19:32 20 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Հայ–իրանական սահման

Հայաստանը և Իրանը վերածնում են Արաքս գետի վրա խոշոր ՀԷԿ–ի գաղափարը

© Sputnik / Aram Nersesyan
Տնտեսություն
Ստանալ կարճ հղումը
32030

Չնայած պատժամիջոցներին` իրանցիները որոշել են վերադառնալ Հայաստանի հետ խոշոր նախագծի քննարկմանը։

ԵՐԵՎԱՆ, 24 սեպտեմբերի — Sputnik. Հայաստանի և Իրանի էներգետիկ գերատեսչությունները ստեղծել են աշխատանքային խումբ Արաքս գետի վրա ՀԷԿ–ի նախագծի հարցով։ Այդ մասին Sputnik Արմենիայի թղթակցին ասաց էներգետիկ ենթակառուցվածքների և բնական պաշարների փոխնախարար Գարեգին Բաղրամյանը։ 

Դեռ 2006թ.–ից Հայաստանը և Իրանը սկսել են Արաքս գետի վրա երկու ՀԷԿ–ի շինարարությունը։ Շինարարության մասին հուշագիրը ստորագրվել է 2011թ.–ին։ Սակայն շինարարության ծրագրերը ձախողվել են 2012թ.–ին, երբ Եվրամիությունը էմբարգո է սահմանել իրանական նավթի վրա։ Դրանից հետո նախագիծը սառեցվել է, քանի որ Հայաստանն Իրանից ներդրումների է սպասել։

Ըստ նախնական գաղափարի` Մեղրիի ՀԷԿ հզորությունը պետք է կազմեր 130 մեգավատ և արտադրեր տարեկան մոտ 800 կիլովատ/ժամ (դա 10 տոկոսով ավելի է 2017թ–ին Հայաստանում արտադրված ամբողջ էլեկտրականությունից)։

Անցած տարիներին շատ բան է փոխվել երկու երկրների տնտեսությունում։ Ուստի պետք է նորից հաշվել, թե այդ կայանից որքան էլեկտրականություն է պետք Հայաստանին և Իրանին, և որքան այն կարժենա։ Վերջապես, պետք է պարզել, թե ցանկանում է արդյո՞ք մասնավոր բիզնեսը ներդրում անել նախագծի մեջ և ինչ հզորությունների համար է պատրաստ վճարել։

«Քննարկելով այդ հարցերը` աշխատանքային խումբը կորոշի կայանի հզորությունը, ինչպես նաև հիմք կնախապատրաստի տեխնիկական առաջադրանքների և նախագծի համար», – հայտարարեց Բաղրամյանը։

Նշենք, որ Հայաստանն Իրան է արտահանում իր էլեկտրաէներգիայի մոտ 15 տոկոսը։

Ըստ թեմայի

Իրանը բանակցում է էլեկտրաէներգիան Հայաստանի միջով Ռուսաստան արտահանելու ուղղությամբ
Իրանը մեղադրել է ԱՄՆ–ին պատժամիջոցների նկատմամբ հակում ունենալու համար
Երբ հարևանը պատժամիջոցների տակ է. Հայաստաննն ու Իրանը խոսելու բան ունեն
Իրականում, ԱՄՆ-ն սխալվել է. Իրանը «իզգոյ» չէ ու շատ կողմնակիցներ ունի
Վերջ պատրանքներին. Իրանը կրկին կզբաղվի ուրանով
թեգերը:
Հայաստանի Ատոմային էլեկտրակայան (ԱԷԿ), Իրանի Իսլամական Հանրապետություն, Հայաստան

Գլխավոր թեմաներ