19:01 26 մայիսի 2017
Ուղիղ եթեր
Станок на заводе

ԵՏՀ. Հայաստանը ԵՏՄ–ում առաջատարն է արդյունաբերության արտադրության աճով

Տնտեսություն
Ստանալ կարճ հղումը
13 0 0

Հայաստանում արդյունաբերության արտադրանքի ծավալների աճը այս տարվա առաջին հինգ ամիսներին, անցյալ տարվա նույն ժամանակահատվածի համեմատ, կազմել է 4.5 տոկոս։

ԵՐԵՎԱՆ, 7 հուլիսի — Sputnik. Հայաստանն արդյունաբերական արտադրության աճով առաջատարն է 2015 թվականի հունվար–մայիս ամիսներին Եվրասիական տնտեսական միության երկրների մեջ, ասվում է ԵՏՄ կայքում տեղադրված տեղեկատվության մեջ։

ԵՏՀ–ի տվյալներով` Հայաստանում այդ ցուցանիշի աճը այս տարվա հինգ ամիսներին, անցյալ տարվա նույն ժամանակաշրջանի համեմատ, կազմել է 4.5 տոկոս` Եվրասիական տնտեսական տարածքի միջինը 2.3 տոկոս անկման պայմաններում։

Արդյունաբերական արտադրության ծավալը նշված ժամանակահատվածում կազմել է 499.7 մլրդ դրամ (մոտ 1.05 մլն դոլար)։ Հայաստանի ԿԲ–ի կանխատեսումներով` ընթացիկ տարվա արդյունքներով սպասվում է աճ 1.5-2.5 տոկոս մակարդակում։

ԵՏՀ տվյալների համաձայն` բացի Հայաստանից, հաշվետու ցուցանիշի աճ է արձանագրվել նաև Ղազախստանում` 0.5 տոկոսով` կազմելով 30.7 մլրդ դոլար։

Բելառուսում հունվար–մայիս ամիսներին նկատվում է անկում 7.7 տոկոսով մինչև 19.7 մլրդ դոլար, Ռուսաստանում նվազում` 2.3 տոկոսով` կազմելով մոտ 328.8 մլրդ դոլար։

Ղրղըզստանում (գտնվում է ԵՏՄ–ին միանալու վերջնական փուլում) արդյունաբերական արտադրության ծավալներն աճել են 21.5 տոկոսով` կազմելով 1.25 մլրդ դոլար։

Ընդհանուր առմամբ, ԵՏՄ անդամ–պետությունների արդյունաբերական արտադրանքի ծավալները 2015 թվականի հինգ ամիսների ընթացքում կազմել են 380.3 մլրդ դոլար։

Գլխավոր թեմաներ