00:26 24 փետրվարի 2019
Ուղիղ եթեր
  • USD488.71
  • GBP636.30
  • EUR554.15
  • RUB7.46
Գինի

Հայկական գինին շատ թունդ է հնդիկների համար

© Winery
Տնտեսություն
Ստանալ կարճ հղումը
50 0 0

ՀՀ գյուղնախարարությունը հայտարարում է Հնդկաստան հայկական գինի արտահանելու մասին, սակայն հայ Հրաչյա Բերբերյանը կասկածում է, որ Հնդկաստանում սպասում են հայկական գինուն։

ԵՐԵՎԱՆ, 9 օգոստոսի — Sputnik. Հայաստանը մտադիր է գինի և կոնյակ արտահանել Հնդկաստան: Այս մասին լրագրողներին հայտնեց ՀՀ գյուղատնտեսության նախարարի տեղակալ Ռոբերտ Մակարյանը` հավելելով, որ հայկական գինու առաջին` փորձնական խմբաքանակն առաջիկայում արդեն կուղարկվի Հնդկաստան:

Հայաստանի ագրարագյուղացիական միավորման նախագահ Հրաչյա Բերբերյանը, սակայն, համոզված չէ, թե հայկական գինին կհասնի Հնդկաստան։

«Անցյալ տարի էլ հայտարարվեց, որ Չինաստան պետք է արտահանենք, նախորդ տարի ասվեց, որ Եվրոպա ենք արտահանում: Այդ հայտարարությունները շատ ենք լսել։ Ես կողջունեմ նույնիսկ եթե կարողանան մի կոնտեյներ գինի արտահանել Հնդկաստան»,- Sputnik Արմենիայի հետ զրույցում ասաց նա:

Արտահանման շուկաների ընդլայնումը ողջունելով հանդերձ` Բերբերյանը, սակայն, կարծում է, որ հայկական գինին ու կոնյակը Հնդկաստանի սպառողների ճաշակին այնքան էլ հարմար չեն:

«Հնդկաստանում ավելի շատ թեթև գինիներ են նախընտրում, քանի որ շոգ երկիր է։ Իսկ մեր խաղողի շաքարայնությունն այնքան բարձր է, որ թույլ չի տալիս թեթև` 6-8 աստիճան գինի ստանալ: Մեր գինիների սպիրտայնությունը հարաբերական բարձր` 10-12 աստիճան է ստացվում»,- պարզաբանեց նա:

Այդուհանդերձ, Հրաչյա Բերբերյանը կարծում է, որ փորձել պետք է` հատկապես, որ միայն ռուսական շուկայով Հայաստանի գինեգործության ապագան պայմանավորելը մասնագետը ճիշտ չի համարում:

Գլխավոր թեմաներ