17:18 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Մշակույթ
Ստանալ կարճ հղումը
133 0 0

Փառատոնի նպատակն է հոգևոր և մշակութային երկխոսության միջոցով նպաստել մարդասիրական արժեքների տարածմանը:

ԵՐԵՎԱՆ, 17 օգոստոսի — Sputnik. Հայաստանում օգոստոսի 22-ից սեպտեմբերի 1-ը կանցկացվի Ֆրեսկո արդի արվեստի և հոգևոր ֆիլմերի 7-րդ միջազգային փառատոնը: Տեղեկությունը Sputnik Արմենիային փոխանցեցին փառատոնի լրատվական ծառայությունից։

Փառատոնին այս տարի ներկայացված 3000-ից ավելի հայտից (85 երկիր) ընտրվել է 63 ֆիլմ (23 երկիր): Մրցութային ծրագրում ընդգրկվել են ֆիլմեր, որոնց ուղերձներն են մարդասիրությունը, հայրենասիրությունը, առողջ ապրելակերպը և այլ համամարդկային արժեքներ:

Փառատոնի 11 օրերի ընթացքում կպահպանվեն  համավարակի կանխարգելման բոլոր կանոնները:

Ֆրեսկոյի հանդիսավոր բացման արարողությունը կկայանա սահմանամերձ գեղատեսիլ Բերդ քաղաքում՝ Բերդ պարային անսամբլի բացօթյա մենահամերգով, այնուհետև համերգին կհաջորդեն միջազգային ֆիլմերի դիտումները:

Փառատոնի երևանյան ծրագիրը կմեկնարկի օգոստոսի 24-ից և կշարունակվի մինչև սեպտեմբերի 1-ը հենց Երևանի սրտում՝ Աբովյան փողոցի Սբ. Աննա և Սբ. Կաթողիկե եկեղեցիների հարակից տարածքում: Ծրագրում կներառվեն ֆիլմերի  դիտում–քննարկումներ, համերգային ծրագրեր և առցանց հանդիպումներ:

Փառատոնի ընթացքում՝ օգոստոսի 28-ին կկայանա  Հայաստանի Պարի պետական անսամբլի մենահամերգը, 29-ին՝ Ռուբեն Հախվերդյանի 70 -ամյակին նվիրված հոբելյանական համերգը, օգոստոսի 30-ին երկրպագուները հնարավորություն կունենան վայելելու Ջիվան Գասպարյանի և ընկերների համերգը:

Հայաստանում կայանալիք «Սթարմուս» փառատոնը զբոսաշրջության համար խթան կարող է հանդիսանալ

Նշենք, որ փառատոնն իրականացվում է Մայր Աթոռ Սուրբ Էջմիածնի օրհնությամբ և աջակցությամբ, ՀՀ կրթության, գիտության, մշակույթի և սպորտի նախարարության գլխավոր աջակցությամբ և Հայաստանյան Կլոր սեղան հիմնադրամի աջակցությամբ:

Ըստ թեմայի

Կորոնավիրուսը չի խանգարի․ Երևանում 18-օրյա առցանց երաժշտական փառատոն կանցկացվի
«Հայ ֆեստը» գալիս է ձեր տուն․ փառատոնի ներկայացումները բացօթյա կլինեն
«Մեղր ուտողին ի՞նչ կորոնա, ի՞նչ բան». Մարտունիում մեղրաքամի փառատոն է անցկացվել
թեգերը:
կինոփառատոն, կինո, Բերդ, Երևան, «Ֆրեսկո» միջազգային փառատոն

Գլխավոր թեմաներ