22:09 23 հունվարի 2018
Ուղիղ եթեր
Երևանի քաղաքապետարան

Երևանի և Բելառուսի քաղաքների միջև համագործակցության լայն դաշտ կա

© Sputnik/ Asatur Yesayants
Տնտեսություն
Ստանալ կարճ հղումը
15 0 0

Երևանի փոխքաղաքապետը կարևորել է այն փաստը, որ Հայաստանն ու Բելառուսը ԵԱՏՄ անդամներ են, ինչն առևտրատնտեսական համագործակցությունն ընդլայնելու նոր հեռանկարներ է ստեղծում:

ԵՐԵՎԱՆ, 23 նոյեմբերի — Sputnik. Երևանի և բելառուսական քաղաքների հնարավոր համագործակցության ուղղություններն են քննարկվել Երևանի քաղաքապետի տեղակալ Դավիթ Օհանյանի և Բելառուսի Հանրապետության արդյունաբերության նախարարի 1-ին տեղակալ Գենադի Սվիդերսկու հանդիպման ժամանակ, հայտնում են Երևանի քաղաքապետարանից:

Երևանի քաղաքապետ Տարոն Մարգարյանի անունից ողջունելով հյուրերին՝ քաղաքապետի տեղակալը նշել է, որ Երևանի և բելառուսական քաղաքների բազմակողմ համագործակցության հիմքում Հայաստանի և Բելառուսի բարեկամական ու գործընկերային հարաբերություններն են: Դավիթ Օհանյանը կարևորել է նաև այն փաստը, որ ներկայում երկու երկրներն էլ ԵԱՏՄ անդամներ են, ինչն առևտրատնտեսական համագործակցությունն ընդլայնելու նոր հեռանկարներ է ստեղծում:

Բելառուսի Հանրապետության արդյունաբերության նախարարի 1-ին տեղակալ Գենադի Սվիդերսկին իր հերթին նկատել է, որ բազմակողմ համագործակցության լայն դաշտ կա, և պատրաստակամություն է հայտնել նպաստել երկուստեք փոխգործակցության խթանմանը: Կողմերը պայմանավորվել են առաջիկայում շարունակել քննարկումները` քաղաքային տնտեսության տարբեր բնագավառներում հնարավոր համագործակցության շուրջ:

Հանդիպմանը մասնակցել են նաև Երևանի քաղաքապետի գլխավոր խորհրդական Վանո Վարդանյանը և ՀՀ-ում Բելառուսի Հանրապետության արտակարգ և լիազոր դեսպան Իգոր Նազարուկը:

Գլխավոր թեմաներ