05:21 19 ապրիլի 2019
Ուղիղ եթեր
  • USD482.85
  • GBP628.24
  • EUR543.25
  • RUB7.54
Հայաստանի ատոմակայան

Ատոմակայանի ռուսական վարկի վճարումները Հայաստանը ցանկանում է հետաձգել

© Sputnik / Asatur Yesayants.
Տնտեսություն
Ստանալ կարճ հղումը
136 0 0

Ատոմակայանի վերանորոգումն ավելի երկար կտևի, քան սպասվում էր, բայց լիովին արդարացնում է իրեն. վառելիքի նույն ծավալից ԱԷԿ–ն ավելի շատ էներգիա կմշակի։

ԵՐԵՎԱՆ, 12 ապրիլի — Sputnik. Հայաստանի կառավարությունն առաջարկել է ռուս գործընկերներին հետաձգել Հայկական ատոմակայանի հիմնանորոգման վարկի մարումը։

Այդ մասին Sputnik Արմենիային հայտարարեց էներգետիկ ենթակառուցվածքների և բնական պաշարների կապերի նախարարության միջազգային կապերի բաժնի պետ Տիգրան Մելքոնյանը։

Հետաձգումը կօգնի հաջողությամբ ավարտել նախագիծը, որովհետև գալիք, վարկի ամենամյա վճարումների միակ աղբյուրը ԱԷԿ–ի արտադրած էլեկտրաէներգիայի իրացումից ստացած հասույթն է։

«Հայ–ռուսական համաձայնագիրն ԱԷԿ վերազինման համար 270 միլիոն դոլար վարկի մասին ստորագրվել է 2015թ–ի փետրվարին։ Վարկն օգտագործվում է 2015-2019թթ–ին։ Հենց այդ ժամկետում էր նախատեսվել ավարտել վերանորոգումը։ Բայց ատոմակայանի աշխատանքները երկարացվելու են», – բացատրեց Մելքոնյանը։

Հիմնական պատճառն ԱԷԿ–ում աշխատանքների իրագործման առանձնահատկություններն են։ Վերանորոգման հետ միասին այն շարունակում է աշխատել ստանդարտ ռեժիմով։ Իսկ վերանորոգման աշխատանքները համապատասխանեցվում են ԱԷԿ–ը կանգնեցնելու ժամանակացույցին։

Ուստի հայկական կողմն առաջարկել է շարունակել վճարումները 2021թ–ի հուլիսից։ Առաջարկը հնչել է Հայ–ռուսական միջկառավարական հանձնաժողովի նիստում, որը տեղի է ունեցել ապրիլի 4–ին Մոսկվայում։

Ֆինանսավորումը ներկայացնում է վարկային գիծ, այսինքն հայկական կողմը կվերադարձնի ոչ թե 270 միլիոն դոլար, այլ միայն այն գումարը, որը կխնդրի և իրապես կծախսի։

Միջոցները տրամադրվել են արտոնյալ պայմաններով, իսկ վերադարձնելուն կօգնի հենց կայանի վերազինումը։

Վերանորոգումից հետո դրա հզորությունը 390–ից կավելանա մինչև 450 մեգավատ, իսկ էլեկտրաէներգիայի մշակումը` տարեկան մի քանի հարյուր միլիոն կիլովատ/ժամով։

Ըստ թեմայի

Երևանը խնդրել է մեծացնել ԱԷԿ–ի արդիականացման վարկի մարման ժամկետը
ԱԷԿ–ում ջրի հետ կապված խնդիրներ չեն լինի. ատոմակայանում արտեզյան հորեր են փորում
Հայաստանի ատոմակայանն այս տարվա ընթացքում ամբողջությամբ կամ մասամբ չի աշխատի
Ապագայում նոր ատոմակայան կառուցելու տեսլականով. ի՞նչ է քննարկել Ավինյանը
Հայաստանում բուժօգնության նոր փաթեթ կներդրվի. ովքե՞ր կօգտվեն դրանից
թեգերը:
Ռուսաստան, Հայաստան

Գլխավոր թեմաներ