09:03 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Սուպերմարկետ

Կբարձրացնե՞ն ապրանքներից գանձվող հարկերը. ֆինանսների նախարարության պատասխանը

CC0 / ccipeggy / Grocery store
Տնտեսություն
Ստանալ կարճ հղումը
11210

ՀՀ իշխանությունները դեռ քննարկում են Հարկային օրենսգրքում փոփոխություններ անելու նախագիծը` փորձելով օպտիմալ տարբերակ գտնել։

ԵՐԵՎԱՆ, 24 սեպտեմբերի — Sputnik. ՀՀ կառավարությունը ԱԱՀ–ի բարձրացման հարց դեռ չի քննարկում։ Այս մասին Sputnik Արմենիայի թղթակցին հայտնեց ՀՀ ֆինանսների նախարարության եկամուտների քաղաքականության և վարչարարության մեթոդաբանության վարչության պետ Օրի Ալավերդյանը` մեկնաբանելով Հարկային օրենսգրքում փոփոխություններ կատարելու քննարկումները։

Այժմ քննարկվում է ֆիզիկական անձանց համար եկամտային հարկը նվազեցնելու հնարավորությունը (ինչի մասին արդեն մի քանի անգամ հայտարարել է ՀՀ վարչապետ Նիկոլ Փաշինյանը)։ Սակայն, որպեսզի պետբյուջեն չտուժի, իշխանությունն ուզում է բարձրացնել մյուս հարկերը։

«Որքանով ինձ հայտնի է, ԱԱՀ–ի մասին դեռ խոսք չկա։ Հիմնականում քննարկվում են ակցիզային ապրանքները, ընդ որում` ոչ բոլորը, որոնց թանկացումն այդքան էլ նկատելի չի լինի։ Կամ նկատելի կլինի, բայց հիմնավորված», – պարզաբանեց Ալավերդյանը։

Չի որոշվել նաև եկամտային հարկը նվազեցնելու հարցը։ Գաղափարն առաջ է քաշել Էկոնոմիկայի նախարարությունը։ Գերատեսչության փաստարկների համաձայն` որքան գործատուն ավելի քիչ եկամտային հարկ վճարի աշխատակցի համար, այնքան նա ավելի շատ շահագրգռված կլինի նրա գրանցմամբ։ Այդ դեպքում հազարավոր աշխատողներ դուրս կգան «ստվերից», և այդպիսով, ավելի շատ հարկ կվճարվի։

Մնում է պարզել, թե այդ շղթան որքանով արդյունավետ կաշխատի գործնականում։

«Ավելի վաղ հայտարարել էինք, որ ավելի քիչ հարկ կգանձենք կապիտալից և ավելի շատ` սպառումից։ Այսինքն` ավելի քիչ հարկ ներդրումներից, կապիտալից, աշխատավարձներից և մի փոքր ավելի` ապրանքներից։ Դեռ խոսքը ակցիզային ապրանքների մասին է։ Բարեփոխումները` իրենց ամբողջ կարևորությամբ, չպետք է ազդեն բյուջեի վրա», – ավելացրեց Ալավերդյանը։

Կթանկանա արդյո՞ք ապրանքը սուպերմարկետներում, դեռ հայտնի չէ։ Փորձագիտական մակարդակում քննարկվում է դրան համար հարկային ռեժիմը պարզեցնել հնարավորությունը։ Շահութահարկի և ԱԱՀ–ի փոխարեն, առաջարկվում է նրանցից շրջանառության հարկ գանձել։ Այդկերպ սուպերմարկետները կազատվեն մրգի ու բանջարեղենի համար ԱԱՀ դուրս գրելու խնդրից (խնդիր, ինչի պատճառով մայիս–հունիսին հարկային ծառայությունը նրանց «թափ տվեց»)։

Որքա՞ն պետք է լինի հարկային տոկոսադրույքը, որպեսզի բյուջեն չտուժի։ Այս և նման հարցեր են շարունակվում քննարկվել Ֆինանսների նախարարությունում։

Հիշեցնենք, որ Հայաստանում եկամտային հարկն իջեցնելուց հետո ուզում են բարձրացնել նաև կուտակայինի վճարումները։ Հուլիսի 1-ից կուտակային կենսաթոշակների համար աշխատավարձից 5%–ի փոխարեն 2,5% է գանձվում, բայց ժամանակավորապես։ Սակայն եկամտային հարկը նվազեցնելուց հետո, կուտակայինը կրկին ուզում են բարձրացնել։

Ըստ թեմայի

Հայաստանում կներեն ֆիզիկական անձանց հարկերի ու վարկերի տույժ ու տուգանքները
Փաշինյանը ստվերն է կրճատում, «Ալեքս»–ն ու ՀԷՑ–ը` հարկերը. պարադո՞քս է
ՊԵԿ–ը սկսում է հատ–հատ հաշվել սուպերմարկետների չվճարած հարկերը
Հայաստանի հանքերը նորմալ չեն վճարել հարկերը, բացի մեկից. ՊԵԿ պետի տեղակալ
Սուպերմարկետները պարտավոր են վճարել մրգերի ու բանջարեղենի բոլոր հարկերը. Անանյան
Հրեշ–հարկերը. ՏՏ ոլորտի մասնագետներին հարվածելը կարող է թանկ նստել Հայաստանի վրա
թեգերը:
Հայաստան

Գլխավոր թեմաներ