06:18 24 հոկտեմբերի 2017
Ուղիղ եթեր
Армения - Россия флаги

Հայաստանի և Ռուսաստանի ֆինանսների նախարարությունների միջև համագործակցության ընդլայնման հուշագիր է ստորագրվել

Տնտեսություն
Ստանալ կարճ հղումը
9 0 0

Հայաստանի և Ռուսաստանի ֆինանսների նախարարների ստորագրված փոխըմբռնման հուշագիրը պայմաններ է ստեղծում երկու նախարարությունների միջև համագործակցության հետագա ընդլայնման համար։

ԵՐԵՎԱՆ, 6 հուլիսի–Sputnik. Ռուսաստանի և Հայաստանի ֆինանսների նախարարներ Անտոն Սիլուանովը և Գագիկ Խաչատրյանը Մոսկվայում ստորագրել են ՄՀայաստանի և Ռուսաստանի ֆինանսների նախարարությունների միջև համագործակցության հարցում փոխըմբռնման մասին» հուշագիր, որը պայմաններ է ստեղծում երկու նախարարությունների միջև համագործակցության հետագա ընդլայնման համար, հաղորդում է ՀՀ ֆիանսների նախարարության մամուլի ծառայությունը։

Ըստ մամուլի ծառայության հաղորդագրության` ստորագրվել է նաև «Հայաստանի և Ռուսաստանի ֆինանսների նախարարությունների միջև Ռուսաստանի կողմից ՀՀ անհատույց ֆինանսական օգնություն տրամադրելու մասին» համաձայնագիրը, որով նախատեսված է Մաքսային միության և միասնական տնտեսական տարածքին Հայաստանի միանալու միջոցառումների ծրագրի իրականացման նպատակով ՀՀ ֆինանսական նախարարությանը 14,1 մլն ԱՄՆ դոլարի չափով ֆինանսական օժանդակություն տրամադրել:

ՀՀ ֆինանսների նախարար Գագիկ Խաչատրյանը Մոսկվայում հանդիպել է նաև ՌԴ դաշնային հարկային ծառայության ղեկավար Միխայիլ Միշուստինի հետ։

«ՀՀ ֆինանսների նախարարն ու ՌԴ դաշնային մաքսային ծառայության ղեկավարը քննարկել են ՌԴ պետական սահմանի Վերին Լարս անցակետում առկա կուտակումների վերացմանը վերաբերող հարցեր», – նշվում է հաղորդագրության մեջ։

Գագիկ Խաչատրյանը պայմանավորվածություն է ձեռք բերել հնարավորինս սեղմ ժամկետներում քայլեր ձեռնարկել նշված անցակետում կուտակումները վերացնելու և հայկական բեռների տեղափոխման համար առավելագույն հարամարավետ պայմաններ ստեղծելու ուղղությամբ:

Գլխավոր թեմաներ