20:37 16 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Պատրիկ Դևեջյան. Օ' դը Սեն դեպարտամենտի ղեկավար

Դա շատ կարևոր է. ֆրանսիացի գործիչը կշարունակի աջակցել Տավուշի սահմանամերձ գյուղերին

© Sputnik / Asatur Yesayants
Տնտեսություն
Ստանալ կարճ հղումը
«Ապրել միասին». Ֆրանկոֆոնիան Հայաստանում (77)
18410

Այս տարիներին Տավուշում սկսել են արտադրել պանիր, որն արդեն արտահանում են Ռուսաստան:

ԵՐԵՎԱՆ, 11 հոկտեմբերի – Sputnik, Արամ Գարեգինյան. Օ' դը Սեն ֆրանսիական նահանգը կշարունակի աջակցել սահմանամերձ Տավուշի մարզի զարգացմանը:

Այդ մասին Sputnik Արմենիայի թղթակցին ասաց Օ' դը Սեն դեպարտամենտի ղեկավար Պատրիկ Դևեջյանը Երևանում Ֆրանկոֆոնիայի գործարար համաժողովի ընթացքում:

Օ' դը Սեն շրջանը միավորում է Փարիզից արևմուտք ընկած մի քանի բնակավայրեր: Դրա մեջ մտնում են Սեն Կլու և Բուլոն քաղաքները, որոնք հայտնի են իրենց ամրոցներով և պալատներով (այդ թվում՝ Բուլոնի թագավորական ամրոցով, որը հիմա չկա), Իսսի լե Մուլինեն, որտեղ գտնվում են մի քանի խոշոր կորպորացիաների գրասենյակները (այդ թվում՝ Coca Cola և Microsoft), ինչպես նաև մի քանի այլ քաղաքներ և գյուղեր:

Օ' դը Սենի ղեկավարությունն արդեն ավելի քան  տարի օգնում է «Հայաստան» հիմնադրամին տարեկան 500 հազար եվրո հավաքել Տավուշի մարզին օգնելու համար  (HimnaTavoush հիմնադրամի շրջանակում): Այդ միջոցներով այստեղ զբաղվում են անասնապահությամբ, կառուցում են նոր ֆերմաներ և պանրագործարաններ:

Այստեղ պատրաստված պանիրն արդեն վաճառում են Ռուսաստանում:

«Մենք շատ կարևոր ենք համարում գյուղացիներին աջակցելը: Այդ գյուղերի բնակիչները հնարավորություն ունեն գումար վաստակել, պահել ընտանիքները՝ մնալով հայրենիքում: Ուստի մենք կշարունակենք այդ աշխատանքը», — ասաց Դևեջյանը:

Նրա խոսքով՝ նա կշարունակի աշխատել Օ' դը Սենի գործարարների հետ, որպեսզի նրանց ցույց տա Հայաստանի ներդրումային հնարավորությունները:

Պատրիկ Դևեջյանը մի քանի տարի կարևոր պաշտոններ է զբաղեցրել Ֆրանսիայի կառավարությունում: 2004-2005թթ-ին եղել է արդյունաբերության նախարարը, 2008-2010թթ-ին՝ տնտեսության վերականգնման նախարար:

Միաժամանակ Դևեջյանը արևմտահայերենի և դասական հայկական ուղղագրության գիտակ է. փոքր տարիքում նա այցելել է Սևր քաղաքի Սուրբ Մխիթարի միաբանության քոլեջ:

թեմա:
«Ապրել միասին». Ֆրանկոֆոնիան Հայաստանում (77)

Ըստ թեմայի

Մակրոնը Ազնավուրից մեջբերումներ է արել Պատվավոր հյուրերի հուշամատյանում
Ջասթին Թրյուդո. Աշխարհի ամենաարագ զարգացող տասը երկրներից 5-ը ֆրանկոֆոն են
Փաշինյան. Արցախը պետք է որոշիչ ձայն ունենա խաղաղ բանակցային գործընթացում
Հայաստանը հասել է ԵԽԽՎ-ում բարենպաստ բանաձևի ընդունմանը․ Արփինե Հովհաննիսյան
Փաշինյանը Ֆրանկոֆոնիայի գագաթնաժողովում. Արցախում մենք պաշտպանում ենք մարդկանց կյանքը
Փաշինյանն ու Մակրոնը «Աշխարհահռչակ հայեր. Շառլ Ազնավուր» թեմայով նամականիշ են մարել
թեգերը:
Հայաստան

Գլխավոր թեմաներ