01:09 22 նոյեմբերի 2018
Ուղիղ եթեր
  • USD484.29
  • GBP618.87
  • EUR551.32
  • RUB7.35
ԱԷԿ

Հայաստանն արդեն պետք է պատրաստվի նոր ատոմակայանի կառուցմանը. փորձագետ

© Ованнес Ихтиарян
Տնտեսություն
Ստանալ կարճ հղումը
10510

Փորձագետը կարծում է, որ պետք է հնարավոր ներդրողների փնտրել, սակայն պետք չէ մոռանալ մասնագետների մասին։

ԵՐԵՎԱՆ, 14 սեպտեմբերի — Sputnik. Հայաստանն արդեն պետք է պատրաստվի նոր ատոմակայանի կառուցմանը։ Այս մասին այսօր լրագրողներին ասաց Հայաստանում ՄԱԿ-ի էներգետիկայի ազգային փորձագետ Արա Մարաջանյանը Sputnik Արմենիա մամուլի կենտրոնում կայացած ասուլիսի ժամանակ։

Հուլիսի վերջին «Էխո Մոսկվա» ռադիոկայանի հետ հարցազրույցում ՀՀ վարչապետ Նիկոլ Փաշինյանն ասել էր, որ Մեծամորի ԱԷԿ–ը կարող է գործել մինչև 2040 թվականը, իսկ մինչ այդ պետք է նոր կայանի կառուցման (հնարավոր է` Ռուսաստանի հետ) համար միջոցներ գտնել։

Նոր կայան կառուցելու համար պետք է տասնամյակներ առաջ նախագծել, այդ պատճառով հիմա արդեն պետք է այդ աշխատանքը սկսել։ Փորձագետն ընդգծեց, որ դա առաջին հերթին վերաբերում է կադրերին։

Միջպետական համաձայնագրով Հայաստանը միջուկային ֆիզիկոսների համար անվճար ուսման քվոտա է ստանում Մոսկվայի ֆիզիկական հետազոտությունների ինստիտուտում։ Սակայն, փորձագետի խոսքով, ոչ ոք չի օգտվում այդ քվոտայից, քանի որ բոլոր ուսանողներին բանակ են տանում։

«Համեմատության համար կարող եմ ասել, որ Ռուսաստանն այդպիսի քվոտաներ է տրամադրել նաև Թուրքիային։ Ու ռուսական բուհում հայտնվելու համար մրցույթն այնտեղ յոթ անգամ ավելի մեծ է, քան Թուրքիայի ամենահեղինակավոր բուհերում», – ավելացրեց Մարջանյանը։

Նա նշեց, որ հայկական ԱԷԿ–ում հիմա 1800 մարդ է աշխատում, սակայն միայն 450 ինժեներատեխնիկական աշխատակից կա, այսինքն` աշխատակազմի մոտ 25%–ը։ Ռուսաստանի կայաններում ինժեներատեխնիկական աշխատակիցները 30-32% են կազմում, իսկ Եվրոպայում ու ԱՄՆ–ում ավելի քան 40-45%։

Բնականաբար, պետք է մտածել ոչ միայն նոր ատոմակայանի կառուցման, այլև հինը փակելու համար։ Ու այստեղ պետք է կայանի կոնսերվացիայի համար դրամը համալրել։ Հիմնադրամում տվյալ պահին միայն մի քանի միլիոն դոլար կա։

«Իհարկե, կայանի գործելու ժամկետը երկարացնելու համար փաստարկներ կան։ ՄԱԳԱՏԷ–ի հսկիչ առաքելությունը միշտ դրական է գնահատում մեր կայանի անվտանգությունը։ Իսկ ՄԱԳԱՏԷ–ն աշխարհի միակ կազմակերպությունն է, որը լիազոր է այդպիսի եզրակացություններ անել։ Չի կարելի թույլ տալ, որ ՄԱԳԱՏԷ–ի հեղինակությունը «լղոզվի» ու դրա փոխարեն որոշիչ խոսք ասեն այլ կազմակերպություններ, օրինակ, «Եվրոատոմը», – ավելացրեց նա։

Հիշեցնենք` ատոմակայանն ապահովում է Հայաստանում էլեկտրաէներգիայի արտադրության 35-40%–ը։ 2017 թվականին կայանը մոտ 2,4 միլիարդ կիլովատ-ժամ էլեկտրաէներգիա է արտադրել` Հայաստանի էլեկտրաէներգիայի գրեթե 38%–ը։ Հիմա կայանը հիմնանորոգում է անցնում` շահագործման ժամկետը մինչև 2026 թվականը երկարացնելու համար։

Ըստ թեմայի

Հայաստանը հույս ունի, որ Ռուսաստանը կօգնի նոր ատոմակայանի կառուցման գործում
Հայաստանի ատոմակայանի «երկվորյակները» մինչև 60 տարի կաշխատեն
Հայկական ատոմակայանի գեներատորները կարող են 2027 թվականից հետո էլ հոսանք տալ
Ատոմակայանի ղեկավարությունը խնդրանքով դիմել է ցուցարարներին
«Քարե» ուկրաինացին` հայկական ատոմակայանի կառուցողը և Չեռնոբիլի վետերանը
Գիշերը կդադարեցվի ատոմակայանի 4-րդ տուրբոագրեգատի աշխատանքը
թեգերը:
Հայաստանի Ատոմային էլեկտրակայան (ԱԷԿ), Ռուսաստան, Հայաստան

Գլխավոր թեմաներ