Սպիտակի բնակչուհին երկրաշարժի հետևանքով ստացել է կոնքի ոսկորների լուրջ վնասվածք, սակայն բժիշկ Կուդզաևը, որը երկրաշարժից հետո աշխատել է Երևանում, շատ բարդ վիրահատություն է անցկացրել, որի շնորհիվ կինը լիարժեք կյանքով է ապրում։
Հետագա 28 տարվա ընթացքում կինը նորմալ քայլել է և ֆիզիկական ծանրաբեռնված աշխատանք կատարել։
Վիրահատությունից մեկ տարի անց նա կեսարյան հատման միջոցով առողջ երեխա է ունեցել, մի քանի տարի անց էլ երկրորդ զավակն է աշխարհ եկել։
Աիդա Սահակյանը, ինչպես նաև նրա ընտանիքը՝ երեխաները, որոնք երբեք չեն տեսել Կուդզաևին, նրան հարազատ մարդ են համարում և անսահման շնորհակալ են բժշկին։
