20:54 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Բողոքի ակցիա

Գազավորված ըմպելիք արտադրողների բողոքն արդյունք տվեց. դրանք ակցիզային հարկով չեն հարկվի

© Sputnik / Aram Nersesyan ,
Տնտեսություն
Ստանալ կարճ հղումը
132 0 0

Տնտեսավարող սուբյեկտների կողմից ներկայացվել էին որոշ մտահոգություններ և անհամաձայնություններ, որոնք մանրամասն և բազմակողմանիորեն քննարկվել են կառավարությունում։

ԵՐԵՎԱՆ, 28 Մարտ — Sputnik. Հարկային օրենսգրքի բարեփոխումների նախագծից հանվել է գազավորված ըմպելիքների հարկման դրույթը: Այս մասին ՀՀ ֆինանսների նախարարությունից տեղեկացրեցին Sputnik Արմենիային։

Ֆիննախից տեղեկացնում են նաև, որ գազավորված ըմպելիքներն ակցիզային հարկով հարկելու օրենսդրական նախաձեռնության վերաբերյալ տնտեսավարող սուբյեկտների կողմից ներկայացվել էին որոշ մտահոգություններ և անհամաձայնություններ, որոնք մանրամասն և բազմակողմանիորեն քննարկվել են կառավարությունում:

«Քննարկումների արդյունքում որոշում է կայացվել ներկա փուլում ձեռնպահ մնալ գազավորված ըմպելիքներն ակցիզային հարկով հարկելու առաջարկության հետագա քննարկումից և այն հանել հարկային օրենսգրքում փոփոխություններ նախատեսող օրենքի նախագծից»,–նշում են գերատեսչությունիից:

Հիշեցնենք, որ Հարկային օրենսգրքի փոփոխությունների նախագծի նախնական տարբերակով առաջարկվում էր ակցիզային հարկով հարկել 100 գրամ ծավալում 5 և ավելի գրամ շաքար պարունակող ըմպելիքները: Հետո, սակայն այդ դրույթը հանվեց, փոխարենը նախատեսվում էր հարկել բոլոր գազավորված ըմպելիքները` բացառությամբ հանքային ջրերի: Դա առաջացրել էր գազավորված ըմպելիքներ արտադրող որոշ տնտեսվարողների դժգոհություն, ովքեր օրեր շարունակ իրենց բողոքն էին արտահայտել կառավարության շենքի դիմաց:

Ըստ թեմայի

Ի՞նչ են որոշել գազավորված ըմպելիք արտադրողները և ֆիննախի ներկայացուցիչները
Գազավորված ըմպելիք արտադրողները պատրաստվում են ավելի մեծ բողոքի
Գտնել լուծում, որը կբավարարի ոչ միայն գրավատներին, այլև գազավորված ըմպելիք արտադրողներին
թեգերը:
Բողոքի ակցիա, ՀՀ կառավարություն, Տիգրան Ավինյան, Հայաստան

Գլխավոր թեմաներ