10:12 27 մայիսի 2017
Ուղիղ եթեր
Здание Парламента Армении

ՀՀ ՊՆ. էլեկտրաէներգիայի սակագները չեն սուբսիդավորվի ռուսական վարկի հաշվին

© Агентство "АРКА"
Տնտեսություն
Ստանալ կարճ հղումը
3 0 0

Ռուսական վարկի միջոցներից և Հայաստանի ռազմական բյուջեից ընդհանրապես ոչ մի կոպեկ չի ուղղվի այլ նպատակների համար, խորհրդարանում ասաց ՀՀ պաշտպանության փոխնախարար Արա Նազարյանը։

ԵՐԵՎԱՆ, 2 հուլիսի— Sputnik. Հայաստանին պետական արտահանման վարկի տրամադրման մասին Հայ–ռուսական միջկառավարական համաձայնագրից ոչ մի կոպեկ չի ուղղվի էլեկտրաէներգիայի բարձրացված սակագնի սուբսիդավորմանը, հինգշաբթի խորհրդարանում համաձայնագրի քննարկման ժամանակ հայտարարեց  ՀՀ պաշտպանության փոխնախարար Արա Նազարյանը։

ՀՀ Ազգային ժողովը հինգշաբթի արտահերթ նիստի ժամանակ քննարկում է հայկական կողմին պետական արտահանման վարկի տրամադրման մասին հայ–ռուսական միջկառավարական համաձայնագիրը։

Նախորդ ուրբաթ ՀՀ նախագահ Սերժ Սարգսյանի և ՌԴ տրանսպորտի նախարար, հայ–ռուսական միջկառավարական հանձնաժողովի համանախագահ Մաքսիմ Սոկոլովի հանդիպման ժամանակ հայտարարվեց, որ Հայաստանին տրամադրվում է 200 մլն դոլարի ռուսական վարկ` սպառազինության նորագույն տեսակներ գնելու համար։

«Այս գումարից և ընդհանրապես Հայաստանի ռազմական բյուջեից ոչ մի կոպեկ չի կարող ուղղվել այլ նպատակներով», – ասաց փոխնախարարը` մեկնաբանելով հայկական ԶԼՄ–ներում շրջանառվող խոսակցություններն այն մասին, թե վարկի մի մասը կուղղվի էլեկտրաէներգիայի բարձրացված սակագնի սուբսիդավորմանը։

Համաձայնագրով նախատեսվում է 2015–2017 թթ.–ին ռուսական արտադրության ռազմական արտադրանքի ձեռք բերում։ Նախատեսվում է գնել նոր տեսակի զենք, որն ավելի վաղ չի օգտագործվել Հայաստանի զինված ուժերի կողմից։ Վարկը տրամադրվում է 13 տարով` 3 տարի արտոնյալ ժամանակաշրջանով և 3 տոկոս տարեկան տոկոսադրույքով։ Հայկական կողմին պետական արտահանման վարկի տրամադրման մասին հայ–ռուսական միջկառավարական համաձայնագրի վավերացման համար Ազգային ժողովի արտահերթ նիստը գումարվել է կառավարության նախաձեռնությամբ։

Հունիսի 17–ին Հայաստանի հանրային ծառայությունները կարգավորող հանձնաժողովը, քննարկելով ՀԷՑ–ի հայտը, մասամբ բավարարել է այն` որոշում ընդունելով այս տարվա օգոստոսի 1–ից 16 տոկոսով բարձրացնել էլեկտրաէներգիայի սակագինը։

Գլխավոր թեմաներ