17:01 19 հունվարի 2017
Ուղիղ եթեր
Сиг

Հայաստանում հաշվում են Սևանա լճի ձկան և խեցգետնի պաշարները

© Wikipedia/
Տնտեսություն
Ստանալ կարճ հղումը
13 0 0

ՀՀ կառավարությունը կֆինանսավորի Սևանա լճի ձկան և խեցգետնի պաշարների հաշվարկը։

ԵՐԵՎԱՆ, 8 հուլիսի– Sputnik. ՀՀ կառավարությունը բնապահպանության նախարարությանը կտրամադրի 7,6 մլն դրամի ֆինանսավորում` Սևանա լճի ձկան և խեցգետնի պաշարները հաշվարկելու համար։ Նման որոշում է ընդունվել չորեքշաբթի կառավարության նիստի ժամանակ։

Միջոցները կհատկացվեն կառավարության Պահուստային հիմնադրամից։

«Գոյություն ունեն որոշակի բնապահպանական մեխանիզմներ, որոնք թույլ են տալիս իրականացնել 80–90 տոկոսանոց ճշգրտությամբ հաշվարկներ», – կառավարության նիստի ժամանակ ասաց ՀՀ բնապահպանության նախարար Արամայիս Գրիգորյանը։

Նա տեղեկացրեց, որ 2014 թ.–ի տվյալներով Սևանում հաշվարկվում էր 354 տոննա սիգ, 200–210 տոննա ծածան, 1,5–2 տոննա իշխան, 3 հազար տոննա խեցգետին։

Սևանա լիճը Եվրոպայի և Ասիայի ամենաբարձր և մեծ լեռնային լճերից մեկն է, գտնվում է Հայկական բարձրավանդակի սրտում՝ 1914 մ բարձրության վրա։ Երկարությամբ՝ հյուսիս-արևմուտքից դեպի հարավ-արևելք, լիճը ձգվում է ավելի քան 70 կմ, իսկ նրա ջրային հայելու մակերեսը հասնում է գրեթե 1500 քառակուսի մետրի։ Լիճը տարածաշրջանում խմելու ջրի գլխավոր ռեսուրսն է։ 2030 թ.–ին լճի մակարդակը կբարձրացվի մինչև 1903,5 մ–ի։

Գլխավոր թեմաներ