15:03 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Մշակույթ
Ստանալ կարճ հղումը
47430

Նորա Մարտիրոսյանի «Երբ որ քամին հանդարտվի» ֆիլմում ֆրանսերենին զուգահեռ հնչում է նաև Արցախի բարբառը։ Արցախը ներկայացնող ֆիլմը կցուցադրվի միջազգային հարթակներում։

ԵՐԵՎԱՆ, 11 հունիսի - Sputnik. Ռեժիսոր Նորա Մարտիրոսյանի «Երբ որ քամին հանդարտվի» լիամետրաժ խաղարկային ֆիլմն ընդգրկվել է Կաննի միջազգային 73-րդ փառատոնի պաշտոնական ծրագրի «Առաջին լիամետրաժ ֆիլմ» անվանակարգում։

Sputnik Արմենիայի հետ զրույցում ֆիլմի դերասանուհիներից Նարինե Գրիգորյանը պատմեց, որ ֆիլմը Ֆրանսիայից Արցախ ժամանած` օդանավակայանների աուդիտոր մի տղայի` Ալենի մասին է, որը պետք է հասկանա` Ստեփանակերտում առկա օդանավակայանը կարո՞ղ է գործել, թե` ոչ։

«Հայաստանի, Ֆրանսիայի և Բելգիայի համատեղության արտադրության ֆիլմում տարբեր լեզուներով են խոսում` Արցախի բարբառ, գրական հայերեն, անգլերեն ու ֆրանսերեն։ Ավելին` ես և դերասաններից Դավիթ Հակոբյանը ֆրանսերեն ենք սովորել կարճ ժամանակում, որպեսզի ֆիլմում նկարահանվենք»,–պատմեց Գրիգորյանը, որն այդ ֆիլմում լրագրողի դերում է հանդես եկել։

Ֆիլմի նկարահանումներն իրականացվել են Արցախում` Ստեփանակերտի օդանավակայանում, և Հայաստանում։ Գրիգորյանը պատմեց` նկարահանման տեղն ընտրելը երկար է տևել. ֆրանիսաբնակ ռեժիսոր Նորա Մարտիրոսյանը մի քանի անգամ այցելել է Արցախի գյուղեր։

Դերասանուհին ասաց նաև, որ ֆիլմի օպերատորները, ինչպես նաև գլխավոր դերակատարը` Գրեգոր Քոլինը, ֆրանսիացիներ են։ Օպերատորներն Արցախը շատ են սիրել, և իրենց սերը, ըստ Գրիգորյանի, տեսախցիկի որսած կադրերի միջոցով փոխանցել են ֆիլմին։

Ֆիլմում նաև պարադոքսալ իրավիճակն է ներկայացված` Ստեփանակերտում կա օդանավակայան, ուր մարդիկ աշխատանքի են գնում, սակայն այն չի գործում, այնտեղ ոչինչ չի կատարվում։ Դերասանուհու խոսքով` չնայած թեման ցավոտ է հայերիս համար, սակայն այդ ամենի մեջ հումոր էլ կա։

Անդրադառնալով ֆիլմի` Կաննի կինոփառատոնին մասնակցելուն, Նարինե Գրիգորյանը նշեց, որ դա շատ պատվաբեր է, քանի որ լուրջ հարթակի վրա է դնում ֆիլմը։

Հայտնի են Կաննի 72-րդ միջազգային կինոփառատոնի դափնեկիրները. լուսանկարներ

«Կաննին մասնակցությամբ նախ Արցախի մասին միջազգային հարթակներում նորից «կխոսենք», Արցախը կներկայացնենք։ Բացի այդ, ռեժիսորի համար էլ հետագայում ավելի հեշտ կլինի իր ֆիլմերի համար բյուջե հայթայթել»,–ասաց Գրիգորյանը։

Նշենք, որ ֆիլմը նկարահանվել է Հայաստանի ազգային կինոկենտրոնի և ՀՀ Կրթության, գիտության, մշակույթի և սպորտի նախարարության ֆինանսական աջակցությամբ։

Կինոկենտրոնը հայտնել էր, որ Կաննի փառատոնի պատասխանատուները աջակցելու են ընտրված ֆիլմերի ցուցադրություններին ամբողջ աշխարհում, կազմակերպելու են մամուլի ասուլիսներ և այլն։

Ֆրանսիահայ ռեժիսոր Ռոբեր Գեդիկյանը Կաննի 71–րդ կինոփառատոնի ժյուրիի անդամ է

Ըստ թեմայի

Դի Կապրիոն և Փիթը գերեցին. ցնցող լուսանկարներ Կաննում Տարանտինոյի ֆիլմի պրեմիերայից
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Գեղեցկության և շքեղության վերջին ակորդը Կաննում. կինոփառատոնի վերջին լուսանկարները
թեգերը:
Կաննի կինոփառատոն, ֆիլմ, Արցախ

Գլխավոր թեմաներ