09:47 20 հունվարի 2017
Ուղիղ եթեր
«Банк ВТБ (Армения)

ՎՏԲ–ն մտադիր է 32,3 մլն եվրոյով ավելացնել հայկական «դստեր» կապիտալը

© Банк ВТБ (Армения)
Տնտեսություն
Ստանալ կարճ հղումը
5 0 0

«ՎՏԲ–Հայաստան բանկի» կապիտալի ավելացումից հետո հայկական «դուստր» ընկերությունում ՎՏԲ–ի մասնաբաժինը կպահպանվի 100 տոկոսի չափով։

ԵՐԵՎԱՆ, 3 հուլիսի– Sputnik. ՎՏԲ–ի դիտորդական խորհուրդն առաջարկել է լրացուցիչ էմիսիայի միջոցով 17 մլրդ դրամով (մոտ 32,3 մլն եվրո) ավելացնել «ՎՏԲ–Հայաստան բանկ» ՓԲԸ–ի կանոնադրական կապիտալը, հաղորդում է Փրայմը` հղում անելով ռուսական մեծությամբ երկրորդ բանկի նյութերին։

Նաև առաջարկվել է ավելացնել ավստրիական և սերբական «դուստր» ընկերությունների կանոնադրական կապիտալները, Bank (Austria) AG–ինը` ավելի քան 200 մլն եվրոյի չափով սուբորդինացված վարկի միջոցով, իսկ ՎՏԲ Բանկ (Բելգրադ) բաժնետիրական ընկերության կապիտալը` 7 մլն եվրոյի չափով սովորական բաժնետոմսերի լրացուցիչ էմիսիայի միջոցով։

Կապիտալի ավելացումից հետո ՎՏԲ–ի մասնաբաժինը բոլոր երեք «դուստր» կառույցներում կպահպանվի 100 տոկոսի չափով։

Ավելի վաղ ՎՏԲ–ի ավագ փոխնախագահ Միխայիլ Յակունինը «ՌԻԱ Նովոստիին» տված հարցազրույցում տեղեկացրել էր, որ ՎՏԲ բանկի օտարերկրյա «դուստրերը» հունվար–մայիսի արդյունքում ստացել են 11,7 մլրդ ռուբլու շահույթ։

Գլխավոր թեմաներ