06:37 21 օգոստոսի 2017
Ուղիղ եթեր
Նաիրա Զոհրաբյան

Զոհրաբյան. «Տնտեսության համար տապանաքար պիտի պատվիրենք»

© Sputnik/ Асатур Есаянц
Տնտեսություն
Ստանալ կարճ հղումը
33 0 0

«Բարգավաճ Հայաստան» կուսակցության առաջնորդ Նաիրա Զոհրաբյանը կարծում է, որ եթե հարկային նոր օրենսգրքի նախագիծն ընդունվի, ապա ՀՀ տնտեսությունը կկործանվի

ԵՐԵՎԱՆ, 14 հունիսի — Sputnik. Եթե հարկային նոր օրենսգրքի նախագիծն այս կերպ ընդունվեց, նշանակում է` մենք գրանիտից տապանաքար պիտի պատվիրենք, դնենք ՀՀ տնտեսության վրա և գրենք՝ վախճանվեց անփառունակ վախճանով, Ազգային ժողովում ասաց «Բարգավաճ Հայաստան» կուսակցության նախագահ Նաիրա Զոհրաբյանը։

«Այդ օրինագիծը կոչնչացնի Հայաստանի տնտեսությունը։ Բոլորի համար հասկանալի է, թե ինչու է այն ընդունվում` հարկեր քամելու»,- նշեց Զոհրաբյանը։

Նրա խոսքով` հարկային եկամուտներն ավելացնելու երկու ուղի կա։ Առաջինը` մեկը կոռուպցիայի, ստվերի դեմ պայքարն է, մյուսը` կառավարության առաջարկած նախագիծը, որը ենթադրում է շրջանառության հարկի շեմը 115 մլն դրամից իջեցնել մինչև 40 մլն։ Այսինքն` գործող օրենսդրության համաձայն` շրջանառությունից հարկ են գանձում, երբ գումարը գերազանցում է 115 մլն դրամը, իսկ առաջարկվող շտկումներով շեմը կնվազի մինչև 40 մլն դրամ։

Զոհրաբյանը կարծում է, որ մեկ ամիս առաջ հայտարարված կոռուպցիայի դեմ պայքարը ձախողվել է, և կառավարությունը որոշել է դրամահավաք կատարել հարկերի ավելացման ճանապարհով։

Պատգամավորն ընդգծեց, որ գլխավոր կոռուպցիոներներն ու մոնոպոլիստները քաջ հայտնի են, և պայքարը պետք է ընթանա հենց նրանց դեմ։

Նրա խոսքով` նման օրենսգրքի ընդունումից հետո ավելացումները կավելանան միայն առաջին տարվա ընթացքում, որից հետո փոքր և միջին բիզնեսի ձեռնարկությունները դոմինոյի էֆեկտի պես կսկսեն փակվել։

Գլխավոր թեմաներ