04:00 07 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Մշակույթ
Ստանալ կարճ հղումը
25020

Ծաղկաձորն իր տանիքի տակ է հավաքել աշխարհի 6 երկրների թատերախմբերին։

ԵՐԵՎԱՆ, 11 օգոստոսի –Sputnik. Ֆրանց Կաֆկայի «Դղյակը» վեպի մոտիվներով մանրապատում` Լեհաստանից ժամանած թատերախմբի կողմից և բեմադրություններ` աշխարհի տարբեր երկրներից. Ծաղկաձորում բացվեց Լեոնիդ Ենգիբարյանի անվան մնջախաղի VII միջազգային փառատոնը, որը բազմաթիվ անակնկալներ է խոստանում։

Փառատոնը կտևի մինչև օգոստոսի 15-ը։  Այս տարի դրան մասնակցում են թիմեր 7 երկրից `Հայաստանից, Արգենտինայից, Ռուսաստանից, Ֆրանսիայից, Ճապոնիայից, Լեհաստանից, Իրանից։

Фестиваль пантомимы в Цахкадзоре
© Sputnik / Aram Nersesyan
Ենգիբարյան անվան Մնջախաղի փառատոնը Ծաղկաձորում

«Սա հիանալի հնարավորություն է հայ հանդիսատեսի համար ծանոթանալու ոչ միայն մնջախաղի,այլև օտարերկրյա բեմադրությունների հետ և հասկանալու թատերական մշակույթը», –Sputnik Արմենիայի հետ զրույցում ասաց Երևանի Մնջախաղի պետական թատրոնի գեղարվեստական ղեկավար Ժիրայր Դադասյանը։

Նրա խոսքով` փառատոնն անցկացվելու է ոչ միայն Ծաղկաձորում, այլև Դիլիջանում։ Դադասյանն ամենից շատ հավանել է լեհ թատերախմբի ներկայացումը։

Фестиваль пантомимы в Цахкадзоре
© Sputnik / Andranik Ghazaryan
Ենգիբարյան անվան Մնջախաղի փառատոնը Ծաղկաձորում

Ռուսաստանից եկած թատերախումբը բերել էր ներկայացում, որը պատմում էր մի աղջկա մասին, որը տարբեր իրավիճակներում է հայտնվում և փորձում ամեն կերպ դուրս գալ այդ իրավիճակներից։ Ռուսաստանից ժամանած թատերախմբի արտիստներից մեկը` Էլինա Մաթևոսյանը, ասում է, որ արդեն հասցրել է ծանոթանալ հայկական կոլեկտիվի հետ և տեսնել Ծաղկաձորի տեսարժան վայրերը։

Фестиваль пантомимы в Цахкадзоре
© Sputnik / Aram Nersesyan
Ենգիբարյան անվան Մնջախաղի փառատոնը Ծաղկաձորում

Փառատոնի շրջանակում հյուրերն ու հանդիսատեսը հնարավորություն ունեն գնահատելու ոչ միայն բեմադրությունները, այլև փողոցում ցուցադրվող ներկայացումները։  Մասնակիցների համար կանցկացվեն նաև վարպետության դասընթացներ։

Փառատոնի գլխավոր մրցանակը Լեոնիդ Ենգիբարյանի անվան ոսկե մեդալն է։

Фестиваль пантомимы в Цахкадзоре
© Sputnik / Aram Nersesyan
Ենգիբարյան անվան Մնջախաղի փառատոնը Ծաղկաձորում

«Մնջախաղի հանճարը», ինչպես Ենգիբարյանին անվանում էր դերասան Մարսել Մարսոն, կյանքից հեռացավ ողբերգական հանգամանքներում 1972 թվականին, 37 տարեկան հասակում։ Նրա յուրաքանչյուր ներկայացման մեջ փիլիսոփայություն, հանելուկ, իմաստ կար։ Նրանից կարճ պատմվածքների փոքրիկ ժողովածու է մնացել, որը երկար ժամանակ արգելված էր հայրենիքում։ «Տխուր ծաղրածուի» այդ փոքր ժողովածուն նրան դարձնում է իր ժամանակի մեծագույն փիլիսոփաներից մեկը։

Фестиваль пантомимы в Цахкадзоре
© Sputnik / Andranik Ghazaryan
Ենգիբարյան անվան Մնջախաղի փառատոնը Ծաղկաձորում

Ըստ թեմայի

Մեծ պրեմիերա. Ստանիսլավսկիում 21–րդ դարում առաջին անգամ կբեմադրվի «Ռոմեո և Ջուլիետ» պիեսը
Ստանիսլավսկու անվան թատրոնի իրադարձությունները մտահոգիչ են. արտիստների կոչը նախարարությանը
թեգերը:
փառատոն, Ծաղկաձոր, Լեոնիդ Ենգիբարյան

Գլխավոր թեմաներ