20:51 20 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Константин Орбелян

«Ինձ ազատելուց հետո հովանավորները դադարել են օգնել թատրոնին». Կոնստանտին Օրբելյան

© Sputnik / Aram Nersesyan
Մշակույթ
Ստանալ կարճ հղումը
14620

Օրբելյանը վստահ է, որ երբ որպես տնօրեն իր լիազորությունները վերականգնելու մասին դատարանի որոշումն ուժի մեջ մտնի, թատրոնում կյանքը նորից կընթանա բնականոն հունով։

ԵՐԵՎԱՆ, 29 հոկտեմբերի — Sputnik. Դիրիժոր Կոնստանտին Օրբելյանին Սպենդիարյանի անվան օպերայի և բալետի ազգային ակադեմիական թատրոնի տնօրենի պաշտոնից ազատելուց հետո թատրոնի հովանավորները դադարեցրել են ֆինանսավորումը, տարբեր մեծածավալ միջոցառումների, հյուրախաղերի հետ կապված պայմանավորվածությունները անորոշ իրավիճակի պատճառով չեղարկվել են։

Հոկտեմբերի 8–ին Երևանի ընդհանուր իրավասության դատարանն ամբողջությամբ բավարարել է Օրբելյանի հայցը։ Անվավեր է ճանաչվել մշակույթի նախարարի պարտականությունները կատարող Նազենի Ղարիբյանի 2019 թվականի մարտի 28-ի հրամանը, որով Կոնստանտին Օրբելյանն ազատվել էր տնօրենի պաշտոնից։ Դատարանը նաև թատրոնին պարտավորեցրել է վճարել Օրբելյանին՝ հարկադիր պարապուրդի համար։

«Երբ ինձ նշանակեցին այդ պաշտոնում, ես իմ անունի և կապերի շնորհիվ ֆինանսական աջակցության աղբյուրներ գտա։ Բայց երբ ինձ որոշեցին ազատել, նրանք նույնպես հեռացան։ Իսկ թատրոն պահելը թանկ հաճույք է, չէ՞ որ այնտեղ աշխատում է 700 մարդ», – ասաց Օրբելյանը։

Նրա խոսքով` թատրոնը շատ խնդիրներ ունի, տանիքը կաթում է, վերանորոգում է պետք, օդափոխության համակարգերը չեն աշխատում կամ վատ են աշխատում։ Չի լուծվել «Օպերա» ակումբի վարձակալության հարցը, չկան փորձերի նորմալ դահլիճներ։ Օրբելյանն ընդգծում է, որ բազմիցս դիմել է համապատասխան մարմիններ` հարցը լուծելու համար, սակայն սայլը տեղից չի շարժվել։

Կոնստանտին Օրբելյանը դատի է տվել Նիկոլ Փաշինյանին և Նազենի Ղարիբյանին

Այնուամենայնիվ, Օրբելյանը վստահ է, որ երբ իր լիազորությունները որպես տնօրեն վերականգնելու մասին դատարանի որոշումն ուժի մեջ մտնի, թատրոնում կյանքը նորից կընթանա բնականոն հունով։

«Թատրոնի նոյեմբերյան խաղացանակը հագեցած կլինի։ Այնտեղ ելույթ կունենա Կաունասի պետական երգչախումբը, որը օպերային թատրոնի մենակատարների և սիմֆոնիկ նվագախմբի հետ միասին կներկայացնի Մոցարտի «Ռեքվիեմը»։ Թատրոնի արտիստների մասնակցությամբ առաջին անգամ կներկայացվեն «Բյուրեղապակյա դղյակը» և Մոցարտի «Կախարդական սրինգը»», – նշեց Օրբելյանը։

Նշենք, որ Օպերայի և բալետի ազգային ակադեմիական թատրոնի տնօրեն Կոնստանտին Օրբելյանը մարտի 26-ի երեկոյան մշակույթի նախարարությունից նամակ էր ստացել, որ ապրիլի 1-ից այլևս չի զբաղեցնելու տնօրենի պաշտոնը։ Թատրոնի կոլեկտիվը ապրիլի 1–ին բողոքի ակցիա էր կազմակերպել կառավարության շենքի դիմաց` ի պաշտպանություն Օրբելյանի։

Ըստ թեմայի

Կոնստանտին Օրբելյանը «Գրեմմի 2018»–ի հավակնորդ է
Կոնստանտին Օրբելյանին ազատել են աշխատանքից
թեգերը:
Դատարան, Նազենի Ղարիբյան, Տնօրեն, Կոնստանտին Օրբելյան, Օպերայի և բալետի ազգային ակադեմիական թատրոն

Գլխավոր թեմաներ