11:38 19 հունվարի 2019
Ուղիղ եթեր
  • USD485.42
  • GBP628.13
  • EUR553.38
  • RUB7.31
«Էներգապահպանություն» ընկերության արտադրանքից

Տարեցների ՇՈՈւ-ն. ի՞նչ գին ունի ԽՍՀՄ-ում կոփված հայ կենսաթոշակառուների աշխատանքը

© Sputnik / Aram Nersesyan ,
Տնտեսություն
Ստանալ կարճ հղումը
69810

Խորհրդային դպրոցի հայ փորձառու ինժեներները հաջողությամբ թողարկում են էներգետիկ համակարգերի պաշտպանական միջոցներ։

ԵՐԵՎԱՆ, 10 հունվարի — Sputnik, Արամ Գարեգինյան. Հայկական այս ապրանքն այնքան հայտնի է, որ այն կեղծում են արտասահմանում. անվանումն էլ ՇՈՈւ է։

Изолирующая штанга для электросетей компании Энергозащита
© Sputnik / Aram Nersesyan ,
Մեկուսիչ ձող. «Էներգապահպանություն» ընկերության արտադրանքից

Չէ, ժամանցային ոչ մի բան այստեղ չկա։ Ամեն ինչ ավելի պրոզայիկ է. դա մեկուսացնող մետաղաձող է (շտանգա)՝ օպերատիվ-ունիվերսալ. այստեղից էլ` հապավումը։ Դրա օգնությամբ էլեկտրիկներն ու մոնտաժողներն աշխատանքներ են կատարում բարձր լարման էլեկտրացանցերում. ստուգում են լարումը, փոխում լարերի միացումները, մաքրում դրանք փոշուց։ Էլցանցերում աշխատանքի պաշտպանության համար այդ և այլ միջոցներ պատրաստվում են Հայաստանում։ Հիմնական գնորդը Ռուսաստանի տարածաշրջանների էլեկտրական ցանցն է (МРСК)։ Որոշակի խմբաքանակներ գնում են Ուզբեկստանը, Ղազախստանը, Մոլդովան:

Заготовка для средств защиты энергосистем компании Энергозащита
© Sputnik / Aram Nersesyan ,
«Էներգապահպանություն» ընկերության արտադրանքից

Այս ամենը չէր լինի, եթե Արտյուշա Ավետիսյանը ԽՍՀՄ անկումից հետո խաչ քաշեր անցյալի վրա։ Բայց հարցրեք ցանկացած աշխատողի, թե ինչպես է կազմված էլեկտրական սխեման կամ ինչպես սրել մետաղական շտուցերը, հետո նայեք դեմքին, երբ նա կսկսի բացատրել ձեզ։ Կտեսնեք, որ տարեցների հիշողությունը դիպուկ է և լուսավոր։ Ահա և Ավետիսյանի ձեռքերը նման են հայտնի Վլադիմիր Գորովիցին (դիտեք ինքներդ)։ 

Генеральный директор ООО Энергозащита Артюша Аветисян
© Sputnik / Aram Nersesyan ,
Արտյուշա Ավետիսյան. «Էներգապահպանություն» ՍՊԸ գլխավոր տնօրեն

ԽՍՀՄ տարիներին Ավետիսյանը եղել է «Էլեկտրոպրիբոր» արտադրական միավորման գլխավոր ինժեները։ Երբ Միությունը սկսեց քանդվել, գործարանն ամայացավ. նա էլ հավաքեց տանը նստած «վիրտուոզներին» և ստեղծեց իր փոքր «նվագախումբը»։ Ավետիսյանը ամենևին էլ երիտասարդ չէ։ Արտադրության պետը 67 տարեկան է։

«Մի զարմացեք։ Մենք 70 տարեկան վարպետներ ունենք, մեկն էլ նույնիսկ 80 տարեկան է։ Եթե, Աստված չանի, ինչ-որ բան պատահի նրա հետ, փոխարինող չենք գտնի։ Հայաստանում խառատ գրեթե չի մնացել։

Рабочее помещение компании Энергозащита
© Sputnik / Aram Nersesyan ,
«Էներգապահպանություն» ընկերության արտադրամասը

