21:26 31 հուլիսի 2021
Ուղիղ եթեր
  • USD486.24
  • GBP679.23
  • EUR578.33
  • RUB6.66
Մշակույթ
Ստանալ կարճ հղումը
98 0 0

Հայկական դուետը Ֆրանսիայում մեծ աղմուկ է բարձրացրել. արտասովոր տեսահոլովակն ու ֆոլկ կատարումը շատ են հավանել տեղի բնակիչները։ Այժմ խումբը պատրաստվում է համերգներով հանդես գալ։

ԵՐԵՎԱՆ, 2 հուլիսի – Sputnik. Ռուսաստանի, Արևելյան Եվրոպայի և Միջին Ասիայի ժամանակակից մշակույթի և ստեղծագործական ոլորտների մասին պատմող The Calvert Journal ամսագիրը հոդված է նվիրել Jinj դուետին և Փարաջանովի ոճով նկարահանված նրանց արտասովոր տեսահոլովակին։

Посмотреть эту публикацию в Instagram

Публикация от JINJ (@jinjtheband)

Գոռ Թադևոսյանն ու Սևանա Չաքերյանը մի քանի շաբաթ առաջ թողարկեցին իրենց առաջին Khosa Khosa սինգլը։ Ֆրանսահայ Սևանան քաջ հայտնի է միջազգային երաժշտական բեմում որպես Փարիզում 2012 թվականին հիմնադրված Collectif Medz Bazaa ալտ–ֆոլկ խմբի նախկին մասնակից։ Տարեսկզբին նա հայտարարեց, որ բաժանվում է կոլեկտիվից գեղարվեստական այլ նախագծեր կյանքի կոչելու համար։

Ֆրանսալեզու ռեփն ու հայկական ֆոլկ–բիթը միավորվեցին երաժշտական տեսահոլովակում, որում հավասարապես մասնակցում են Լեդի Գագան և Սերգեյ Փարաջանովը։ Պարբերականը խորհուրդ է տալիս «գնահատել» Jinj–ին, քանի որ դուետը ավանդական գործիքներին նոր կյանք է տալիս։

«Ռեփը երգին կայունություն է հաղորդում, այն ժամանակ, երբ հայկական ֆոլկի կիրառումը կրկներգում մթնոլորտն անզուգական է դարձնում։ Այդ զգացումն ուժեղանում է երգը լսելուն զուգընթաց»,– ասվում է հոդվածում։

Ամսագիրն առանձին նշում է ռեժիսոր Արմեն Փիրի Մասիհիի աշխատանքը, ով ցույց է տալիս` ինչպես են Թադևոսյանն ու Չաքերյանը փոխում ավանգարդ զգեստները ավանդականով։

Տեսահոլովակում Սևանայի կերպարը հիշեցնում է Սերգեյ Փարաջանովի «Նռան գույնը» ֆիլմի հերոսուհի Սոֆիկո Չիաուրելիին։

Ըստ թեմայի

Սփյուռքի «գրոհայինները». ֆրանսահայ Քերողլյանները գիտեն` ինչպես աշխարհին ստիպել հարգել մեզ
Ֆրանսահայ երգչուհու կատարումը հիացրեց ու հուզեց «The Voice»-ի ժյուրիին
«Բրավո, մեր աղջիկ». «Լադանիվան» ֆրանսիական հայտնի երգը յուրովի է ներկայացրել
թեգերը:
Հայաստան, Ֆրանսիա, տեսահոլովակ, Սերգեյ Փարաջանով

Գլխավոր թեմաներ