00:20 19 հոկտեմբերի 2017
Ուղիղ եթեր
Էկո մեքենա

Էլեկտրական շարժիչով մեքենաների ներմուծողները պետք է ազատվեն հարկերից և տուրքերից

© Sputnik/ Asatur Yesayants
Տնտեսություն
Ստանալ կարճ հղումը
4910

Վարչապետ Կարեն Կարապետյանը կառավարության նիստը սկսեց հանձնարարականով՝ էլեկտրական շարժիչներով մեքենաների ներմուծումն ազատել հարկերից և տուրքերից:

ԵՐԵՎԱՆ, 12 հոկտեմբերի — Sputnik. Գործող կարգավորումների համաձայն՝ էլեկտրական շարժիչներով մեքենաների ներմուծման և ՀՀ տարածքում շահագործման ժամանակ կիրառվում է տարբեր հարկատեսակներ ու վճարներ: Այսօր կառավարության նիստի ժամանակ այս մասին հայտնեց ՀՀ վարչապետ Կարեն Կարապետյանը:

«Հաշվի առնելով նշյալ մեքենաների էկոլոգիապես մաքուր լինելը և ներմուծման ծավալների խթանի անհրաժեշտությունը՝ հանձնարարում եմ ուսումնասիրել էլեկտրական շարժիչներով մեքենաների ներմուծման ժամանակ գանձվող հարկերից և տուրքերից, ինչպես նաև գույքահարկից ազատելու վերաբերյալ գործող օրենսդրության փոփոխության հնարավորությունը, հաշվի առնել ԵԱՏՄ կարգավորումները»,-ասաց վարչապետը:

ՀՀ փոխվարչապետին, տնտեսական զարգացման և ներդրումների, ֆինանսների և բնապահպանության նախարարներին և պետական եկամուտների կոմիտեի նախագահին նա հանձնարարեց մեկամսյա ժամկետում համատեղ ուսումնասիրություններ անել ու ներկայացնել կառավարության աշխատակազմ:

Գլխավոր թեմաներ