11:23 22 օգոստոսի 2017
Ուղիղ եթեր
ԱԷԿ

Հայաստանն ու Բելառուսը կհամագործակցեն ատոմային էներգետիկայի ոլորտում

© Sputnik/ Р. Мангасарян
Տնտեսություն
Ստանալ կարճ հղումը
13 0 0

Հայաստանի խորհրդարանը վավերացրել է Բելառուսի հետ «Ատոմային էներգիայի խաղաղ օգտագործման բնագավառում համագործակցության մասին» համաձայնագիրը։

ԵՐԵՎԱՆ, 14 նոյեմբերի — Sputnik. ՀՀ ԱԺ-ն ձայների մեծամասնությամբ վավերացրեց Բելառուսի հետ 2016 թվականի փետրվարին ստորագրած «Ատոմային էներգիայի խաղաղ օգտագործման նպատակով համագործակցության մասին» համաձայնագիրը։ Այս համաձայնագիրը ստորագրել էին Բելառուսի էներգետիկայի փոխնախարար Միխայիլ Միխադյուկն ու Հայաստանի էներգետիկայի և բնական պաշարների փոխնախարար Արեգ Գալստյանը 2016 թվականի փետրվարին Երևանում կայացած միջկառավարական հանձնաժողովի 12-րդ նիստից հետո։

«Կողմերը նախատեսում են գործակցել հետևյալ ուղղություններով` մշակում, նախագծում, շինարարություն և ատոմային էլեկտրակայանների, հետազոտական ռեակտորների և այլ միջուկային սարքերի շահագործում», — նշված է համաձայնագրի նախագծում։

ՀՀ կառավարության և Բելառուսի Հանրապետության կառավարության միջև ատոմային էներգիայի բնագավառում համագործակցության մասին» համաձայնագիրը հնարավորություն կտա համագործակցել իրենց երկրների տարածքներում ատոմային էներգաբլոկների կառուցման, դրանց անվտանգ շահագործման և տեխնիկական ցուցանիշների բարելավման, ռադիոակտիվ թափոնների վերամշակման և պահպանման, անվտանգության ապահովման, միջուկային և ճառագայթային անվտանգության և շրջակա միջավայրի պահպանության, բժշկության, արդյունաբերության և գյուղատնտեսության բնագավառներում միջուկային նյութերի և տեխնոլոգիաների կիրառման, փորձի փոխանակման, կադրերի պատրաստման և վերապատրաստման բնագավառներում, գիտության և տեխնիկայի բնագավառում հիմնարար և կիրառական հետազոտությունների զարգացման, ինչպես նաև հասարակությանը ատոմային էներգիայի օգտագործմանը տեղեկացնելու հարցերում։

Համաձայնագրով նախատեսվում է, որ 2 երկրների համագործակցությունն ուղղված կլինի ատոմային էներգիայի օգտագործմանը, միայն խաղաղ նպատակներով։

Համագործակցության իրականացման ընթացքում 2 երկրներն առաջնորդվելու են ՄԱԿ-ի 1968 թվականի հուլիսի 1-ի «Միջուկային զենքը չտարածելու մասին» պայմանագրի սկզբունքով։

Կողմերը պարտավորվում են փոխանցվող սարքավորումները, նյութերը և երկակի նշանակության տեխնոլոգիաները չօգտագործել միջուկային պայթուցիկ սարքավորումների հետ կապված գործունեությունում և չվերաարտահանել այդ առարկաները 3-րդ երկրներ, առանց մյուս կողմի գրավոր համաձայնության։

2014 թվականի մարտին Հայաստանի կառավարությունը որոշում կայացրեց մինչև 2026 թվականը երկարացնել հայկական ԱԷԿ-ի շահագործման ժամկետը` նոր միջուկային էներգաբլոկի կառուցման ձգձգման պատճառով։ ՀԱԷԿ-ի շահագործման ժամկետի երկարացումը կիրականացվի 270 մլն դոլարի ռուսական պետական արտահանման վարկի և 30 մլն դոլարի դրամաշնորհի հաշվին։

Մեծամոր քաղաքի մոտ գործող ատոմային էլեկտրակայանը միակն է տարածաշրջանում։ Ներկա պահին աշխատում է միայն երկրորդ բլոկը` 407,5 ՄՎտ հզորությամբ։

Գլխավոր թեմաներ