15:01 23 հոկտեմբերի 2018
Ուղիղ եթեր
  • USD484.13
  • GBP630.63
  • EUR556.80
  • RUB7.41
Александр Лукашенко и Тигран Саркисян

Լուկաշենկո և Սարգսյան. ԵՏՄ-ն չպետք է զիջի ԵՄ-ին

© TVR
Տնտեսություն
Ստանալ կարճ հղումը
32 0 0

Բելառուսի նախագահ Ալեքսանդր Լուկաշենկոն հանդիպել է Եվրասիական տնտեսական հանձնաժողովի ղեկավար Տիգրան Սարգսյանի հետ

ԵՐԵՎԱՆ, 24 մարտի — Sputnik. Եվրասիական տնտեսական միությունը չպետք է զիջի Եվրամիությանը, և դրա համար լուրջ աշխատանք պետք է տարվի, ընդգծել է Բելառուսի նախագահ Ալեքսանդր Լուկաշենկոն ԵՏՀ ղեկավար Տիգրան Սարգսյանի հետ հանդիպման ժամանակ, հաղորդում է Sputnik Բելառուսը:

«Մենք հետդարձի ճանապարհ չունենք: Մենք պետք է կատարելագործենք Եվրասիական տնտեսական միությունը, ստեղծենք ԵՄ-ին չզիջող միություն: Հակառակ դեպքում մենք մեր քաղաքացիների մոտ շատախոսի տպավորություն կթողնենք»,- ընդգծել է Բելառուսի նախագահը:

Լուկաշենկոն նշել է, որ ԵՏՄ-ն, որը ստեղծվել է բավական կարճ ժամանակահատվածում, բավական լուրջ հաջողություններ է գրանցել:

«Եվրասիական տնտեսական միությունը չպետք է լինի Եվրոպական միությունից վատը»,- նման տեսակետ է հայտնել Բելառուսի նախագահ Ալեքսանդր Լուկաշենկոն:

Ալեքսանդր Լուկաշենկոն ընդգծել է, որ Եվրասիական տնտեսական միությանն անդամակցելով՝ Բելառուսը հանդես է գալիս բոլոր խոչընդոտները վերացնելու օգտին, որոնք դեռ կան փոխադարձ առևտրի համար:

Տիգրան Սարգսյանն իր հերթին հույս է հայտնել, որ միասնական տնտեսական տարածքի ստեղծման հարցում կատարված աշխատանքները, ձեռք բերված հսկայական փորձը կօգնեն ինտեգրացիոն գործընթացներին նոր խթան հաղորդել:

«Որպեսզի մեր քաղաքացիները, մեր բիզնեսը զգան դրանց իրական արդյունավետությունը»,-ասել է Տիգրան Սարգսյանը:

Նա հույս է հայտնել, որ բելառուսական նախագահության ընթացքում ձեռք բերված առաջնահերթությունները չեն կորցնի իրենց արդիականությունը, նաև նշել է, որ դեռ շատ անելիք կա:

 

 

Գլխավոր թեմաներ