանը նպաստելու նպատակ ունի: Փառատոնի միակ չափորոշիչն այն է, որ բարձրորակ դասական երաժշտություն հնչի»,- ասաց Թովմասյանը` տեղեկացնելով, որ փառատոնից առաջ լսումներ են անցկացվել երաժշտական բոլոր դպրոցներում, հաշվի է առնվել մասնագետների կարծիքը:

Այն, որ մինչ այս Գյումրիում նման փառատոն չի անցկացվել, զարմացնում է պատասխանատուին:

«Մեր քաղաքը դասական երաժշտության ասպարեզում ահռելի ներուժ ունի, ու սա երիտասարդների համար ներկայանալու ևս մեկ հարթակ է: Սա պարզապես «պտիչկա» չէ, այլ իրական մշակութային քաղաքականություն՝ տարածել դասական երաժշտությունը։ Դատելով առաջին երկու օրերի այցերից` վստահ կարող ենք ասել՝ դասական երաժշտության պահանջարկը կա: Մենք սկզբում մտավախություն ունեինք, որ հանդիսատեսի պակաս կզգացվի, բայց առաջի երկու օրերին ազատ նստատեղեր չկային: Ուզում եմ հավատալ, որ շաբաթվա մյուս օրերին ևս մենք հանդիսատեսի պակաս չենք ունենա»,- նշեց Թովմասյանը:

Ի դեպ, «Արթ Շաբաթի» բոլոր միջոցառումների մուտքն ազատ է: Ի տարբերություն մինչ այս եղած որոշ փառատոների՝ մասնակցության վճար ևս չկա։

Գյումրիում բացառիկ սեմինար կանցկացվի. լավագույն արդյունք գրանցած բժիշկները կմեկնեն ՌԴ

Փառատոնը մեկնարկել է հունիսի 24-ին և կտևի մինչև ամսի 30-ը։ Ոչ մրցութային միջոցառմանը մասնակցում են ավելի քան 200 սկսնակ արվեստագետ:

Ավելացնենք նաև, որ ջազ ու արդեն դասական երաժշտության փառատոն ունեցող գյումրեցին շուտով ռոք է լսելու. օգոստոսի կեսերին կմեկնարկի «ԴԱԼԱՆ-ֆեստը»՝ ռոքի սիրահարների համար:

Սատանան մանրուքներում է. ինչու են Գյումրու գլխավոր եկեղեցին անվանում «Յոթ վերք»

Ըստ թեմայի

Ռոմանտիկ է, բայց Դոն Կիխոտը չէ. ինչը ստիպեց հայ գործարարին Ժնևը փոխարինել Գյումրիով
Ամբողջ աշխարհում մեկ օր, Գյումրիում` չորս. համեցե՛ք Գյումրի՝ ջազ լսելու
Լուրջ նպատակներով ու մեծ պատվիրակությամբ. Գյումրին հյուրընկալել է իտալացիներին
թեգերը:
երաժշտություն, Գյումրի, Հայաստան

Գլխավոր թեմաներ