05:31 19 ապրիլի 2019
Ուղիղ եթեր
  • USD482.85
  • GBP628.24
  • EUR543.25
  • RUB7.54
Գազալցակայան

Մեր քննադատություններին միշտ հետևում են ստուգումներ. Իվետա Տոնոյանը`գազալցակայանների մասին

© Sputnik / Aram Nersesyan
Տնտեսություն
Ստանալ կարճ հղումը
63 0 0

Իվետա Տոնոյանի խոսքով` ինչ-որ հաղորդագրություն է եղել, որի հիման վրա էլ ստուգումներ են իրականացնում:

 

ԵՐԵՎԱՆ, 10 ապրիլի — Sputnik. «Մուլտի գրուպ» կոնցեռնին պատկանող ԱԳԼՃԿ-ներում ստուգումներ են իրականացվում։ Այս լուրը Sputnik Արմենիայի հետ զրույցում հաստատեց Ազգային ժողովի «Ծառուկյան» խմբակցության պատգամավոր Իվետա Տոնոյանը։

Նրա խոսքով` ստուգումներ են իրականացվում «Մուլտի գազ» և «Մուլտի լիոն» գազալցակայանների ցանցերում։ Ի դեպ, գազալցակայանները պատկանում են Ծառուկյան ընտանիքին, սակայն հավատարմագրային կառավարման են հանձնված «Մուլտի գրուպ» կոնցեռնին։

«Ինչ-որ հաղորդագրություն է եղել, որի հիման վրա էլ ստուգումներ են իրականացնում»,–ասաց Տոնոյանը։

Նրա խոսքով` երևույթն իրենց համար նորություն չէ` ամեն անգամ, երբ Գագիկ Ծառուկյանը կամ ԲՀԿ խմբակցության պատգամավորները քննադատությամբ են հանդես գալիս իշխանությունների հանդեպ, դրան հետևում են նմանատիպ գործողություններ։

Տոնոյանի խոսքով` իրենց քննադատությունները միշտ էլ կառուցողական են եղել, և իրենք հույս ունեին, որ նախկին իշխանությունների գործելաոճը նոր Հայաստանում չէր լինի։

Հարցին, թե այդ ստուգումները կապո՞ւմ է երեկ «Առինջ մոլում» իրականացրած ստուգումների հետ` Տոնոյանը պատասխանեց, որ, այո, դրանք նույն տրամաբանության մեջ է դիտարկում։ «Երեկվա ստուգումներն էլ հակաահաբեկչական ֆիլմ հիշեցնող սցենարով էին իրականացնում. համապատասխան հանդերձանքով մի քանի տասնյակ օպերատիվ հետաքննության վարչության աշխատակիցներ հայտնվել ու պարալիզացրել են տոնավաճառի աշխատանքը։ Մեր կողմից հնչեցրած քննադատության տրամաբանական շարունակությունն էր այս ամենը»,–ասաց նա։

Հիշեցնենք, որ երեկ առավոտյան 10։30-ից ՊԵԿ հետախուզական վարչության աշխատակիցները ստուգումներ են իրականացրել Ծառուկյանին պատկանող «Առինջ մոլ» առևտրի կենտրոնում: ՊԵԿ-ի տեղեկություններով` «Առինջ մոլը» տաղավարների վարձակալությունից ստացած իրական եկամուտները թաքցրել է և դրանց դիմաց քիչ հարկ վճարել։

Ըստ թեմայի

ՊԵԿ–ը մտել է «Առինջ մոլ». շուրջ 40 տեսուչ 7 ժամ ստուգում են ֆինանսական փաստաթղթերը
«Առինջ մոլի» տնօրենը մեկնաբանել է ստեղծված վիճակը. հարկային ստուգումները շարունակվում են
Վարչապետի զայրույթը, ՊԵԿ-ն ու «Առինջ մոլը». եթե՝ «գնա, դիմում գրի», ապա ի՞նչն է փոխվել
թեգերը:
ՀՀ պետական եկամուտների կոմիտե, Գագիկ Ծառուկյան, Բարգավաճ Հայաստան կուսակցություն (ԲՀԿ), Հայաստան

Գլխավոր թեմաներ