05:20 17 հունիսի 2021
Ուղիղ եթեր
  • USD514.87
  • GBP726.74
  • EUR624.18
  • RUB7.16
Մշակույթ
Ստանալ կարճ հղումը
49 0 0

Այս տարի պետական միջոցներով կվերականգնվեն ու կվերանորոգվեն մի շարք հուշարձաններ` Մարմաշենի եկեղեցին, Շատիվանքը, Ագարակ հնավայրը և այլն։

ԵՐԵՎԱՆ, 16 ապրիլի - Sputnik․ Հայաստանում այս տարի երկու նոր արգելոց-թանգարան կստեղծվի, այսօր կայացած մամուլի ասուլիսում հայտարարեց ՀՀ կրթության, գիտության, մշակույթի և սպորտի նախարարության Մշակութային ժառանգության և ժողովրդական արհեստների վարչության պետ Աստղիկ Մարաբյանը։

«Առաջիկայում ստեղծվելու է երկու նոր արգելոց-թանգարան՝ «Դվին մայրաքաղաք» և «Դաշտադեմի ամրոց», որոնք կհամալրեն 13 արգելոց-թանգարանների շարքը: Նոր արգելոց-թանգարանների ստեղծումը կնպաստի զբոսաշրջային երթուղիների ընդլայնմանը», – ասաց նա։

Պատմության և մշակույթի հուշարձանների պահպանության վարչության պետ Հարություն Վանյանն էլ հայտնեց, որ պետական միջոցներով պատվիրվել են հուշարձանների վերականգնման մի շարք նախագծեր։

«Այս տարի պետական միջոցներով կվերականգնվեն ու կվերանորոգվեն մի շարք հուշարձաններ` Մարմաշենի եկեղեցին, Շատիվանքը, Ագարակ հնավայրը, Վարագավանք վանական համալիրը։ Մի շարք հուշարձանների վերականգնման հետ կապված նախնական պայմանավորվածություններ կան, դրանց թվում են Երևանի կարմիր կամուրջը, Ոսկեվազի Սուրբ Հովհաննես եկեղեցին, Պտղնու տաճարը, Ավանի խոնարհված մատուռներից մեկը, Գնդեվազի եկեղեցու որմնանկարները, Սուրբ Հովհաննես եկեղեցու պարսպապատերի և կից տարածքները», – ասաց Վանյանը։

Կինոյի լեզվով աշխարհին պատմել մեր մասին. Ավետիսյանի «Վերածնվածը» ծնվելու ճանապարհին է

Նրա խոսքով` այս տարի նաև երկու արձան կվերականգնվի՝ Երևան-Սևան մայրուղու հարևանությամբ Դավիթ Բեջանյանի «Ճանապարհաշինարարներ» և Խաչատուր Հակոբյանի «Արձագանք» արձանները: Վանյանը նշեց, որ հուշարձանների վերականգնման ամբողջ բեռը պետությունը չի կարող միայնակ կրել, և այժմ նախարարությունը համագործակցության հնարավորություններ է փնտրում ներդրողների, բարերարների, ՀԿ-ների, այլ շահագրգիռ անձանց, կազմակերպությունների հետ, որոնք հետաքրքրված են այս բնագավառում ներդրում, ֆինանսավորում իրականացնելու հարցում:

Նշենք, որ Հայաստանում այժմ կա 4 ազգային պարկ (Սևան, Դիլիջան, Արփի լիճ, Արևիկ), 3 արգելոց (Խոսրովի անտառ, Շիկահողի, Էրեբունի) և 26 արգելավայր։

Ըստ թեմայի

4000 հայկական վանքեր և մշակութային հուշարձաններ գտնվում են ոչնչացման վտանգի տակ. Դումանյան
«Քաղաքատեղի Արտաշատ» հուշարձանի տարածքում ուրարտական պարսպապատ է փլվել
«Հարցը ՅՈւՆԵՍԿՕ–ի դաշտում է». Վահրամ Դումանյանը` հայկական հուշարձանների ճակատագրի մասին
թեգերը:
Եկեղեցի, Թանգարան, արգելոց, Հայաստան

Գլխավոր թեմաներ