09:14 18 փետրվարի 2019
Ուղիղ եթեր
  • USD487.51
  • GBP624.60
  • EUR550.11
  • RUB7.32
Նիկոլ Փաշինյան

Փաշինյանը գիտի` ինչպես է իշխանությունը տնտեսությունը զարգացնելու առաջիկա 5 տարում

© Sputnik / Asatur Yesayants
Տնտեսություն
Ստանալ կարճ հղումը
ՀՀ վարչապետ Նիկոլ Փաշինյան (612)
90 0 0

ՀՀ վարչապետը կարծում է, որ երկրի տնտեսության լոկոմոտիվը դառնան տեխնոլոգիաներն ու տեխնոլոգիական նորարարությունները։

ԵՐԵՎԱՆ, 12 փետրվարի – Sputnik. Առաջիկա 5 տարիներին կառավարության գործունեությունը միտված է լինելու ՀՀ-ում բարձր տեխնոլոգիական, արդյունաբերական, ինչպես նաև բնապահպանական բարձր չափանիշներին համապատասխանող, արտահանմանը միտված, մրցունակ ու ներառական տնտեսություն կառուցելուն: Այսօր խորհրդարանում կառավարության ծրագիրը ներկայացնելիս ասաց ՀՀ վարչապետ Նիկոլ Փաշինյանը` մեջբերելով ծրագրի առաջին պարբերությունը:

«Սա նշանակում է, որ մեր խնդիրն է ՀՆԱ-ի կառուցվածքը փոխել այնպես,որ 5 տարի հետո մեր երկրի տնտեսության լոկոմոտիվը դառնան տեխնոլոգիաներն ու տեխնոլոգիական նորարարությունները»,-ասաց Փաշինյանը:

Տեխնոլոգիական զարգացումը, վարչապետի խոսքով, պետք է ներառի տնտեսության բոլոր ոլորտները:

«Օրինակ` գյուղատնտեսության մեջ զբաղված մեր հայրենակիցները պետք է կարողանան ավելի քիչ ֆիզիկական աշխատանք կատարեն և ավելի շատ մտավոր աշխատանք, որ միավոր գյուղատնտեսական արտադրանք ստանալու համար ավելի քիչ ուժ կիրառվի և ավելի շատ մտավոր աշխատանքի արգասիք, այսինքն` տեխնոլոգիա»,- ասաց Փաշինյանը:

Սակայն, ըստ նրա, դա չի նշանակում քամահրանք բնապահպանական խնդիրների նկատմամբ:

«Մեր տնտեսության բոլոր ճյուղերը պետք է համապատասխանեն բնապահպանական կանոններին»,- ասաց նա:

Արտահանման ցուցանիշների աճի մասին խոսելիս` Փաշինյանն ընդգծեց, որ այն առաջին հերթին ուղղված է լինելու մենաշնորհների դեմ պայքարի ու մրցունակ տնտեսություն ունենալու գաղափարի իրագործմանը:

«Ներքին շուկայի համար խելահեղ պայքարը վկայում է մեր երկրի շուկայի փոքր լինելու մասին: Մեր հայացքները պետք է ուղղված լինեն արտաքին շուկաներին»,- ասաց Փաշինյանը` հիշեցնելով, որ Հայաստանն արտահանման լայն հնարավորություններ ունի, քանի որ անդամակցում է ԵԱՏՄ-ին, որի անդամ երկրներից շատերը պայմանագրեր ունեն մի շարք այլ երկրների հետ:

Բացի այդ, Հայաստանն ազատ առևտրի պայմանագիր ունի նաև Իրանի հետ, օգտվում է արևմտյան արտոնյալ GSP և GSP+ համակարգերից: «Այնպես որ արտահանման չօգտագործված հնարավորությունը հսկայական է»,- ասաց Փաշինյանը:

Հայաստանի կառավարության խնդիրների թվում է նաև մեր երկիրը հանքանյութ արտահանող երկրից պատրաստի արտադրանք արտահանող երկրի վերածվելը:

«Մեր երկրի տնտեսական աճն ու աճի մոդելը մեծ կախվածության մեջ է փոքր թվով խոշոր ընկերություններից, և ինչպես նախկինում ասել եմ, Հայաստանում կան ընկերություններ, որոնց ղեկավարության տվյալ օրվա տրամադրություններն ու քմահաճույքները կարող են էական ազդեցություն ունենալ մեր երկրի տնտեսության ընդհանուր վիճակի վրա և նույնիսկ ցնցումներ առաջադրել»,- ասաց Փաշինյանը` հավելելով, որ Հայաստանի կառավարությունը ձգտում է ստեղծել այնպիսի տնտեսություն, որի ՀՆԱ-ի վրա մեկ առանձին ընկերության ազդեցությունը էական չի լինի:

Հիշեցնենք` վարչապետ Փաշինյանն այսօր ԱԺ-ում ներկայացնում է ՀՀ կառավարության առաջիկա 5 տարվա գործունեության ծրագիրը: Ծրագիրը կառավարությունը հաստատել էր փետրվարի 8-ի նիստում և ուղարկել խորհրդարանի հաստատման:

թեմա:
ՀՀ վարչապետ Նիկոլ Փաշինյան (612)

Ըստ թեմայի

Նիկոլ Փաշինյանը կոչով դիմել է մասնավոր ընկերություններին
Նիկոլ Փաշինյանը խոսել է հիփոթեքային վարկերի մասին
Փաշինյանն աշխատանքային նախաճաշ է ունեցել ՏՏ ոլորտի ներկայացուցիչների հետ
«Տղամարդու պես մի անգամ կանգնեք, տեսնեմ կծալե՞ն...». Փաշինյանը կարդում է «Ծառերը»
թեգերը:
Նիկոլ Փաշինյան, Հայաստան

Գլխավոր թեմաներ