10:39 19 դեկտեմբերի 2018
Ուղիղ եթեր
  • USD484.72
  • GBP613.27
  • EUR551.42
  • RUB7.27
Պոկեր

Ֆինանսների նախարարությունը կստիպի խաղատներին ու տոտալիզատորներին ավելի մեծ հարկեր վճարել

CC0 / petja24 / Poker
Տնտեսություն
Ստանալ կարճ հղումը
84 0 0

ՀՀ ֆինանսների նախարարի պաշտոնակատարը վստահ է, որ խաղատների ու տոտալիզատորների համար եկամտահարկը պետք է ուղղակի կախված լինի շահույթից։

ԵՐԵՎԱՆ, 4 դեկտեմբերի — Sputnik. Հայաստանի խաղատներն ու տոտալիզատորներն ավելի մեծ եկամտահարկ կվճարեն։ Այս մասին այսօր լրագրողներին ասաց ՀՀ ֆինանսների նախարարի պաշտոնակատար Արման Պողոսյանը` ներկայացնելով Հարկային օրենսգրքի բարեփոխումների փաթեթը։

Հիմա նրանք ֆինանսական տուրքեր են վճարում։ Կառավարության սահմանած թիրախային քաղաքներում տուրքն ավելի փոքր է լինելու (Ծաղկաձորում` տարեկան 150 միլիոն դրամ, Սևանում` 120, Ջերմուկում` 8, Մեղրիում` 30)։ Մնացած տեղանքներում տուրքը կազմում է 4,5 միլիարդ։ Այսքան են վճարում, օրինակ, Երևանի մոտակայքի ամենախոշոր կամ Սևանի և Էջմիածնի մայրուղու խաղատները։

«Սակայն ավելի ճիշտ է, որ հարկը կախված լինի եկամտից։ Որքան ավելի շատ գումար հավաքեն, այնքան ավելի շատ հարկ կվճարեն։ Նախկինում մեզ համար ավելի դժվար էր հետևել խաղատների շրջանառությանը, սակայն հիմա նման հնարավորություն կա։ Այդ պատճառով ֆիքսելու ենք շրջանառությունը ու դրանցից հարկ ենք հաշվառելու», – պարզաբանեց Պողոսյանը։

Ճիշտ է` խաղային սարքերից ԱԱՀ չի հարկվելու։ Բայց արդա՞ր է արդյոք, որ առաջին անհրաժեշտության ապրանք գնելիս (պանիր կամ կարագ) մենք ՀՆԱ ենք վճարում, իսկ խաղատներում խաղացողները` ոչ։

Պողոսյանը պարզաբանեց, որ հարցը հարկի անվանումը չէ։

«Հավելյալ արժեքը ստեղծվում է ապրանքի կամ ծառայության համար։ Սակայն դժվար է հասկանալ` ինչպես է ձևավորվում խաղադրույքների արժեքը։ Այդ պատճառով չէինք մտածում դրանցից ՀՆԱ գանձելու մասին։ Խաղատների հարկերն ավելացնելու համար, քննարկել ենք դրանց եկամտահարկը բարձրացնելու հարցը», – հայտնեց նախարարի պաշտոնակատարը։

Առայժմ խաղատան համար առաջարկում են սահմանել նվազագույն չափ` սովորական 20% եկամտահարկը։

Ըստ թեմայի

Վճարիր հարկերը և հանգիստ երգիր. հարկայինը սպառնացել է էստրադայի աստղերին
Կբարձրացնե՞ն ապրանքներից գանձվող հարկերը. ֆինանսների նախարարության պատասխանը
Որքա՞ն աշխատավարձ կստանանք հիմա և երեք տարի անց. պարզաբանում է ֆինանսների փոխնախարարը
թեգերը:
Հայաստան

Գլխավոր թեմաներ