23:30 17 հուլիսի 2018
Ուղիղ եթեր
  • USD480.37
  • GBP636.68
  • EUR563.47
  • RUB7.69
Работа таможенного поста Багратионовский в Калининградской области

Ռուսաստանում սկսվել է արգելված մթերքների ոչնչացման գործընթացը

© Sputnik / Игорь Зарембо
Տնտեսություն
Ստանալ կարճ հղումը
679 0 0

Գանձված ապրանքների ոչնչացումը կկատարվի անկախ նրանից, թե կորոշվի մատակարարման սեփականատերը կամ կազմակերպիչը։ Նման քայլի կողմնակիցները կարծում են, որ դա թույլ կտա նվազեցնել Ռուսաստան ներկրվող ապրանքների ծավալը

ԵՐԵՎԱՆ, 6 օգոստոսի —  Sputnik. Ռուսաստանի հետ սահմանին ներկրման համար արգելված ապրանքների ոչնչացման գործընթացը սկսվում է։ Դրա համար հիմնականում կօգտագործվեն արտադրական վառարաններ, սակայն պաշտոնյաները չեն բացառում կաթնամթերքի և մսամթերքի վերամշակումը կենդանիների կերերի համար։

Նախորդ շաբաթ ՌԴ նախագահ Վլադիմիր Պուտինը հրամանագիր է ստորագրել ՌԴ–ի սահմանին ներկրման համար արգելված ապրանքների ոչնչացման մասին։ Դրանից հետո կառավարությունը հաստատել է պատժամիջոցների տակ ընկած պարենամթերքի ոչնչացման կանոնները։

Ոչնչացումը կարող է անցկացվել օրենսդրությամբ նախատեսված ցանկացած ձևով, միաժամանակ բռնագանձած մթերքի ոչնչացումը կատարվում է անկախ նրանից, թե հաստատվել է մատակարարման սեփականատերը կամ կազմակերպիչը։ Ռուսասատանի սահմանին պարենային արգելքի ներքո գտնվող մթերքների ոչնչացման մասին հրամանագիրը չի տարածվում այն ապրանքների վրա, որոնք ռուս քաղաքացիները բերում են իրենց համար։

«Կողմ» փաստարկներ

Մթերքների ոչնչացման կողմնակիցների հիմնական փաստարկը հետևյալն է` այդ քայլը թույլ կտա նվազեցնել անօրինական Ռուսաստան ներկրվող մթերքների ծավալը։ ՌԴ Գյուղատնտեսության ղեկավար Աելքսանդր Տկաչյովը, առաջ քաշելով մթերքի ոչնչացման գաղափարը, նշել է, որ օրենքով արգելված արտադրանքով բոլոր բեռներն ավելի վաղ պետք է սեփականատերերի կողմից վերադարձվեն այն տարածք, որից ստացվել են։

Դա խոչընդոտել է անօրինական մատակարարումների իրավիճակի լուծմանը։ Ագրարային գերատեսչության ղեկավարի կարծիքը երկու շաբաթ անց հաստատել է Ռոսսելխոզնադզորը։ Մասնավորապես, Ռոսսելխոզնադզորի օգնական Ալեքսեյ Ալեքսեենկոն հայտնել է, որ սահմանին պատժամիջոցների ենթարկված մթերքի պահելը հետ վերադառնալուց հետո կրկին հայտնվում էին ՌԴ տարածքում փոխված փաստաթղթերով տարանցիկ մթերքի տեսքով, ինչը փաստորեն չէր կանգնեցնում այդ հոսքը։

Ռոսսելխոզնադզորի մամուլի քարտուղար Յուլիա Մելանոն երեքշաբթի նշել է, որ ծառայությունն արգելված մթերքով բեռների մատակարարման նվազում է արձանագրում, թեև այն ժամանակ նախագահի հրամանագիրը դեռ ուժի մեջ չէր մտել։

Ռոսպոտրեբնադզորի ղեկավար Աննա Պոպովան կարծիք է հայտնել, որ արգելված մթերքները վտանգավոր են սպառողի համար, քանի որ լռելյայն պարունակում են որակի, արտադրման վայրի և անվտանգության չճշտված տվյալներ։ Այդ իսկ պատճառով, նրա խոսքով, այդ ապրանքների ոչնչացումը «միանգամայն տրամաբանական որոշում է»։

«Դեմ» փաստարկներ

Արգելված մթերքների ոչնչացման հակառակորդները կարծում են, որ այդ քայլը կարող է ոչ այնքան ծախսատար լինել բյուջեի և վնասակար` էկոլոգիայի համար, այլ նաև անարդար` հաշվի առնելով սովորական սննդի կարիք ունեցող ռուսների թիվը։ Մի շարք փորձագետներ նշում էին` Ռուսաստանում կան մանկատներ, ծերանոցներ և սոցիալապես անապահով քաղաքացիներ, ում կարող էին պիտանի լինել ոչնչացման ենթակա մթերքները։

Այդ միտքը շատ հստակ արտահայտել են արգելված արտադրանքի ոչնչացման դեմ պետիցիայի հեղիակները, այն հրապարակված է change.org պորտալում։ «Ինչու՞ է պետք ոչնչացնել սնունդը, որով կարելի է կերակրել վետերանների, թոշակառուների, հաշմանդամների, բազմազավակների, բնական աղետներից տուժածների և այլ կարիքավորների»,– հարցադրում են անում նա։

Аյժմ այդ պետիցիային կողմ է ավելի քան 200 հազար մարդ։ Չորեքշաբթի պետության ղեկավարի մամուլի քարտուղար Դմիտրի Պեսկովը հայտնել է, որ Վլադիմիր Պուտինին կզեկուցեն մաքսանենգ ապրանքների ոչնչացման դեմ պետիցիայի մասին change.org կայքում։ Նա նաև նշել է, որ ստորագրողների թվի հավաստիությունը դեռևս պետք է ստուգել։

Նախագահի հրամանագրի ստորագրումից հետո հնչել են նաև առաջարկություններ այն մասին, թե ինչպես կարելի է լուծել մաքսանենգ մթերքի հարցը։ Օրինակ, ՌԴ նախագահին առընթեր Մարդու իրավունքների խորհուրդն առաջարկել է այդ մթերքն ուղարկել Ուկրաինայի փախստականներին։

ՌԴԿԿ առաջնորդ Գենադի Զյուգանովն առաջարկել է հանձնաժողով հիմնդարել, որը կզբաղվեր ՌԴ ներկրման համար արգելված և սահմանին գանձվող ապրանքները մանկատներ, ուղղափառ համայնքներ, ինչպես նաև ԴԺՀ և ԼԺՀ ուղարկելու մասին։

Գլխավոր թեմաներ