06:21 13 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Մշակույթ
Ստանալ կարճ հղումը
107030

Հայտնի երգիչ և երգահան Նիկոլայ Արությունովը որդու՝ Սերգեյի հետ Հայաստանում է: Նրանք ուզում են Հայաստանը ներկայացնել «Եվրատեսիլում» և չեն բացառում, որ մի օր էլ Ռուսաստանից կտեղափոխվեն Հայաստան։

ԵՐԵՎԱՆ, 8 փետրվարի – Sputnik. Հայր և որդի Արությունովները, որոնք «Դեպի Եվրատեսիլ» նախագծին մասնակցում են «Ha,Take a Step» երգով, շատ անգամներ են եղել Հայաստանում, բայց պատրաստվում են ավելի հաճախ գալ. երկու պատճառ կա` «Եվրատեսիլն» ու գենետիկան։ Նրանք իրենց ցանկությունների, երգի ու արմատների մասին պատմեցին Sputnik Արմենիայի թղթակցին։

«Չենք բացառում, որ մի օր էլ մշտական բնակություն հաստատենք Հայաստանում, բայց մինչ այդ ավելի պարբերաբար ենք լինելու այստեղ, Հայաստանի հանդեպ սերը մեզ գենետիկորեն է փոխանցվել»,- ասաց հայրը` Նիկոլայ Արությունովը։

Փետրվարի 15-ին Հանրային հեռուստաընկերության ուղիղ եթերում կանցկացվի «Դեպի Եվրատեսիլ» նախագծի եզրափակիչ փուլը, որին կմասնակցեն 12 թեկնածու։ Նիկոլայ և Սերգեյ Արությունովները նրանց թվում են։

Сергей и Николай Арутюновы и Hayat band представили песню Ha, Take a Step в Hayat Music Hall (7 февраля 2020). Гюмри
© Sputnik / Armenuhi Mkhoyan
Սերգեյ և Նիկոլայ Արությունովներ

«Այս տարի մրցույթին Հայաստանը ներկայացրած մասնակիցը պետք է գրավի ամենաբարձր հորիզոնականները, իսկ ամենալավը հաղթի ու մրցույթը հաջորդ տարի տեղափոխի Հայաստան»,- ասաց որդին` Սերգեյ Արությունովը։

Նա նշեց, որ թեև իրենց երգի տեսահոլովակն ունի «թավշյա հեղափոխության» տեսարաններ, սակայն երգը քաղաքական ենթատեքստ չունի։

Արությունովի խոսքով` «Ha, Take a Step»-ը Հայաստանի ժողովրդի ցանկությունների ու առաջ գնալու մասին է։

Հայր և որդի Արությունովները (իրականում՝ Տեր-Հարությունյան) ծնվել են Մոսկվայում: Հայերեն չեն խոսում, բայց սովորում են։

Նրանց նախնիները Ռուսաստանում են հայտնվել 1915 թվականի Հայոց ցեղասպանությունից հետո։

Եղեռնի ժամանակ Տեր-Հարությունյանների ամբողջ գերդաստանից ողջ է մնացել միայն Նիկոլայի պապը: Նա հայտնվել է Ռոստովում, փոխել է անուն–ազգանունը՝ Նժդեհ Տեր-Հարությունյանը դարձնելով Նիկոլայ Արությունով, իսկ 1922 թվականին տեղափոխվել է Մոսկվա: Նժդեհ Տեր-Հարությունյանը զոհվել է Հայրենական մեծ պատերազմում:

«Չեմ կարող կոնկրետ ասել, թե որտեղից է իմ պապը փախել թուրքական ջարդից, բայց ամբողջ գերդաստանից միայն ինքն է ողջ մնացել ու տեղափոխվել Ռուսաստան: Պապս 15 տարեկան է եղել այդ ժամանակ: Այնտեղ քանի որ Նժդեհ Եղիշևիչ Հարությունյանը դժվար է եղել արտաբերել, նրան կոչել են Նիկոլայ Արությունով: Ինձ պապիս պատվին են Նիկոլայ անվանել»,-պատմեց Նիկոլայ Արությունովը:

Ասում է՝ Նժդեհ պապը սիրել է երգել, չի բացառվում, որ երգելու տաղանդը հենց նրանից է փոխանցվել:

Сергей и Николай Арутюновы и Hayat band представили песню Ha, Take a Step в Hayat Music Hall (7 февраля 2020). Гюмри
© Sputnik / Armenuhi Mkhoyan
Սերգեյ և Նիկոլայ Արությունովներ

Նշենք, որ Նիկոլայ Արությունովը 62 տարեկան է։ 1979 թ-ին ստեղծել է սեփական խումբը, որը կոչվել է «Բլյուզի լիգա» («Лига блюза»): Կարեն Կավալերյանի հետ գրել է 2014 թվականին Սոչիում կայացած օլիմպիական խաղերի հիմնը։ Նա հանդես է գալիս երաժշտական տարբեր ժանրերում` բլյուզ, ռոք-բլուզ, սոուլ, ֆանկ, հարդ-ռոք:

29 տարեկան Սերգեյ Արությունովը շարունակում է հայրիկի գործը` երգում է, ստեղծագործում, «Լիգա» խմբի մենակատարն է։

Երկուսն էլ մասնակցել են ռուսական «Ձայնը» նախագծին։

Ադրբեջանական հաշվեհամարն ու Ջամալայի չեղարկված համերգը. «որտե՞ղ է թաղված շան գլուխը»

Ըստ թեմայի

Առանց նյարդայնացնող մուղամի. Հին Երուսաղեմում հայկական ժողովրդական երգեր են հնչում
Ադրբեջանցին պարտվեց. հայ երգչուհուն Դրեզդենի օպերայում հոտնկայս են ծափահարել. տեսանյութ
«Քամին զանա», «Հմայակի սապոգը» և «Արի, մի գնա»․ պատանիների անկրկնելի ակապելլան. տեսանյութ
թեգերը:
երգիչ, Եվրատեսիլ, Հայաստան

Գլխավոր թեմաներ