01:40 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Աջ ղեկով ավտոմեքենա

Աջ ղեկով մեքենա ներկրողները շարունակում են պայքարը. ամբողջ հույսը Փաշինյա՞նն է

© Sputnik / Aram Nersesyan
Տնտեսություն
Ստանալ կարճ հղումը
88 0 0

Աջ ղեկով ավտոմեքենաներ ներկրողները համոզված են, որ եթե Հայաստանի տրանսպորտի նախարարությունը չլուծի հարցն իրենց օգտին, գործով կսկսի զբաղվել Նիկոլ Փաշինյանը։

ԵՐԵՎԱՆ, 20 դեկտեմբերի — Sputnik. Տրանսպորտի, կապի և ՏՏ նախարարության` աջ ղեկով մեքենաների հարցով կայացրած որոշումը ներկրողներին չի բավարարում։ Նրանք մտադիր են հասնել այն բանին, որ նախարարությունը վերանայի որոշումները՝ արդեն իրենց պայմաններով։ Այս մասին Sputnik Արմենիային տված հարցազրույցում ասաց «Ավտո Գարանտ» ընկերության տնօրեն Սարգիս Սարգսյանը։

2018 թվականի դեկտեմբերի 20-ից մինչև 2019 թվականի մարտի 1-ը աջ ղեկով մեքենաների սեփականատերերը կարող են անխոչընդոտ ներմուծել իրենց տրանսպորտային միջոցները ՀՀ տարածք։ Սակայն շահագործել ավտոմեքենաները թույլատրվում է միայն ղեկի վերակարգավորելուց հետո։ Դրա համար 6 ամիս է հատկացված։

Սակայն «Ղեկը աջ» նախաձեռնության ներկայացուցիչները կտրականապես դեմ են ՀՀ կառավարության դեկտեմբերի 6-ին ընդունված այդ որոշմանը։

Սարգսյանը նշեց, որ իրենց գլխավոր պահանջն այն է, որ իշխանությունները թույլ տան շուրջ 800 ավտոմեքենայի շահագործումը, առանց ղեկը փոխելու։

«Օրերս մեր նախաձեռնության անդամները հանդիպում են ունեցել ՏԿՏՏ նախարարության ղեկավարության հետ։ Մենք նրանց փոխանցել ենք VIN կոդերը, ապացուցելու համար, որ այլ ակնկալիքներ չունենք», – ասաց Սարգսյանը։

Ընդ որում` նախարարությունում հանդիպման ժամանակ հույս են հայտնել, որ հարցը կլուծվի ի օգուտ ներկրողների։ Հակառակ դեպքում գործարարները մտադիր են դիմել ՀՀ վարչապետի պաշտոնակատար Նիկոլ Փաշինյանին։

«Եթե տրանսպորտի նախարարությունը չլուծի, կլուծի Փաշինյանը», – համոզված է Սարգսյանը։

Հիշեցնենք, որ տրանսպորտի նախարարությունում այս խնդրի վերաբերյալ հանդիպումները պարբերաբար անցկացվում են արդեն մի քանի ամիս։

Հայաստանում աջ ղեկով ավտոմեքենաների ներկրման արգելքն ուժի մեջ է մտել ապրիլի 1-ից։ Ներկրողները պահանջում են չեղարկել արգելքը, քանի որ իրենք մեծ վնասներ են կրում։

Ավելի քան 2500 ավտոմեքենա ներկա պահին Վրաստանի տարբեր քաղաքներում են, մոտ 200 մեքենա` հայ-վրացական սահմանի չեզոք գոտում։ Ավտոմեքենաները չեն կարողանում Հայաստան բերել արգելքի պատճառով։

Նշենք, որ աջ ղեկով մեքենաներ Հայաստան հիմնականում Ճապոնիայից են ներկրում։

Ըստ թեմայի

Հայաստան բերվող «դանդաղ գործարկման ռումբերը». աջ ղեկով մեքենաներ ներկրողները սպառնում են
Նախարարն «աջ ղեկով» ավտոմեքենա չի գնել և մյուսներին էլ խորհուրդ չի տա գնել
Աջակողմյան ղեկի վտանգը. Փաշինյանի կառավարությունը բացատրում է` ինչն ինչոց է
Աջ ղեկ, Հյուսիս-հարավ, երկաթուղի. տրանսպորտի նախարարը` ոլորտի առաջնահերթ խնդիրների մասին
թեգերը:
Հայաստան, Նիկոլ Փաշինյան

Գլխավոր թեմաներ