11:15 29 մարտի 2017
Ուղիղ եթեր
Հայաստանում էլեկտրագնացք է վերանորոգվել

Հայաստանում էլեկտրագնացք է վերանորոգվել

© Sputnik/ Asatur Yesayants
Տնտեսություն
Ստանալ կարճ հղումը
5210

Հայաստանում ՀԿԵ բազայում էլեկտրագնացքների վերանորոգումն ավելի էժան կլինի, քան արտասահմանում։

ԵՐԵՎԱՆ, 7 նոյեմբերի — Sputnik. «Հարավկովկասյան երկաթուղի» ՓԲԸ-ի Երևանի լոկոմոտիվային դեպոյում շահագործման է հանձնվել TP-3 (տեխնիկական վերանորոգում) տիպի վերանորոգում անցած առաջին էլեկտրագնացքը։

TP-3 տիպի վերանորոգումը գործարանային ցիկլի վերանորոգում է, որը թույլ է տալիս երաշխավորել էլեկտրագնացքի վազքը 500 000 կմ համար։ Վերանորոգումն իրականացվել է Երևանի լոկոմոտիվային դեպոյի մասնագետների ուժերով։ Նախկինում դրանք ուղարկվել են Թբիլիսի կամ Դոնի Ռոստով։ ՀԿԵ գլխավոր տնօրեն Սերգեյ Վալկոյի խոսքով` դա ՀԿԵ տեխնոլոգիաների զարգացման հերթական քայլն է։
Նա պատրաստակամություն հայտնեց դիտարկել այլ երկրներից էլեկտրագնացքների վերանորոգման հնարավորությունը, եթե նման անհրաժեշտություն լինի։

«Այսօր մեր մարդիկ իրենց ձեռքով նման վերանորոգում են անցկացնում, ինչը թույլ է տալիս երաշխավորել էլեկտրագնացքի վազքը 500 000 կմ համար», — ասաց Վալկոն։

Էլեկտրագնացքի գործարկման հանդիսավոր արարողությանը մասնակցել են Հայաստանի խորհրդարանի փոխխոսնակ Էդուարդ Շարմազանովը, տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, Հայաստանում Ռուսաստանի արտակարգ և լիազոր դեսպան Իվան Վոլինկինը։

Շարմազանովը նշեց, որ 2008թ-ից սկսած ընկերության կողմից արված ներդրումները, հատկապես վերջին շրջանում, ցույց են տվել իրենց արդյունավետությունը։

«Եվս մեկ անգամ ապացուցվել է, որ հայ-ռուսական դաշնակցային հարաբերությունները զարգանում են ոչ միայն քաղաքական տարածքում, այլ նաև տնտեսական և տրանսպորտային ոլորտում»,- ասաց Շարմազանովը։ Նա համոզված է, որ երկու երկրների «էլեկտրագնացքը» կշարժվի միայն «ճիշտ ուղղությամբ»։

Երկկողմ հարաբերությունների ամրապնդման հարցը շոշափեց նաև դեսպան Իվան Վոլինկինը։

Նա նշեց, որ երկրները շարժվում են ճիշտ ուղով` ռուս-հայկական բարեկամության ամրապնդման ուղղությամբ։ Նրա խոսքով` երկար տարիների ընթացքում ընկերությունը մեծ հաջողությունների է հասել երկաթուղու զարգացման մեջ։

Իր հերթին տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը նշեց, որ 10 տարի առաջ նման բան դժվար էր պատկերացնել։ Նա հույս հայտնեց, որ ընկերության հաջողությունները կշարունակվեն, ինչը կծառայի Հայաստանի տնտեսության զարգացմանը։

  • Հայաստանում էլեկտրագնացք է վերանորոգվել
    Հայաստանում էլեկտրագնացք է վերանորոգվել
    © Sputnik/ Asatur Yesayants
  • Հայաստանում էլեկտրագնացք է վերանորոգվել
    Հայաստանում էլեկտրագնացք է վերանորոգվել
    © Sputnik/ Asatur Yesayants
  • Հայաստանում էլեկտրագնացք է վերանորոգվել
    Հայաստանում էլեկտրագնացք է վերանորոգվել
    © Sputnik/ Asatur Yesayants
  • Հայաստանում էլեկտրագնացք է վերանորոգվել
    Հայաստանում էլեկտրագնացք է վերանորոգվել
    © Sputnik/ Asatur Yesayants
  • Հայաստանում էլեկտրագնացք է վերանորոգվել
    Հայաստանում էլեկտրագնացք է վերանորոգվել
1 / 5
© Sputnik/ Asatur Yesayants
Հայաստանում էլեկտրագնացք է վերանորոգվել

Էլեկտրագնացքը ներքին փոխադրումներ կիրականացնի Երևանից Գյումրի, Արարատ, Արաքս և Երասխ։ Դրա վերանորոգման համար ընկերությունը ծախսել է 36 միլիոն դրամ։ ՀԿԵ աշխատակիցների խոսքով` դա մի քանի անգամ ավելի էժան է, քան Ռուսաստանում կամ Վրաստանում վերանորոգելը։

Ընկերության ղեկավարությունը հյուրերին ներկայացրեց կառուցվող կոնտեյներային տերմինալը, որը թույլ կտա երկաթուղուն բարձրացնել տրամադրվող տրանսպորտային-լոգիստիկ ծառայությունների որակը։

Տերմինալը երկաթուղուն թույլ կտա բարձրացնել տրանսպորտային ծառայությունների որակը, բարելավել լոգիստիկան, տեղում իրականացնել բեռների մաքսային բոլոր ձևակերպումները։Ընկերությունում հավաստիացրել են, որ ծառայությունների սակագները միջինը 10 տոկոսով ավելի էժան կլինեն, քան մյուս տերմինալներում։

«ՀԿԵ» ՓԲԸ-ն «Ռուսական երկաթուղիներ» ԲԲԸ-ի դուստր ընկերությունն է և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:

Գլխավոր թեմաներ