https://arm.sputniknews.ru/20190827/nor-aliqum-hayastani-nerkayacucichy-xostanum-e-chiastapecnel-20198422.html
«Նոր ալիքում» Հայաստանի ներկայացուցիչը խոստանում է չհիասթափեցնել
«Նոր ալիքում» Հայաստանի ներկայացուցիչը խոստանում է չհիասթափեցնել
Sputnik Արմենիա
«Նոր ալիք 2019» մրցույթի մասնակից TYOM-ը զգում է Սոչիի հայերի աջակցությունը և խոստանում այնպես ելույթ ունենալ, որ իր փոխարեն չամաչեն։ 27.08.2019, Sputnik Արմենիա
2019-08-27T21:20+0400
2019-08-27T21:20+0400
2022-06-03T10:06+0400
մշակույթ
հայաստան
«նոր ալիք» երգի մրցույթ
tyom (տյոմ հակոբյան)
https://cdn.am.sputniknews.ru/img/2019/44/20194466_0:73:1600:973_1920x0_80_0_0_8b8015ac7d508f3b3b23edb324d02194.jpg
ԵՐԵՎԱՆ, 27 օգոստոսի — Sputnik. Հայաստանի ներկայացուցիչ TYOM-ը (Տյոմ Հակոբյան) «Նոր ալիք 2019» փոփ երաժշտության երիտասարդ կատարողների միջազգային մրցույթի առաջին օրվա՝ ժյուրիի գնահատականներից հիասթափված չէ և գոհ է իր ելույթից։ Այդ մասին երգիչը պատմեց Sputnik Արմենիայի թղթակցի հետ զրույցում։Մրցույթի առաջին օրը նա կատարել է Ալլա Պուգաչովայի՝ «Երգ՝ իմ մասինը»։ Հայ երգիչը 78 միավոր արդյունքով զբաղեցրել է 9-րդ տեղը։ Նա նաև երկրորդ տեղն է զբաղեցնում մրցույթի ամենաուժեղ մասնակիցների վարկանիշում։«Ինձ դուր եկավ իմ ելույթը, ես արեցի՝ ինչ կարող էի, իսկ գնահատականներն ինձ համար այդքան կարևոր չեն։ Մարդիկ և ճաշակները տարբեր են»,-նշեց երգիչը։Հակոբյանը պատմեց, որ չի քննարկել իր ելույթը ժյուրիի առանձին անդամների հետ, սակայն հավաստիացրեց, որ մրցույթում մթնոլորտը բարեկամական է և անկաշկանդ։ Մրցույթի բոլոր մասնակիցները հասցրել են համատեղ փորձերի երկու շաբաթվա ընթացքում ընկերանալ, և, ինչպես կանխատեսել է գլխավոր ռեժիսոր Ալեքսանդր Ռևզինը, նրանք բաժանվելու են արցունքն աչքերին։«Նոր ալիք 2019»-ում Հայաստանը ներկայացնող Տյոմը զբաղեցրեց 9-րդ տեղը. ո՞վ է առաջատարըՀայաստանի ներկայացուցիչը խոստովանեց նաև, որ զգում է Սոչիի հայ համայնքի աջակցությունը։ Նրան այնտեղ շատ ջերմ են ընդունել ոչ միայն հայերը։«Բոլորը լուսանկարվում են ինձ հետ, հայերի ակտիվությունը տպավորություն է գործել բոլորի վրա։ Ես ինձնից կախված ամեն ինչ կանեմ։ Ինձ համար կարևոր է, որպեսզի հայերը չամաչեն նրանից, որ ես ներկայացնում եմ մեր երկիրը», - նշեց նա։Նշենք, որ TYOM-ը երկրորդ մրցույթային օրը ելույթ կունենա 5-րդ համարի ներքո և կկատարի «Let me feel you» երգը։ Երաժշտության հեղինակն է հայտնի երաժիշտ Գոռ Սուջյանը, իսկ տեքստինը՝ Աննա Հարությունյանը։
Sputnik Արմենիա
media@sputniknews.com
+74956456601
MIA „Rosiya Segodnya“
2019
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
մշակույթ , հայաստան, «նոր ալիք» երգի մրցույթ, tyom (տյոմ հակոբյան)
մշակույթ , հայաստան, «նոր ալիք» երգի մրցույթ, tyom (տյոմ հակոբյան)
«Նոր ալիքում» Հայաստանի ներկայացուցիչը խոստանում է չհիասթափեցնել
21:20 27.08.2019 (Թարմացված է: 10:06 03.06.2022) «Նոր ալիք 2019» մրցույթի մասնակից TYOM-ը զգում է Սոչիի հայերի աջակցությունը և խոստանում այնպես ելույթ ունենալ, որ իր փոխարեն չամաչեն։
ԵՐԵՎԱՆ, 27 օգոստոսի — Sputnik. Հայաստանի ներկայացուցիչ TYOM-ը (Տյոմ Հակոբյան) «Նոր ալիք 2019» փոփ երաժշտության երիտասարդ կատարողների միջազգային մրցույթի առաջին օրվա՝ ժյուրիի գնահատականներից հիասթափված չէ և գոհ է իր ելույթից։ Այդ մասին երգիչը պատմեց
Sputnik Արմենիայի թղթակցի հետ զրույցում։
Մրցույթի առաջին օրը նա կատարել է Ալլա Պուգաչովայի՝ «Երգ՝ իմ մասինը»։ Հայ երգիչը 78 միավոր արդյունքով զբաղեցրել է 9-րդ տեղը։ Նա նաև երկրորդ տեղն է զբաղեցնում մրցույթի ամենաուժեղ մասնակիցների վարկանիշում։
«Ինձ դուր եկավ իմ ելույթը, ես արեցի՝ ինչ կարող էի, իսկ գնահատականներն ինձ համար այդքան կարևոր չեն։ Մարդիկ և ճաշակները տարբեր են»,-նշեց երգիչը։
Հակոբյանը պատմեց, որ չի քննարկել իր ելույթը ժյուրիի առանձին անդամների հետ, սակայն հավաստիացրեց, որ մրցույթում մթնոլորտը բարեկամական է և անկաշկանդ։ Մրցույթի բոլոր մասնակիցները հասցրել են համատեղ փորձերի երկու շաբաթվա ընթացքում ընկերանալ, և, ինչպես կանխատեսել է գլխավոր ռեժիսոր Ալեքսանդր Ռևզինը, նրանք բաժանվելու են արցունքն աչքերին։
«Նոր ալիք 2019»-ում Հայաստանը ներկայացնող Տյոմը զբաղեցրեց 9-րդ տեղը. ո՞վ է առաջատարըՀայաստանի ներկայացուցիչը խոստովանեց նաև, որ զգում է Սոչիի հայ համայնքի աջակցությունը։ Նրան այնտեղ շատ ջերմ են ընդունել ոչ միայն հայերը։
«Բոլորը լուսանկարվում են ինձ հետ, հայերի ակտիվությունը տպավորություն է գործել բոլորի վրա։ Ես ինձնից կախված ամեն ինչ կանեմ։ Ինձ համար կարևոր է, որպեսզի հայերը չամաչեն նրանից, որ ես ներկայացնում եմ մեր երկիրը», - նշեց նա։
Նշենք, որ TYOM-ը երկրորդ մրցույթային օրը ելույթ կունենա 5-րդ համարի ներքո և կկատարի «Let me feel you» երգը։ Երաժշտության հեղինակն է հայտնի երաժիշտ Գոռ Սուջյանը, իսկ տեքստինը՝ Աննա Հարությունյանը։
