23:36 17 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Վաչե Գաբրիելյան

Նախարարը հաստատեց` կառավարությունը բանակցում է «Նաիրիտի» պոտենցիալ ներդրողների հետ

© Sputnik / Нелли Даниелян
Տնտեսություն
Ստանալ կարճ հղումը
9110

Փոխվարչապետ Վաչե Գաբրիելյանը հաստատում է`«Նաիրիտի» վերագործարկման շուրջ բանակցություններն ընթացքի մեջ են։ Սպասում են ներդրողների առաջարկներին։

ԵՐԵՎԱՆ, 9 օգոստոսի — Sputnik. ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը հանդիպել է «Նաիրիտի» նախկին տնօրեն Արմեն Իսրայելյանի և «Եվրոպա–Ասիա ֆինանսական բիզնես կենտրոն» հոլդինգի ներկայացուցիչների հետ։ Ի պատասխան Sputnik Արմենիայի հարցման` ՀՀ Միջազգային տնտեսական ինտեգրման և բարեփոխումների նախարարությունից հայտնեցին` նախարարությունը հաստատում է, որ հետաքրքրված է «Նաիրիտ» գործարանի շահագործմամբ։

«Կողմերը պայմանավորվել են, որ ՀՀ կառավարությունը կապահովի անհրաժեշտ տեղեկատվություն և հասանելիություն «Նաիրիտին», իսկ գործարարները կներկայացնեն հստակ հաշվարկված գործարար առաջարկ»,– հայտնեց ՀՀ փոխվարչապետ, միջազգային տնտեսական ինտեգրման և բարեփոխումների նախարարի օգնական Լուսինե Մնացականյանը։

Ինչ վերաբերում է բանակցություններին, նախարարի օգնականի խոսքով`դրանց հնարավոր ընթացքի մասին կարելի է խոսել միայն առաջարկի ներկայացումից հետո։

Հիշեցնենք`«Եվրոպա–Ասիա ֆինանսական բիզնես կենտրոն» հոլդինգն արդեն 2–րդ տարին է, ինչ «Նաիրիտի» վերաշահագործման հարցով դիմել է ՀՀ կառավարությանը։ Հոլդինգի ներկայացուցիչների հայտարարություններով`իրենք կառավարությանն առաջարկել էին 70-100 մլն դոլար ներդրում։

Բայց, հաշվի առնելով, այն հանգամանքը, որ սնանկ ճանաչվելուց հետո «Նաիրիտի» գույքն աճուրդի է հանվել, ներդրողներն այսօր կառավարությունից պահանջում են թույլ տալ նոր տեխնիկական աուդիտ իրականացնել` պարզելու համար, թե որքանով է այս պահին ձեռնտու գործարանի վերագործարկումը։

Հոլդինգը նաև չի թաքցնում, որ գործարանի վերագործարկման դիմաց կառավարությունից պահանջում է հարկային արտոնություններ և պատասխանատվություն չի կրելու գործարանի նախկին պարտքերի, այդ թվում` աշխատավարձերի համար։

Գլխավոր թեմաներ