23:35 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Արխիվային լուսանկար. Պրոդէքսպո 2018, Մոսկվա

Խաղաղ «դեսանտ». ո՞վ է հոգում Սիրիա մեկնող հայկական պատվիրակության ծախսերը

© Sputnik / Алексей Стефанов
Տնտեսություն
Ստանալ կարճ հղումը
333 0 0

Հայկական բիզնեսը Սիրիայում կներկայացնի կենսական անհրաժեշտության ապրանքներ. Sputnik Արմենիան հանդիպել է «Բիզնես Արմենիա» հիմնադրամի արտահանողների աջակցության կառավարիչ Անահիտ Մկրտչյանի հետ:

ԵՐԵՎԱՆ, 31 օգոստոսի — Sputnik, Արամ Գարեգինյան. Երկար դադարից հետո Հայաստանը նորից իր արտադրանքը կցուցադրի Սիրիայում: 34 ընկերություններ կներկայանան Damascus Expo միջազգային ցուցահանդեսին: Հայաստանի մասնակցությունը կազմակերպել է «Բիզնես Արմենիա» հիմնադրամը:

Ինչպես Sputnik Արմենիա-ի հետ զրույցում ասաց Business Armenia-ի արտահանողների աջակցության կառավարիչ Անահիտ Մկրտչյանը, Սիրիայում Հայաստանի դեսպանատան աջակցությամբ մեր երկիրը կստանա տաղավարի անվճար տարածք: Ցուցահանդեսը կկայանա հոկտեմբերի 6-15-ին` սիրիական մայրաքաղաքի խոշորագույն համալիրներից մեկում: Այնտեղ կհավաքվեն հյուրեր մի քանի տասնյակ երկրներից, ինչպես նաև՝ Սիրիայի գրեթե բոլոր խոշոր գնորդ-դիստրիբյուտորները: Ձախից հայկական տաղավարի հարևանը կլինի Հարավային Կորեան, աջից՝ Վենեսուելան:

«Դիստրիբյուտորներ կգան գրեթե բոլոր ոլորտներից, ինչը մեր արտադրողների համար, անշուշ, լավ հեռանկար է բացում», — ընդգծեց Մկրտչյանը:

Նշենք` հայկական 34 ընկերություններից 2-ը սիրիահայերի ձեռնարկություններ են: Ընդ որում՝ նրանք կներկայացնեն բավականին բարդ ու արժեքավոր արտադրանք: Արտադրողների շարքում է «Այ Պլաստը» (վիրակապեր և նման բժշկական պարագաներ), ինչպես նաև Շանթ Խայալյանը, որը բնական հումքով օճառ ու կոսմետիկա է արտադրում:

Հայկական տաղավարում կներկայացվի նաև երկու պարսկահայ գործարարների արտադրություն՝ կենցաղային քիմիայի և հովացման համակարգերի ոլորտում, ինչպես նաև տեղացի գործարարների ձեռնարկություններ:

Մասնավորապես, կներկայանա արևային պանել արտադրողներից մեկը, ինչպես նաև ջրային ֆիլտրերի համար  ցեոլիտ արտադրող մի ընկերություն:

«Քանի որ Սիրիան հիմա վերականգնման փուլում է, ապա, անկասկած, մեծ պահանջարկ ունի թե՛ ինքնավար էլեկտրական կայանների, թե՛ մաքուր ջրի, թե՛ շինանյութերի: Այստեղ մենք կներկայացնենք թեթև արտադրանք, որը տեղափոխման մեծ ծախս չի պահանջի», — ընդգծեց Մկրտչյանը:

Մասնավորապես, կցուցադրվեն բազալտե մանրաթելերից խողովակներ ու ամրաններ: Քարերով հարուստ մեր երկրում այս արտադրությունը նախատեսվել էր դեռ խորհրդային տարիներին, բայց սկսվել է միայն մի քանի տարի առաջ: Բազալտը հալեցվում է 1200-1300 ջերմաստիճանում, այնուհետև դրանից ձգվում են թելեր, թելերից էլ ստանում են շինարարական կոնստրուկցիաներ (խողովակներ, հենասյուներ և այլն), որոնք շատ թեթև են և կայուն՝ կոռոզիայի դեմ:

