13:50 24 հուլիսի 2019
Ուղիղ եթեր
  • USD476.13
  • GBP592.26
  • EUR532.17
  • RUB7.54
Մանե Թանդիլյան

Կենսաթոշակային արտոնություններ`բազմազավակ ընտանիքների համար. ներկայացնում է Թանդիլյանը

© Sputnik / Asatur Yesayants
Տնտեսություն
Ստանալ կարճ հղումը
15710

Այս պահին կենսաթոշակային համակարգի բարեփոխումները քննարկվում են, վերջնական որոշումներ դեռ չեն կայացվել։

ԵՐԵՎԱՆ, 22 օգոստոսի — Sputnik. Հայաստանում առաջարկում են բազմազավակ ընտանիքների անդամների համար իջեցնել կուտակային կենսաթոշակային վճարումների չափը։ Այս մասին այսօր կառավարությունում ասաց ՀՀ աշխատանքի և սոցիալական հարցերի նախարար Մանե Թանդիլյանը` ելույթ ունենալով պաշտոնավարման 100 օրվա կապակցությամբ։

Տվյալ պահին կենսաթոշակային համակարգի բարեփոխումները քննարկվում են, վերջնական որոշումներ դեռ չեն կայացվել։ Սակայն առաջարկված տարբերակներից մեկն այն է, որ կուտակային վճարումները իջեցնեն 5%–ից մինչև 1% այն մարդկանց, համար, ովքեր ընտանիքում երեք և ավելի երեխա ունեն։

«Այնուամենայնիվ, նրանց կենսաթոշակային հաշվին 10% է փոխանցվելու։ Պարզապես սովորաբար աշխատակիցը 2,5% է վճարում, 7,5%` պետությունը, շուտով այդ հարաբերակցությունը կվերադառնա նախկին 5%–անոց հարաբերակցությանը։ Իսկ բազմազավակ ընտանիքնների համար հարաբերակցությունը կկազմի 1%` 9%–ին։ Դա մեր առաջարկություններից մեկն է», – ավելացրեց Թանդիլյանը։

Բացի այդ, առաջարկվում է սահմանել որոշ դեպքեր, երբ կենսաթոշակային կուտակումները կարելի է ժամանակից շուտ ստանալ, օրինակ` ծանր հիվանդության դեպքում։

Հիշեցնենք` 2018 թվականի հուլիսի 1–ից կուտակային կենսաթոշակային վճարումները պետք է անեն ՀՀ բոլոր աշխատող քաղաքացիները, ընդ որում` պետության համաֆինասավորմամբ։ Սակայն արդյո՞ք կենսաթոշակային կուտակումները կլինեն պարտադիր, թե կամավոր կդառնան, այդ հարցը դեռ քննարկման փուլում է։ Աշխատանքի նախախար Մանե Թանդիլյանն այդ հարցով տարաձայնություններ ուներ ներկայիս իշխանության հետ, դրա համար նա հրաժարական տվեց։ Սակայն ՀՀ վարչապետ Նիկոլ Փաշինյանը չընդունեց նրա հրաժարականը։

Ըստ թեմայի

Կենսաթոշակային կուտակումները պիտի ծառայեն գործարաններին, այլ ոչ թե բանկերին. Մինասյան
Կենսաթոշակային բարեփոխում. պետությունն իր վրա չափազանց ծանր բեռ կվերցնի, եթե...
Մարգարյան. «Կենսաթոշակային կուտակային համակարգին անցումն այլընտրանք չունի»
ԿԲ բանկի նախկին նախագահը հորդորում է չհետաձգել կուտակային կենսաթոշակային համակարգը
Պարտադիր կենսաթոշակային համակարգը կհետաձգվի՞. հուլիսի 1-ը սարերի հետևում չէ
թեգերը:
Մանե Թանդիլյան, Հայաստան

Գլխավոր թեմաներ