22:25 18 փետրվարի 2018
Ուղիղ եթեր
Հայ–վրացական սահման

Հայ–վրացական բարեկամությունը կամրջելու մրցույթը սկսված է

© Sputnik/ Aram Nersesyan
Տնտեսություն
Ստանալ կարճ հղումը
13310

Վրաստանի և Հայաստանի սահմանին հավաքվել էին տարածաշրջանում յուրահատուկ նախագծի` «Բարեկամության կամրջի» շինարարության մասնակիցները։

ԵՐԵՎԱՆ, 8 սեպտեմբերի — Sputnik. Ավարտվել է «Բարեկամության կամրջի» շինարարության հայտերի ընդունելության առաջին փուլը, հաղորդում է Sputnik Արմենիայի թղթակիցը։ 10 միլիոն դոլար արժողությամբ «Բարեկամության կամուրջ» հայ-վրացական յուրահատուկ նախագիծը կշահագործվի 2018թ-ին։ Ծրագրի պաշտոնական մեկնարկը տրվել է 2013թ-ին, իսկ վրացական կողմի և Զարգացման եվրոպական բանկի հետ բանակցությունները շարունակվել են մինչև 2014թ-ը։

Հայտարարվել է առցանց մրցույթ և ձևավորվել համապատասխան հանձնաժողով, որի մեջ երկու կողմից ընդգրկված է չորսական մարդ։ Հայ-վրացական սահմանին` Բագրատաշենում, հավաքվել էին ընկերությունների տնօրենները, որոնք ցանկացել են մասնակցել «Բարեկամության կամրջի» շինարարության մրցույթին, ինչպես նաև Զարգացման եվրոպական բանկի ներկայացուցիչները։

Բանակցությունները վերաբերում են նախագծի տեխնիկական կողմին։ Ընկերությունների ղեկավարները փորձել են ստանալ իրենց հարցերի սպառիչ պատասխանները, որպեսզի ուղղեն սխալները և ավելի լավ պատրաստվեն մրցույթին։

Մրցույթի հայտերի ընդունելությունը կավարտվի սեպտեմբերի 20-ին, իսկ հաղթողը կհայտարարվի դեկտեմբերին։ «Հյուսիս-հարավ» պետական կազմակերպության տնօրեն Արթուր Սարգսյանի խոսքով` Բագրատաշեն-Սադախլո սահմանի կամուրջը շատ հին էր և սպառել էր իրեն։ Դրա վերակառուցման համար անհրաժեշտ էին լուրջ ներդրումներ։

«Քանի որ դրա ծախսերը շատ մեծ էին, մենք որոշեցինք կառուցել նոր` եվրոպական չափանիշներին համապատասխանող կամուրջ։ Իսկ հինը կարելի է նորոգել, և այն կծառայի որպես այլընտրանք խցանումների կամ տարբեր պատվիրակությունների կողմից հսկիչ-անցակետն արագ անցնելու համար»,- ասաց Սարգսյանը։

Նա նաև նշեց, որ այդ նախագիծը բացառիկ է ինչպես Հայաստանի, այնպես էլ Վրաստանի համար, քանի որ շինարարությունն իրականացվում է հենց սահմանին։

Артур Саркисян
«Հյուսիս-հարավ» պետական կազմակերպության տնօրեն Արթուր Սարգսյան

Կամրջի կեսը գտնվում է մեր կողմում, մյուս կեսը` վրացական։ Դրա հետ կապված` բազմաթիվ հարցեր են ծագում, որոնք անհրաժեշտ է լուծել։ Երկու երկրները ցանկանում են ունենալ սեփականության լիակատար իրավունք»,- ասաց Սարգսյանը։

Իր հերթին, Վրաստանի Ավտոմոբիլային ճանապարհների դեպարտամենտի ղեկավարի տեղակալ Նուգզար Գասիանին կամուրջը տարածաշրջանում բացառիկ անվանեց։

Армяно-грузинская граница. КПП Баграташен-Садахло
© Sputnik/ Aram Nersesyan
Բագրատաշեն–Սադախլո հսկիչ–անցակետ

«Հուսով ենք, որ ապագայում բարեկամության նման կամուրջը օրինակ կլինի այլ երկրների համար»,- նշեց նա։ Կամրջի շինարարությունը կսկսվի հաջորդ տարվա գարնանը։

Գլխավոր թեմաներ