19:26 25 մարտի 2017
Ուղիղ եթեր
Արման Սահակյան

Պետգույքի կառավարման վարչության պետն ամփոփել է տարին

© Sputnik/ Asatur Yesayants
Տնտեսություն
Ստանալ կարճ հղումը
73 0 0

2016 թ. ընթացքում պետական գույքի օտարումից ստացված միջոցները անցած տարվա համեմատ ավելացել են 4 մլրդ 422 մլն դրամով։ Այս տարի այն կազմել է 6 մլրդ 859մլն դրամ:

ԵՐԵՎԱՆ, 21 դեկտեմբերի — Sputnik. Պետական գույքի վարձակալությունից 15.12.2016թ. դրությամբ, փաստացի պետական բյուջե է մուտքագրվել 221մլն 227 հազ. դրամ՝ նախատեսված 192 մլն 400հազարի փոխարեն: Այս մասին լրագրողներին ամփոփիչ ասուլիսի ժամանակ ասաց Պետգույքի կառավարման վարչության պետ Արման Սահակյանը։

Պետական գույքի մասնավորեցումից ստացված միջոցները կազմել են շուրջ 50մլն դրամ: Անցյալ տարվա ցուցանիշը գրեթե նույնն է: ՀՀ պետական սեփականություն հանդիսացող շենք- շինությունների տանիքներին ու ձեղնահարկերում կապի սարքավորումների տեղակայման և սպասարկման պայմանագրերից փաստացի մուտքագրվել է 83մլն 944 հազ. դրամ: Անցած տարվա համեմատ այս տարի այս ցուցանիշը գերազանցվել է 36%-ով:

Պետական սեփականություն համարվող հողերի կադաստրային արժեքի վճարումից մուտքերը 2016-ին կազմել են 38մլն 578 հազ.դրամ: Այսպիսով, օտարումից, մասնավորեցումից, վարձակալությունից, կապի սարքավորումների տեղակայումից ու հողի կադաստրային արժեքի մուտքերից ստացված դրամական միջոցները 2016-ին կազմել են 7 մլրդ 252 մլն դրամ, որից ՀՀ պետական բյուջե է փոխանցվել 4 մլրդ 477մլն դրամ, համայնքային բյուջեներ՝ 2մլրդ 711մլն 629 հազ. դրամ, ՊՈԱԿ-ների բյուջեներ՝ 64մլն 103 հազ. դրամ:

2016 թվականին Վարչության ենթակայությամբ գործել է 26 ընկերություն, որից 2-ը գտնվում է սնանկացման, 1-ը՝ լուծարման գործընթացում, 1 ընկերություն վերակազմակերպվել է: 2016թ. ընթացքում 10 ընկերության մասնավորեցման և 2 ընկերության լուծարման նպատակով ներկայացվել են գնահատման համար անհրաժեշտ ելակետային տվյալների փաթեթներ, 1 ընկերության մասնավորեցում է նախապատրաստվել:

2016 թվականին իրականացվել է պետական մասնակցությամբ 194 առևտրային կազմակերպությունների ֆինանսատնտեսական վիճակի դիտարկում և վերլուծություն: Այսօրվա դրությամբ լուծարման գործընթացում է 22 կազմակերպություն: Այս տարի լուծարվող կազմակերպություններում մարվել է շուրջ 52 մլն 629 հազ. դրամ կրեդիտորական պարտք: Իսկ վերջին տարիներին լուծարման դաշտի կանոնակարգման արդյունքում մարվել է շուրջ 390 մլն կրեդիտորական պարտք՝ կուտակված հիմնականում աշխատավարձերի և պետբյուջեի գծով:

Արման Սահակյանի խոսքով` դաշտը մաքրվում է, աստիճանաբար նվազում են նաև կրեդիտորական պարտքերը: 2016թ. ընթացքում պետական գույքի հաշվառման բազայում վերահաշվառվել է պետական սեփականություն հանդիսացող 8548 միավոր անշարժ գույք (ընդհանուր մակերեսը՝ 8մլն 2հազ. քառ/մետր: Այս տարի հաշվառված անշարժ գույքն ավելացել է 566 միավորով:

2016 թվականի ընթացքում կառավարության որոշումներով՝ բռնագաղթած և Հայաստանի քաղաքացիություն ստացած 14 ընտանիքի սեփականաշնորհվել են իրենց զբաղեցրած բնակելի տարածքները, տեղաբնակ 44 ընտանիքի նվիրատվությամբ հատկացվել են իրենց սենյակները: 2011թվականից առայսօր մայրաքաղաքի և մարզերի հանրակացարաններում բնակվող 366 ընտանիքի սեփականության խնդիր է լուծվել, որից 253-ը` նվիրատվության, 113-ը` սեփականաշնորհման ճանապարհով: Շահառուները 913-ն են, նրանց հատկացված սենյակների թիվը՝ 407:

2016 թվականի ընթացքում Վարչության Աճուրդի կենտրոնում վաճառքի է ներկայացվել 1324 լոտ, որից 514-ը՝ տրանսպորտային միջոց, 42-ը՝ լուծարվող ընկերությունների գույք, 766-ը՝ այլ շարժական գույք, 1-ը՝ մասնավորեցման ենթակա գույք: Ներկայացված լոտերից վաճառվել է 687 լոտ, որից՝ 225-ը՝ տրանսպորտային միջոց, 451-ը՝ այլ շարժական գույք, 11-ը՝ լուծարվող ընկերությունների գույք: Վաճառված տրանսպորտային միջոցների կատարման տոկոսը 2015 թվականի համեմատ աճել է 31 %-ով և կազմում է 53%:  2016թ. մասնավորեցման, օտարման, անհատույց օգտագործման, վարձակալության, նվիրաբերության և այլ պայմանագրերով պարտավորություն է ստանձնել 60 գնորդ, ներդրումային պարտավորությունները նախատեսված էին 507 մլն 545հազ դրամի և 1մլն 370 հազ. ԱՄՆ դոլարի չափով:

Արդեն իսկ կատարված է 424 մլն 589 հազ. դրամի չափով ներդրում, կատարման ժամկետը ուժի մեջ է: Մեկ գնորդի նկատմամբ 60 հազար դոլարի տուգանք է հաշվարկվել: Սոցիալական երաշխիքներից` 66 աշխատատեղ պետք է ստեղծվեր, ստեղծվել է 48-ը, ժամկետը չի սպառվել:

2016 թվականին հարուցված դատական հայցերի ու բանակցությունների արդյունքում պետական բյուջե է վերադարձվել 18մլն 844 հազար դրամ, որից՝ 15մլն 462 հազ. դրամ՝ մասնավորեցման, 3մլն 381 հազ. դրամ վարձակալական գործերով:

 

Գլխավոր թեմաներ