ԵՐԵՎԱՆ, 6 հուլիսի– Sputnik. Կարգավորիչ հանձնաժողովը նախատեսում է հուլիսի 8–ին ուսումնասիրել «Հայաստանի էլեկտրական ցանցեր» ընկերության` 8 587,8 մլն դրամի (մոտ 18,1 մլն դոլար, առանց ԱԱՀ) ներդրումային ծրագիրը, հաղորդվում է Հանրային ծառայությունները կարգավորող հանձնաժողովի կայքում։
Ներդրումային ծրագրի հիմնական կետերն են նոր սպառողների միացումն ու հատուկ ծրագրերի իրականացումը (ավելի քան 5 մլրդ դրամ կամ 10,6 մլն դոլար), էլեկտրաէներգիայի հաճախականության և անջատման տևողության միջին տարեկան ցուցանիշի պահպանումը (ավելի քան 2 մլրդ դրամ կամ 4,26 մլն դոլար), առևտրային հաշվառման համակարգի բարելավումը (մոտ 344,27 մլն դրամ կամ 727 հազար դոլար)։
«Հայաստանի էլեկտրական ցանցեր» ՓԲԸ–ն «ԻՆՏԵՐ ՌԱՕ ԵԷՍ» ՓԲԸ–ի 100 տոկոսանոց դուստր ընկերությունն է։ Ընկերության հիմնական ուղղությունը էլեկտրաէներգիայի բաշխումն է Հայաստանի սպառողներին, այդ թվում` բնակչությանը։
ՀԷՑ–ը նախատեսում է 2015 թ.–ին Հայաստանում ներդնել 18,1 մլն դոլար
15:06 06.07.2015 (Թարմացված է: 15:10 06.07.2015)
© Sputnik / Валерий Шустов
/ Բաժանորդագրվել
ՀԷՑ–ը նախատեսում է 2015 թ.–ին ներդնել մոտ 18,1 մլն դոլար Հայաստանի բաշխիչ ցանցերում։