Փոխարենը հայրերը բերում են իրենց որդիներին, արդեն նման դեպքեր եղել են։ Այնպես որ՝ աշխատում ենք։ Վճարում ենք մոտավորապես միջին աշխատավարձի չափ։ Մինչև 2008թ-ի ճգնաժամը մեզ մոտ աշխատում էր ավելի քան 50 մարդ։ Հիմա ավելի քիչ։ Պահ է եղել, երբ մենք վնասով ենք աշխատել, երբ ռուբլին անկայուն էր դարձել։ Բայց ամեն դեպքում չենք փակվում։ Իսկ անցած տարի, օրինակ, արտադրական աճ ենք ունեցել»,  - պատմեց Ավետիսյանը։

Средства защиты для энергосистем компании Энергозащита
© Sputnik / Aram Nersesyan ,
«Էներգապահպանություն» ընկերության արտադրանքից

Մեկ այլ բարդություն էլ կեղծ արտադրանքն է։ Պարզվում է, որ հայկական ապրանքներից միայն կոնյակը չէ, որ կեղծում են։

«Երբեմն ինձ զանգահարում են Ռուսաստանից, բողոքում ապրանքից։ Հետո պարզվում է՝ կեղծիք է։ Ընդ որում, սովորել են կեղծել ոչ միայն անվանումը, այլ նաև արտադրանքի տեխնիկական անձնագրերը։ Բայց ես, իհարկե, կգտնեմ միջոց ապացուցելու, թե որն է իմը, որը՝ կեղծիք։ Ուղղակի դժվար է դատարաններում լուծել այդ հարցը։ Բայց պետք էլ չէ։ Իրենք իրենց վարկաբեկում են։ Մի անգամ կբռնվեն, երկրորդ անգամ, և վերջ», - կարծում է Ավետիսյանը։

Мастерская компании Энергозащита
© Sputnik / Aram Nersesyan ,
«Էներգապահպանություն» ընկերության արտադրամասը

ԵԱՏՄ-ում կան բազմաթիվ լավ արտադրողներ թե՛ Ռուսաստանում, թե՛ Բելառուսում։ Նրանց հետ մրցակցությունը հիմնված է ոչ թե վախի, այլ խղճի վրա։ Գործը դժվարացնում է միայն այն, որ Հայաստանում բարձր են տրանսպորտային ծախսերը։

«Եվրասիական միությունը մեզ մի քիչ օգնել է։ Պակասել են հարկային ընթացակարգերը։ Իսկ եթե ինքնաթիռով ենք ուղարկում, գործն ավելի է հեշտանում, որովհետև Վրաստանով անցնելու տարանցիկ ապրանքագրի կարիք չի լինում», - ասում է նա։

Պարզվում է նաև, որ տարեց վարպետներն ունեն երիտասարդ «նվագակցողներ»։ Հայ արտադրողները մետաղաձողերի համար մալուխ և պլաստիկե խողովակներ, լարման ցուցիչներ և այլ դետալներ են առաքում։ «Նվագակցողների» մոտ նույնպես խնդիրների ու բարդությունների պակաս չի լինում, բայց նրանք էլ, ինչպես իրենց ավագ գործընկերները, թևաթափ չեն լինում:

 

Ըստ թեմայի

Նա հրաժարվում է հարստանալ․ ինժեներ Հովհաննիսյանն ու նրա գործարանը Ստեփանավանում
«Գործով եմ եկել ձեզ մոտ». հայ տղան կովերի համար «ֆիթնես–թրեքեր» է հորինել
Ի՞նչ ճակատագիր է սպասվում հայկական գինուն և կոնյակին 2019թ.–ին. մեկնաբանում է փորձագետը
Ինչպես են հաշմանդամություն ունեցող երեխաները «էլիտար անշարժ գույք» կառուցել Երևանում
Հնագույն Տաթևն ու գենետիկան. ինչպես է պրոֆեսոր Զաքյանը «հրաշք–բջիջներ» աճեցնում
Հայաստանը վերածնում է Բաղդասարովի շափյուղաների տեխնոլոգիան
թեգերը:
Հայաստան

Գլխավոր թեմաներ