Ներկայացված կլինեն նաև գազի կոմպրեսորային կայանների, ավտոմեքենաների մարտկոցների, պլաստիկ խողովակների, ինչպես նաև` հանքային ջրի ու սննդի (այդ թվում` շոկոլադի) մի շարք արտադրողներ:

Ավելին` վերակենդանացող Սիրիայում արդեն ուզում են ոչ միայն գոյություն պահպանել, այլև ուրախանալ:

Երկրում արդեն պահանջարկ է ձևավորվում ոսկերչական իրերի և ժամացույցների նկատմամբ: Վերջապես ներկայացված կլինի հայկական տարազի արտադրող, որը  անցյալ տարի արդեն ցուցադրություն էր կազմակերպել Սիրիայում:

Դամասկոսում մեր գործարարները պատասխան կստանան մի քանի հարցերի: Մասնավորապես`  ինչպես մասնակցել Սիրիայի կառավարության պետական պատվերի մրցույթներին, ինչպես բանկային փոխանցումներ կատարել, որ դեպքերում է անհրաժեշտ ապրանքի սերտիֆիկատ ստանալ:

Այս անգամ մասնակցության բյուջեն բավական սուղ է: Ուստի ցուցահանդեսի  տաղավարում ներկա կլինի միայն մի հոգի: Սակայն, այստեղ հատկապես տեղին է հիշել ժողովրդական խոսքը` մի ունեցիր հարյուր դահեկան, ունեցիր երկու բարեկամ: Տաղավարի պատասխանատուն կլինի Հայաստանում ապրող սիրիահայ գործարարներից մեկը: Նա հանդիպել է բոլոր 34 ձեռնարկությունների ներկայացուցիչների հետ, մանրամասն ծանոթացել արտադրանքին և հանձն առել ներկայացնել ամբողջը, բանակցել և պայմանավորվել գնորդների հետ` օգտագործելով երկրի և արաբերենի կատարյալ իմացությունը: Այս ամենը` անհատույց:

Երկրորդ վաղեմի բարեկամն ու օգնականը դեսպան Արշակ Փոլադյանն է` Սիրիայում աշխատող ամենաճանաչված ու հարգված օտարերկրյա դիվանագետներից մեկը: Լինելով պատմական գիտությունների դոկտոր՝ արևելագետը մի շարք գրքեր է հրատարակել Հայաստանում ու Սիրիայում:

Անգամ 2014 թվականին` Սիրիայի համար ամենածանր ժամանակաշրջանում, նա Դամասկոսում հրատարակեց Հայոց ցեղասպանության ականատեսների հուշերն՝ արաբերեն:

Դեսպան Փոլադյանն ու դեսպանատունը գործուն աջակցությունն են բերել նաև Հայաստանի մասնակցությանը գալիք ցուցահանդեսին:

Ըստ թեմայի

«Ուզում եմ ամուսնանալ, բայց որ «մերոնքական» լինի». սիրիահայերի ցավացող հայրենիքները
Հայաստանը կշարունակի օգնել բարեկամ Սիրիային. ՊՆ
Հայաստանում սիրիացի փախստականներին օգնելու ծրագիր են մեկնարկել
Հայաստանը մոտ 100 տոննա մարդասիրական օգնություն է ուղարկել Սիրիա
Սիրիայի գրոհայինները կհանձնվեն կամ կոչնչացվեն. Դամասկոսի հաջողության բանաձևը
Առատաձեռն նվեր. ԵՄ–ն 3 միլիոն եվրո կտրամադրի Հայաստանի սիրիացի փախստականներին
թեգերը:
Սիրիա, Հայաստան

Գլխավոր թեմաներ